İbni lvesab ~ ابن الوثاب
Kamus-ul'Alam - İbni lvesab ~ ابن الوثاب maddesi. Sayfa: 676 - Sira: 2
İbni lvesab - ابن الوثاب
(ابو عبدالله بن جعفر) خلفای عباسیه دن طایع باللهك مقربینندن اولوب، مشارالیهك سقوطی اوزرینه مهذب الدوله نك یاننه قاچمش؛ و قادر باللهك امری اوزرینه، مهذب الدوله طرفندن اخراج اولننجه، مداىٔنه كیدوب، اوراده اخذ و حبس اولنمش ایسه ده، ٣٨٨ تاریخنده فرار ایدوب، كیلانه كیتمش؛ و اورالرده طایع بالله كندیسی اولمق ادعاسنه قالقیشوب، بر وقت استحصال قوت و اعتبار ایتمش ایسه ده، بعده ادعاسنك كاذب اولدیغی آكلاشیله رق، اورادن دخی طرد و اخراج اولنمشدر. _ (شبیب ابن و ثاب نمیری) اسمنده بری دخی حران و سروج ورقه صاحبی اولوب، ٤٢٦ تاریخنده عرب وساىٔره دن كلیتلی بر عسكر ترتیبیله برابر رهاده كی روملردن دخی استمدادله، نصرالدوله بن مروانك الكاسنی تخریب و یغما ایتمش؛ و بر سنه صكره ابن عطیر و مذكور نصر الدوله ایله بالاتفاق، روملردن رها وسویدایی ضبط، و بعده عقد مصالحه ایله، رهایی اعاده ایلمشدر. ٤٣۰ تاریخنده حراندن مستنصرك خطبه سنی اعاده یه مجبور اولمش؛ و ٤٣١ وفات ایتمشدر.
Kamusul Alam, Şemseddin Sami; Kamusul Alamde İbni lvesab maddesi. osmanlıcada İbni lvesab ne demek, İbni lvesab anlamı manası, İbni lvesab osmanlıca nasıl yazılır. Osmanlıca sözlükte İbni lvesab hakkında bilgi. Arapça İbni lvesab ne demek. Arapça osmanlıca sözlük. Farsçada İbni lvesab anlamı
Kamusul Alamde - ابن الوثاب İbni lvesab maddesi. Şemseddin Sami, Kamusul Alam Ansiklopedisi