İbni Vasıl ~ ابن واصل
Kamus-ul'Alam - İbni Vasıl ~ ابن واصل maddesi. Sayfa: 675 - Sira: 5
İbni Vasıl - ابن واصل
(محمد _ تمیمی) فارس اهالیسندن اولوب، ٢٥٦ تاریخنده ظهور ایله، اكراددن احمد بن لیث اسمنده بر آدمله برابر فارسی ضبط ایتمش؛ و صورتا خلیفۀ عباسی نامنه خطبه اوقوتمش ایسه ده، تفرد ادعاسنده بولنمشیدی. بعده خلیفه معتمد فارسی موسی بن بغایه ویرمكله، بونك طرفندن فارس و الیكنه تعیین اولنان عبدالرحمن بن مفلح ٢٦١ تاریخنده (رامهرمز) ده واقع محاربه ده منهزم اولوب، اسیر دوشمش، و بعده
قتل اولنمش اولمغله، صاحب ترجمه فارسده تفرر ایده رك، موسی بن بغا ایله محاربه ایتمك اوزره واسطه طوغری حركت ایتمش؛ و آنجق كندیسی اهوازده ایكن، یعقوب بن صفار فارسه هجومله، اوراسنی ضبط ایتدیكندن، ابن واصل كری دونمكه مجبور اولمش؛ و صورتا یعقوب بن صفاره عرض اطاعت ایتدیكی حالده، خفیاً و بغتةً اوستنه دوشمكی مراد ایتمش ایسه ده، عسكرینك بر قسمی حرارتدن و آجلقدن تلف اولوب، كندیسی فرار ایتمش؛ و ٢٦٣ ده اسیر طوتلمشدر.
Kamusul Alam, Şemseddin Sami; Kamusul Alamde İbni Vasıl maddesi. osmanlıcada İbni Vasıl ne demek, İbni Vasıl anlamı manası, İbni Vasıl osmanlıca nasıl yazılır. Osmanlıca sözlükte İbni Vasıl hakkında bilgi. Arapça İbni Vasıl ne demek. Arapça osmanlıca sözlük. Farsçada İbni Vasıl anlamı
Kamusul Alamde - ابن واصل İbni Vasıl maddesi. Şemseddin Sami, Kamusul Alam Ansiklopedisi