İbni Zeyyat - ابن زيات

(ابو جعفر محمد بنعبدالملك) خلفای عباسیه دن معتصمك وزیری اولوب، معتصمك وفاتنده اوغلی و خلفی اولان واثق طرفندن دخی وزارتده ابقا اولنمش ایسه ده، بونك برادری و وارثی اولان متوكلك زماننده، اشكنجه ایچون كندیسی ایجاد و اعمال ایتمش اولدیغی بر فرونه ادخال ایله، ٢٣٣ تاریخنده قتل و مالی مصادره اولنمشدر. بو فرون‌ داخلاً چوالدوز كبی ایری ایكنه لرله مجهز دمیردن بر دولاب شكلنده اولوب، اشكنجه سی مراد اولنان آدم ایچنه ادخال، و محل مخصوصندن تستحین اولنور، و ایچنده كی بیچاره مخلوق حرارتدن بیزار اولوب، حركت ایتدكجه، ایكنه لر بدننه باتاردی. مظلومین بو فرونك ایچندن مرحمت دیه باغردقلری وقت ((مرحمت طبیعتك بر نقصانیدر)) تعبیریله جواب ویرمك صاحب ترجمه نك عادتی اولدیغندن، الحزأ من جنس العمل حكمنجه بو دام ملعتنه كندیسی دوشوب ده، استعطاف مرحمت ایتدیكنده، خلیفه طرفندن كندیسنه بو تعبیر ایله جواب ویرلمشدر. مع هذا ادبیاتده و علی الخصوص نحو ولغتده ید طولی صاحبی اولوب، اشعار راىٔقه سی دخی واردر. كتب یونانیه نك عربی یه ترجمه سنه فوق العاده حریص اولوب، كندی اسمنه نسبتله بر چوق كتب فنیه ترجمه اولنمشدر. یوحنا بن ماسویه، جبرىٔیل بن بختیشوع، بختیشوع بن جبرىٔیل، داود بن سرابیون وساىٔر كبار اطبا دخی بونك امر وحمایه سیله كتب طبیه ترجمه ایدنلردن ایدی. مترجملره شهری ایكی بیك آلتون ویرردی. فرونك ایچنده اشكنجه آلتنده ایكن بر كمور پارچه سیله دیواره یازمش اولدیغی شو قطعه جملۀ اشعارندندر : من له عهد بنسوم یرشد الصب الیه رحم الله رحیماً دل عینی علیه سهرت عینی ونامت عین هنت لدیه