İbni Raşik ~ ابن رشيق
Kamus-ul'Alam - İbni Raşik ~ ابن رشيق maddesi. Sayfa: 628 - Sira: 3
İbni Raşik - ابن رشيق
(ابو علی حسن _ ) اعاظم ادبادن اولوب، ٣٩۰ تاریخنده افریقیه نك مسیله ویا مهدیه شهرنده طوغمش، و بعده قیروانه نقل ایله، صاحبنه انتساب ایتمش؛ و قیروانده ظهور ایدن فتنه اوزرینه، صقلیه جزیره سنه كچوب، (مازر) شهرنده اقامت، و ٤٦٩ تاریخنده اوراده وفات ایتمشدر. شعرك شراىٔط و قواعدینه داىٔر ((المعده)) عنوانلی پك معتبر بر كتابی و ((انموذج)) عنوانلی دیكر بر تألیفی، و علم لغتده دخی شاذ اولان كلمه لری جامع ((كتاب الشذوذ)) و ((قراضة الذهب)) عنوانلی ایكی كوزل اثری واردر. اشعاری پك لطیف اولوب، سیوری سینكدن شكایت یولنده سویلمش اولدیغی شو قطعه او جمله دندر :
یارب لا اقوی علی دفع الاذی و بك استعنت علی الضعیف المؤذی مالی بعثت الی الف بعوضة و بعثت واحدة الیّ نمروذ
Kamusul Alam, Şemseddin Sami; Kamusul Alamde İbni Raşik maddesi. osmanlıcada İbni Raşik ne demek, İbni Raşik anlamı manası, İbni Raşik osmanlıca nasıl yazılır. Osmanlıca sözlükte İbni Raşik hakkında bilgi. Arapça İbni Raşik ne demek. Arapça osmanlıca sözlük. Farsçada İbni Raşik anlamı
Kamusul Alamde - ابن رشيق İbni Raşik maddesi. Şemseddin Sami, Kamusul Alam Ansiklopedisi