İbni Rumi ~ ابن رومی
Kamus-ul'Alam - İbni Rumi ~ ابن رومی maddesi. Sayfa: 629 - Sira: 4
İbni Rumi - ابن رومی
(ابو الحسن علی بن عباس) اعاظم شعرای عربدن اولوب، فصاحت و بلاغتیله و شعرك انواعنده كی مهارت تامه سیله مشهوردر. ٢٢١ تاریخنده بغدادده طوغوب، ٢٨٣ ده وفات ایتمشدر. هر شیدن تفأل و تشأم ایده رك، اوكا كوره حركت ایتمك عادتی اولمغله، حقنده پك چوق نوادر و غراىٔب منقولدر. حتی بر كون بر یره كیده جكی صره ده یولنك اوزرنده بر اكسیجینك آصمش اولدیغی ایكی چیزمه نك بر (لا) شكلنی آلمش اولدیغنه و آلتلرنده یرده (تمر) یعنی خرما بولندیغنه دقت ایله، بوندن (لاتمر) یعنی ((چكمه)) حكمنی چیقاره رق، كری دونمش اولدیغی مشهوردر. معتضدك وزیری قاسم بن عبدالله صاحب ترجمه نك هجوندن قورقدیغیچون، كندیسنی تسمیم ایتمشدر. مرتب دیوان اشعاری واردر. بغداددن اوزاق بولندیغی بر زمانده شهر شهیر مذكوره اشتیاقنی مصور اولان شو قطعه جملۀ اشعار بلیغه سندندر : بلد صحبت به الشبیبة و الصبا و لبست ثوب اللهو و هو جدید فاذا تمثل فی الضمیر رأیته و علیه اغصان الشباب تمید
Kamusul Alam, Şemseddin Sami; Kamusul Alamde İbni Rumi maddesi. osmanlıcada İbni Rumi ne demek, İbni Rumi anlamı manası, İbni Rumi osmanlıca nasıl yazılır. Osmanlıca sözlükte İbni Rumi hakkında bilgi. Arapça İbni Rumi ne demek. Arapça osmanlıca sözlük. Farsçada İbni Rumi anlamı
Kamusul Alamde - ابن رومی İbni Rumi maddesi. Şemseddin Sami, Kamusul Alam Ansiklopedisi