Anaxagore ~ آناقساغوراس
Kamus-ul'Alam - Anaxagore ~ آناقساغوراس maddesi. Sayfa: 400 - Sira: 11
Anaxagore - آناقساغوراس
یونان قدیم حكماسندن و ((اصحاب قیاس)) دنیلن فلاسفه دن اولوب، قبل المیلاد ٥۰۰ تاریخلرنده (اورله) قصبه سی موقعنده بولنمش اولان (قلازومن) شهر قدیمنده طوغمش؛ و (آناقسیمانس) ایله (هرموتیم) دن تحصیل فلسفه ایتدكدن صكره، توسیع معلومات ایچون، مصره بر سیاحت ایدوب، ٤٧٥ تاریخنده عودتله، آتنه ده اختیار اقامت ایتمش، و (اورپید) ایله (پریقلس) ك و بلكه سقراطك دخی استادی اولمشیدی. یونانیلرك بعض اعتقادات باطله لرینی جزح ایتدیكیچون، دینسزلكله اتهام اولنه رق، اعدامنه حكم اولنمشیكن، پریقلسك شفاعتیله جزاسی نفیه تحویل اولنمغله، (لاپسكی) شهرینه كیدوب،
اختیار اقامت ایتمش؛ و قبل المیلاد ٤٢٨ تاریخنده وفات ایتمشدر. مادیت و جسمانیتدن مبرا صرف روحانی و معنوی بر الهك و جودینی تصور ایدن حكمای یونانك برنجیسیدر. علم هیىٔت و نجومه دخی خیلی خدمت ایدوب، خسوف و كسوف حقنده بر چوق حقیقتلر كشفنه موفق اولمشیدی. آثارینك یالكز بعض پارچه لری بولنه بیلمشدر. عربلر عندنده (انكساغورس) اسمیله معروفدر.
Kamusul Alam, Şemseddin Sami; Kamusul Alamde Anaxagore maddesi. osmanlıcada Anaxagore ne demek, Anaxagore anlamı manası, Anaxagore osmanlıca nasıl yazılır. Osmanlıca sözlükte Anaxagore hakkında bilgi. Arapça Anaxagore ne demek. Arapça osmanlıca sözlük. Farsçada Anaxagore anlamı
Kamusul Alamde - آناقساغوراس Anaxagore maddesi. Şemseddin Sami, Kamusul Alam Ansiklopedisi