Anatolie - آناطولی

آسیانك منتهای غربنده واقع بر بیوك شبه جزیره اولوب، ممالك عثمانیه نك اك معتنا قسمیدر. اسكی یونانیلرله رومالیلر بوكا آسیای صغیر، و اسكی جغرافیون اسلام (روم) دیرلردی. آناطولی كلمه سی ایسه روم لساننده (شرق) دیمك اولوب، یونانه نسبةً اولان موقعی حسبیله بویله تسمیه اولنمش، وزمانمزده اسم تعمم ایتمشدر. موقع ووضعیتی، حدودی، مساحه سی. _ آناطولی قطعه سی اسكیدن معلوم ومتمدن اولان اقطارك تا وسطنده واقع اولوب، اطراف ثلثه سی دكیزله

محاط، و یالكز شرق طرفندن قره یه مربوطدر. شمالاً قره دكیز ومرمره دكیزلریله محدود اولوب، استانبول و چناق قلعه بوغازلریله آوروپادن آیرلمشدر؛ غرباً آطه لر دكیزیله وجنوباً دخی آق دكیزله محدوددر. شرق طرفندن یعنی قره دن اولان حدودی تمامیله معین دكلسه ده، عمومیت اوزره قافقاسدن اسكندرون كورفزینك جنوبنده كی (رأس الجنریر) ە قدر تسلسل ایدن جبال ایله و بعض محللرده فرات مجراسیله آیریلوب، شرق جنوبی طرفندن كردستان، جزیره وسوریه ایله محدوددر. آناطولینك كیرنتی چیقنتیلری حساب اولنمقسزین، ٤۰۰۰ كیلومتره لك سواحلی اولوب، بونك ١٣۰۰ كیلومتره لكی قره دكیزده، ٥۰۰ كیلومتره لكی مرمره ایله بوغازلرده، ١١۰۰ كیلومتره لكی آطه لر دكیزنده و اونك بر مثلی دخی آق دكیزده در. قره دن اولان خط حدودی دخی تقریباً ١٣۰۰ كیلومتره طولنده در. بو سواحلك هر طرفی و علی الخصوص سواحل غربیه سی بر چوق كورفزلر وخلیج ولیمانلری حاویدر. آطه لر دكیزی ساحلندن فرات مجراسنه قدر اولان طول اعظمی ١٢۰۰ كیلومتره، و ْ٣١ طول شرقیده واقع عرض اعظمی ٧۰۰ و اك طار محلنده دخی ٥۰۰ كیلومتره در. مساحۀ سطحیه سی، آناطولی یه مربوط اولان جزایر بحر سفید دخی داخل اولدیغی حالده، ٥٤٧۰۰۰ مربع كیلومتره در، كه بوحسابجه فرانسه دن دهابیوكدر. آناطولی قطعه سی اسپانیا، ایتالیا ویونانله براقلیمده در. اك شمالی نقطه سی اولان سینوب شهری رومانك حذاسنده، و اك جنوبی نقطه سی اولان (آنامور) برونی (قادیس) حذاسنك برآز جنوبنده در. اك غربی نقطه سی َ٤٤ ْ٢٣ طول شرقیده واقع (بابا برونی)، و اك شرقی نقطه سی دخی طربزون ولایتنك َ٣۰ ْ٣٩ طول شرقیده واقع منتهای شرقیسیدر. هیىٔت طبیعیه سی. _ آناطولینك اورته سی واسع بر اووه در. كه اوته سنده بریسنده بعض منفرد طاغلر وتپه لربولندیغی حالده، اطراف اربعه سی یوكسك طاغلرله محاطدر. بوطاغلر پك واسع اولوب، كرك سواحله و كرك ایح طرفلره طوغری امتدادایدر اتكلری، بایرلری و آره لرنده كوزل اووه لری واردر. ذكر اولنان داخلی اووه قونیه، قیصریه، توقاد آنقره وقره حصار صاحب آره لرنده اولوب، اطرافنده كی طاغلرك اك مرتفعی

ایج ایلنده باشلایوب بر خیلی مسافه ده دكیز قییسی حذاسنجه شرقه وبعده شرق شمالی یه طوغری ممتد اولان طاغدر، كه اسكی یونان جغرافیونی طرفندن شكل وصورتی حسبیله، (طاوروس) یعنی ((بوغا)) تسمیه اولنوب، تركجه ده دخی (بوغا طاغی) تسمیه اولنمشیكن، الیوم بونك غلطی اولان (بلغار طاغی) اسمیله معروفدر. شمال جهتنده كی طاغلر ایسه مرمره دكیزینك سواحل جنوبیه سندن باشلایه رق قره دكیز سواحلی بوینجه تا قافقاسه قدر ممتد اولان درت بش صره دن مركب بر سلسله در، كه بر چوق یرلرده منقطع اولدیغندن، بر اسم مشتركی اولمیوب، هریرده نر اسم مخصوصله معروفدر. بو طاغلردن اك آلچقلرینك ارتفاعی سكز طقوز یوز متره دن آشاغی دكلدر؛ اك یوكسكلرینك ارتفاعی ایسه ایكی بیك متره راده لرنده در. جنوب و شرق جنوبی طرفلرینی احاطه ایدن سلسله دخی بویله بر چوق طاغلردن و برقاچ صره دن مركب اولوب، اك مرتفع محلى قونیه ایله آطنه ولایتلری آره سنده اولان بلغار (ودها طوغریسی بوغا) طاغیدر، كه حذای بحردن ٢٥۰۰ متره ارتفاعی واردر. بو ایكی سلسله غربه طوغری اوزانه رق، آناطولینك قسم غربیسنی ضبط ایدن وبینلرنده آز چوق ارتباطلری اولان بر چوق طاغلر تشكیل ایدیورلر، كه بونلرك اكثریسی شرقدن غربه ممتد اوله رق، سواحل غربیه یه قدر اوزانیرلر، و آره لرنده بر چوق وادیلر حاصل اولور. اطراف اربعه سی بو وجهله طاغلرله محاط اولان وسطی اووه دخی پك آلچق اولمیوب، حذای بحردن ٩۰۰، و اك آلچق یری اولان (طوز كولی) سطنحك بیله ٨۰۰ متره ارتفاعی واردر. غریبی شودر، كه آناطولینك اك مرتفع نقطه سی مذكور سلسله لرده اولمیوب، بو اووه نك ایچنده منفرداً یوكسلن (ارجیاس) طاغنك ذروه سیدر، كه ٣٨۰۰ متره ارتفاعی واردر. كرك مذكور سلسله لر وكرك وسطی اووه نك اراضیسی اراضیٔ كلسیه دن اولوب، وقتیله قعر بحرده تشكل ایتمش، و اك مرتفع مخللرنده بیله مستحاثات حالنده پك چوق حیوانات بحریه بولندیغی مشاهده اولنمشدر. بو اراضیٔ كلیسه آره سنده كرك سلاسل جبالده وكرك مذكور مرتفع اووه نك اوته بریسنده بولنان منفرد طاغلرده جابجا اراضیٔ بركانیه یه تصادف اولنوب، هر نقدر كه از-

منۀ تاریخیه دن بری بوبركانلرك آتش پوسكوردكلری تخطر اولنمیورسه ده، منفسلری ولاولرینك آقنت%

چایلرینی اخذ ایله، كملیك كورفزینه طوغری جریان ایتدیكی حالده، كشیش طاغنك بر شعبه سنه بالتصادف بردن بره یولنی تبدیل ایله، شمال شرقی یه طوغری دونه رك، وقوجه ایلی ایچندن چكه رك، قره دكیزه منصب اولور. بو اوچ ایرماغك حسابسز تابعلرندن بشقه طوغریدن طوغری یه قره دكیزه دوكیلور بر چوق نهرلر دخی واردر. مرمره دكیزینه دوكیلن نهرلرك اك بیوكی (سیماو) نهریدر، كه خداوندكار ولایتنك اكثر صولرینی جمع ایدر. آطه لر دكیزینه دوكیلن نهرلرك اك بیوكلری (كدیز) ایله (بیوك مندرس) نهرلریدر، كه خداوندكار ولایتنك كوتاهیه وقره حصار صاحب سنجاقلرنده نبعانله، غربه طوغری جریان، وآیدین ولایتنی شرقدن غربه شق ایدرلر. جنوبدن آق دكیزه دوكیلن نهرلر دخی چوق ایسه ده، مجرالرینك قیصه لغی حسبیله، یالكز ایج ایلدن اینن (كوكصو) ایله آطنه اووه سندن اینن (سیخان) و (جیخان) ذكره شایاندر. بونلردن جیخانك مجراسی دها اوزون اولوب، مرعش سنجاغنك بتون صولرینی جمع ایتدكدن صكره آطنه ولایتنه كیرر؛ سیخان ایسه قوزان ایله آطنه سنجاقلرینك صولرینی جمع ایدر. بو تعریفاتدن آكلاشلدیغی اوزره، آناطولی قطعه سنك نصفندن زیاده سی قره دكیز ماىٔله سنه تابع اولوب، نصف دیكری ایسه درت ماىٔله یه منقسمدر. كه بونلرك اوچی ذكر اولنان مرمره، آطه لر دكیزی و آق دكیز ماىٔله لری اولوب، دردنجیسی دخی دكیزه مخرجی اولمیان ماىٔلۀ داخلیه در، كه قونیه ولایتنك قسم اعظمیله آنقره وقره حصار صاحب سنجاقلرینك برر قسمندن عبارت اولوب، بونك ذاتاً آز اولان صولری یوقاریده ذكر اولنان مرتفع اووه نك ایچنده بولنان متعدد كوللره دوكیلور. فرات حوضه سنه یعنی بصره كورفزی ماىٔله سنه تابع اولان ارزنجان، ارضروم وخرپوت طرفلرینك جهت شرقیه سی تقسیمات جغرافیه جه آناطولیدن معدود دكل ایسه ده، اهالینك لسان واخلاقنجه وهر جهتجه آناطولی یه تابع بولندیغندن، بوراسی دخی حساب اولنور ایسه، بر بشنجی ماىٔله عد اولنمق اقتضا ایدر. كوللری. _ آناطولینك باشلیجه كوللری ماىٔلۀ داخلیه سیله مرمره ماىٔله سنده اولوب، داخلی ماىٔله ده

آناطولینك اك بیوك كولی اولان (طوزلی كول) ایله حویران یاخود اكردیر، یكیشهر، بوردور، آقشهر و ابر كوللریدر، كه همان جمله سنك صولری آز چوق طوزلیدر. مرمره ماىٔله سنده كی كوللر دخی باشلیجه ازنیق، آبولونیه ومیخالیج كوللرندن عبارتدر. سواحلیله آطه لری. _ آناطولینك قره دكیز ده كی سواحلی دوز اولوب، اصل كورفز دنیله بیله جك سینوب ایله صامسون كورفزلریدر، كه آره لری قزیل ایرماق منصبنك تشكیل ایتدیكی بیوك بر برون ایله آیرلمشدر. بو سواحلك قارشیسنده هیچ بر آطه یوقدر. مرمره دكیزنده ایكی درین كورفز واردر، كه بری ازمید ودیكری كملیك كورفزیدر. مرمره آطه سنك قارشیسنده اوزانان شبه جزیره دخی شرق طرفنده باندیرمه و غرب طرفنده اردك كورفزلرینی تشكیل ایدیور. استانبولك جوارنده اولان بك آطه لریله ایمرالی (امیرعلی)، مرمره، پاشا لیمانی وآفسیا آطه لری دخی آناطولی یه مربوطدر. آناطولینك اك ایی سواحلی غرب طرفنده یعنی آطه لر دكیزنده اولوب، سواحل مذكوره نك دكیزك ایچنه اوزانمش بر چوق شبه جزیره لری بر طاقم درین كورفز و خلیجلر تشكیل ایدیورلر، كه بونلرك ایچنده پك چوق قویلر و لیمانلر دخی واردر. بو كورفزلرك باشلیجه لری ادرمید، چاندارلی، ازمیر، قوش آطه سی، مندلیا، اسنانكوی وسومبكی كورفزلریدر، بو ساحلك قارشیسنده بر چوق آطه لر بولنیور، كه بونلرك بعضیسی خیلی بیوك و مهمدر. جزایر بحر سفید نامیله آیریجه بر ولایت تشكیل ایدن بو آطه لرك باشلیجه لری لیمنی، بوزجه آطه، مدللی، ساقز، سیسام، نیقاریه، فورنی، باطنوس، لریوس، قالیمنوس، استانكوی، آستروپالیا، سومبكی، ردوس، كرپه وقاشوت (چوبان آطه سی) اولوب، بونلرك اك بیوكلری مدللی، ساقز، سیسام وردوسد، سواحل جنوبیه سنه كلنجه، جنوبه طوغری اوزانمش ایكی بیوك چیقنتی حالنده اولان ایج ایلی ایله تكه ومنتشانك برر پارچه سی ایكی بیوك كورفز تشكیل ایدیورلر. كه بری آنطالیه ودیكری مرسین كورفزیدر. سواحل مذكوره نك منتهای شرقیسنده دخی آناطولینك سوریه یله محل التصاقنده بر درین كورفز واردر، كه اسكندرون كورفزیدر. كرك بو اوچ كورفزك

ایچنده وكرك ساحلك ساىٔر طرفلرنده بر چوق لیمانلر واسكله لر واردر. بو ساحلك قارشیسند آناطولی یه منسوب آطه لرك اك بیوكی و آق دكیزده كی آطه لرك جسامتجه اوچنجیسی اولان قبریس جزیره سی بولنیور. هواسی _ آناطولی قطعه سنك هواسی عمومیت اوزره معتدل وغایت كوزل اولوب، علی الخصوص آیدین وخداوندكار ولایتلرندن عبارت اولان قسم غربیسی دنیانك اك كوزل هوالی یرلرندندر. منتهای شمال شرقیسنده واقع اولان ارضروم طرفلریله فرات وقره دكیز ماىٔله لتی آره سنده كی صرتی تشكیل ایدن محال مرتفعه ده قیشلر پك صوىٔوق و اوزون اولوب، غربه طوغری كیدلدكجه، هوا كسب ملایمت ایده رك، سیواس، قسطمونی و آنقره ولایتلرینك محال مرتفعه سنده قیشلرینه خیلی صوىٔوق ایسه ده، امتدادلری پك آزدر. قره دكیز سواحلیله جبال مرتفعۀ مذكوره نك جنوبنده كی اتكلرنده هوا معتدل و پك كوزلدر. جنوب جهتنه كلنجه، سواحل و علی الخصوص كورفزلرك ایچی شمال روزكارندن جبال مرتفعه ایله محفوظ اولوب، لدوسه متوجه بولندقلرندنو یازین هوالری خیلی صیجاق ایسه ده، حرارتلری سوریه و مصر سواحلنه مقیس اوله جق درجه ده دكلدر. داخلی ماىٔله یی تركیب ایدن ایج طرفلره كلنجه، بونلردن طوزلی اووه وحیمانه جهتلری اورماندن خالی وقورو اولدیغندن، یازین خیلی صیجاق اولدیغی كبی، ارتفاعی حسبیله قیشین دخی چوق صوىٔوق اولور. ماىٔلۀ مذكوره نك غرب جنوبی جهتنی تشكیل ایدن قره مان وحمید سنجاقلرنده ایسه اورمانلر زیاده اولمغله، هوا دخی معتدلدر. نباتات ومحصولات وزراعتی. _ آناطولینك یالكز طوزلی اووه طرفلرنده كی قسم داخلیسی زراعته غیر صالح وهمان چول حالنده اولوب، ساىٔر هرطرفنك هر نوع اعمار وزراعته فوق العاده استعدادی واردر. كوتاهیه جهتی آناطولینك اك كوزل، اك منبت و اك محصولدار یری اولوب، بوكا جوار اولان بروسه، قره سی، صاروخان و آیدین جهتلری دخی دنیانك اك محصولدار یرلرندندر. بو محللرده بغدای، آرپه وساىٔر حبوبات كلیتله یتیشدیكی كبی، اوزوم، قاىٔون، قارپوز، ناز، جویز، الما، آرمود، كستانه و اقالیم معتدله یه مخصوص ساىٔر انواع میوه لری پك

كثرتلیدر. مرمره وآطه لر دكیزی سواحلی جوارلرنده زیتون آغاجلری دخی چوقدر. بروسه جوارلری ایپك چیقاران محللرك مركزی اولوب، كلیتلی دود آغاجلری واردر. آیدینده پاموق، قره حصار صاحبده وساىٔر بعض طرفلرده دخی آفیون محصولاتی چوقدر. قره دكیز سواحلنك شرق قسمنده یعنی سینوبله طربزون آره سنده دخی زیتون آغاجلری چوق اولوب، سواحل مذكوره نك ایج طرفلرنده و علی الخصوص آماسیه جهتنده دخی انواع میوه لرك اك نفیسلری كلیتله حاصل اولور. قره دكیز ماىٔله سنك غربی قسمی ایسه دها مرتفع ودها صوىٔوق اولمغله، هر نوع محصولاته مساعد دكلسه ده، بوطرفده دخی حبوبات متنوعه ایله میوه لرك انواعی یتیشیور. ماىٔلۀ جنوبیه یه كلنجه، بونك قسم غربیسی اولان منتشا، تكه وایج ایلی ایله ماىٔلۀ داخلیه نك قسم جنوبىٔ غربیسی اولان قره مان و حمید جهتلرینك آیدین طرفلرندن آز فرقی اولوب، حبوبات متنوعه ایله كلیتلی میوه لری وصفران، كوك بویه وساىٔره محصولاتی واردر. ماىٔلۀ مذكوره نك قسم شرقیسی اولان آطنه جهتی ایسه آناطولینك بر كوچك مصری دنیله بیله جك درجه ده منبت و محصولدار اراضی یی حاوی ایسه ده، هواسنك آغرلغی و اهالیسنك فقدانی جهتیله، طبیعتك بو نعمتندن وبحق استفاده اولنمیور؛ مع هذا كلیتلی ذخایر و پموق حاصل اولیور. سواحل جنوبیه نك دخی همان هر طرفنده زیتون یتیشیر. فرات حوضه سنه منسوبیت وقربیتی اولان یرلرك بعضیسی طاغلق وصرب ایسه ده، خرپوت كبی هواسی معتدل وغایت محصولدار بعض یرلری دخی واردر. آطه لرده محصولات عادیه ایله برابر زیتون، پورتقال، لیمون و آیریجه ساقز آطه سنده كلیتلی ساقز حاصل اولور. الحاصل اولدیغی كبی، میوه لرك جمله سی دخی همان آناطولی یه مخصوصدر دنیلسه جانردر. حقیقةً آناطولینك هر طرفنده انواع میوه لر هم كلیتلی هم جنسلری غایت اییدر. طاغلرینك اكثریسی اورمانلرله مستور اولوب، اورمان وتارله اولمیان یرلرینك اكثریسی دخی مرعالق اولمغله، بو مبارك قطعه نك نوع بشر ایچون استفاده یی موجب اولمیه جق یرلری همان هیچ یوق كبیدر. اورمانلری اك كثرتلی محللری قسطمونی وتكه ایله آیدین خداوندكارك بعض طرفلریدر.

تقسیماتی. _ آناطولی قطعه سی ١١ ولایتله ٣ لوا و بعض قضالری جامع اولوب، ولایات و الویۀ مذكوره نك تقسیمات اداره سی بروجه آتیدر : ولایت لوا قضا خداوندكار بروسه { بروسه بیله جك كملیك مدانیه میخالیج كرماستی آطره نوس } كوتاهیه { كوتاهیه عشاق اسكبشهر سماو كدوس قره حصار { قره حصار صندقلی بولوادین عزیزیه } ارطغرل { یكیشهر اینه كوی سكود } قره سی { بالیكسری آیوالق ادرمید صندرغی بیغادیج كمر ادرمید اردك باندرمه } آیدین ازمیر { ازمیر قوش آطه سی بیرون آباد چشمه تیره اوده مش اورله فوجتین بایندر منمن برغمه سفریحصار } صاروخان { مغنیسا طورغودلی آلا شهر قوله آق حصار صالحلو كوردوس تمیورجی اشمه قرق آغاج صومه

طبیعتك بو مبذولیتیله، برابر، اهالینك استعداد اراضی یه نسبةً آزلغندن، طرق ومعابرك عدم كفایه سندن، زراعتك الآن اصول قدیمه ده دوامندن، بعض طرفلری اهالیسنك نقصان سعیندن وساىٔر اسباب متعدده دن طولایی، بو قطعه نك ثروت و معموریت عمومیه سی پك كری واستعداد طبیعیسنك پك مادوننده قالمشدر. معادنی. _ آناطولینك اسكیدن بری كثرت معادنیله شهرتی اولان جهتی شمال شرقی طرفی اولوب، كومشخانه ده و طربزون ایله توقاد طرفلرنده خیلی كومش، قورشون، دمیر و باقیر معدنلری بولندیغی كبی، ساىٔر طرفلرنده دخی انواع معدنلر بولنیور ایسه ده، همان هیچ بر طرفنده چیقاریله مامقده در. كمور معدنی یالكز اركلیده چیقارلمقده ایسه ده، ساىٔر طرفلرده دخی تحری اولنسه بولنه جغی شبهه سزدر. قیاطوزی آنقره وقونیه ولایتلرینك ایج طرفلرنده وساىٔر داخلی جهتلرده كلیتلی بولندیغی كبی، دكیز قییلرنده و كوللرده دخی مملحه لری چوقدر. حیواناتی. _ آناطولینك اورته سنده بولنان مرتفع اووه نك اطرافنده كی طاغلرك مستور بولندقلری صیق و واسع اورمانلرك ایچنده قورد، آیی، تیلكی، چقال، طوموز، قپلان، صیرتلان وساىٔر حیوانات‌ و حشیه كثرت اوزره بولنیور. آرسلان دخی وقتیله چوق بولنوب، شمدی ندرت اوزره تصادف اولنیور. آنجق بو حیوانات مفترسه نك اكثریسی همان ذكر اولنان اورمانلره منحصر اولوب، ساىٔر طرفلرده حیوانات مأنوسه سوریلرینك تكثرینه مانع اوله میورلر. ازمنۀ قدیمه ده قسطمونی ایله منتشا و آطنه جهتلرینك آتلری مشهور اولوب، الیوم دخی جنسلری بسبتون منقرض اولمامشدره استر دخی آناطولینك هر طرفنده منتشر اولوب، جنسی پك اییدر. صیغرلری عمومیت اوزره كوچكدر. قویونلری كاملاً قره مان تعبیر اولنان قالبن قویروقلی جنسدن اولوب، كثرت اوزره در. وسوریلرك اكثریسی كوجبه حالنده طولاشان تركمان ویوروك عشیرتلرینك مالیدر. عادی چكیدن ماعدا تفتیك چكیلری دخی خیلی چوق اولوب، آنقره ایله اورایه قربیتی اولان قسطمونی و خداوندكار ولایتنك بعض طرفلرنده بولنیور. آریلر پك چوق اولوب، بال و بال مومی آناطولینك اك مهم اخراجاتندندر.

ولایت لوا قضا آنقره قیصریه { قیصریه دوه لر اینجه صو یوزغاد { یوزغاد چورم سنغورلی معدن بوغازلیان قسطمونی قسطمونی { قسطمونی اینه بولی زغفرانبولی طوسیه طاسیه طاشكپری‌ اسكلب جیده طاطای آراج بولی { بولی بارطین اركلی كوینك كرده دوزجه سینوب {سینوب استفان بوی آباد كنغری { كنغری چركس قلعه جق طربزون طربزون { طربزون كیره سون اردو تیره بولی وقف كبیر سورمنه كوره له جانیك { صامسون بافره اونیه چهارشنبه ترمه فاتسه لازستان { ریزه خوبه آتنه اوف كمشخانه { كمشخانه طرول سیواس سیواس { سیواس عزیزیه قوچكیری دیوریكی دارنده كرون تنوس حافیك یلدیز ایلی آماسیه { آماسیه مرزیفون كوپری مجید اوزی غثمانجق لادیق

ولایت لوا قضا آیدین آیدین { آیدین نازللو بوزطغان سوكه چینه منتشا { مغله میلاس مكری بودروم كویجكز مرمریس دكزلی { دكزلی طواس چال یولدان سرای كوی قونیا { قونیا { قونیه آقشهر قرمان ایلغین سیدی شهری اركلی اسبكشان بوزقیر بكشهری خادم قره بیكار حمید { اسپارطه یلواج قره آغاج اكدیر اولوبورلی بوردور { بوردور عاصی قره آغاج نفنی آنطالیه تكه { آنطالیه علاىٔیه المالو آقسكی قاش نیكده { نیكده نوشهر اركوب آقسرای بور عربسون معدن آنقره آنقره { آنقره ایاش بكبازاری سفریحصار نعللو خان حیمانه بالا زیر چبق آباد ییان آباد میخا لیچجق قیر شهری { قیر شهری كسكین مجیدیه

ولایت لوا قضا سیواس‌ آماسیه {حوصه كموش حاجی كویی قره حصار شرقی { قره حصار شرقی صو شهری حمیدیه قویلحصار الوجره توقاد { توقاد ذیله اربعه نیكسار آطنه آطنه { آطنه طرسوس مرسین قره عیسالو ایج ایل { سلفكه كلنار آنامور ارمناك موط قوزان { سیس حاچین قكه قارص جبل بركت {یارپوز پیاس عثمانیه بولانق اصلاحیه حصه معمورة العزیز معمورة العزیز { خرپوت عربكیر كبار اكین ملاطیه {ملاطیه حصنمنصور بهسنی آقچه طاغ كاخته ارضروم ارضروم { ارضروم پاسینلر ترجان كیغی خنس طورطوم اواقراسی كسكیم ارزنجان {ارزنجان كماح قوریجای رفاهیه بایبورد { بایبورد اسپر كلكیت شیران حلب ولایتنه ملحق مرعش سنجاغی {مرغش البستان اندرین بازارجق زیتون البو كمال

ولایت لوا قضا شهر امانتنه ملحق ازمید سنجاغی یعنی قوجه ایلی { ازمید قره مرسل آطه بازاری كیوه قندره كذا شهر امانتنه ملحق قضالر {اسكدار مع قاضی كویی آطه لر قرتال ككبوزه شیله بكقوز مستقل بیغا سنجاغی { قلغۀ سلطانیه بیغا اذینه لاپسكی آیو اجق جزایربحر سفید ساقز { ساقز استانكوی قلمیوس قاریوط لریوس ایبصاره مدللو { مدللو مولوه بیلمار بونده ردوس {ردوس سومبكی كرپه میس قاشوط لمنی { لمنی امروز بوزجه آطه قبریس (موقتاً انكلتره اداره سنده در.) بو تقسیمات اداره دن بشقه آناطولینك بعض تقسیمات جغرافیه سی دخی وارایسه ده، عمومی اولمیوب، باشلیجه شرق و جنوب طرفلرینه مخصوصدر. قوجه ایلی، خداوندكار، قره سی، صاروخان، منتشا، تكه، قرمان، ایج ایلی، قوزان اسملری بو تقسیمات جغرافیه اسامیسندندر، كه دولت علیۀ عثمانیه نك ابتدای تشكلنده وضع اولنمش اسملردر. تقسیمات قدیمه سی. _ آناطولی قطعه سی زمان قدیمده (آسیای صغیر) تسمیه اولنه رق، ینه شمدیكی اقطاری جامع و شرقاً سوریه و مسوپوتامیا (یعنی جزیره) و آرمنیا ایله محدود ایدی. بو قطعه رومالیلرك الینه چكنجه یه قدر هیچ بروقت بر هیىٔت متحده تشكیل ایتمیوب، بروجه زیر خطه لره منقسم ایدی : ١- بیتنیا، كه خداوندكار ولایتنك بروسه وارطغرل سنجاقلریله قوجه ایلندن ؛

چك فریجیا)، و منتشا سواحلندن طربزون حدودبنه قدر اولان ایج طرفنه دخی (بیوك فریجیا) دیرلردی. بو حدود داخلنده اولان اقوام ساىٔره نك ایسه فریجیان قومنك شعباتندن اولملری ملحوظدر. آناطولینك جنوب و شرق جهتلرنده ساكن بولنمش اولان اقوام قدیمه نك ایسه امم سامیه دن بولندقلری دلاىٔل متعدده ایله مثبت اولوب، حتی اسكی یونانیلر بونلره (لوقوسیریی) یعنی ((آق سریانیلر)) دیرلردی. (غالاتیا) دنیلن آنقره ویوزغاد جهتلرینه دخی (غالیا) یعنی اسكی فرانسه دن بر قوم كلوب، مملكتی ضبط و اورالرده توطن ایتمشلردی؛ بو قطعه نك غالاتیا اسمیله وجه تسمیه سی دخی بو اولوب، عن اصل فریجیادن معدود ایدی. اهالیسی. _ آناطولینك اهالیسی سكز ملیونی متجاوز اولوب، یاریم ملیون راده لرنده بر مقداری خرستیان و پك جزىٔی مقداری یهودی، و قصوری كاملاً اسلامدر. جنسیتلرینه كلنجه یالكز آطه لرده و ازمیر كبی تجارتكاه بعض اسكله لرده ساكن بولنان خرستیانلری روم اولوب، قصوری اقوام قدیمۀ محلیه ایله سلچوقیلر وعثمانلیلرك دور فتوحاتنده آسیانك شمال طرفلرندن كلمش اولان ترك وتركمنلرك اختلاط وامتزاجندن حاصل اولمش بر جنسدر، كه لسانجه فاتخلردن وسیماجه اقوام مغلوبه دن اولان اجدادلرینه بكزیوب، السنۀ تورانیه دن اولان تركجه لسانیله متكلم اولدقلری حالده، علاىٔم بدنیه جه قافقاس جنسنه منسوبدرلر. ایشته، تركستان وتاتارستان تركلرندن تفریق ایچون، غرب تركلری دنیلن و (عثمانلی) نام جلیلیله مفتخر بولنان قوم نجیت بو قومدر، كه وطن اصلیسی آناطولی اولوب، بو كوزل قطعه صرف تركلردن مسكوندر؛ زیرا قن اصل روم اولدقلری یوقاریده ذكر اولنان آطه لر و بعض اسكله لر خرستیانلری استثنا اولندقلری حالده، آناطولیده ساكن بولنان خرستیانلرك وطنداشلری اولان مسلمانلردن فرق یالكز مذهبجه اولوب، لسان و جنسیتجه مسلمانلردن هیچ بر فرقلری یوقدر؛ بناءً علیه بونلره دخی ((خرستیان ترك)) دنیله بیلیر. جای تأسفدر، كه بونلرك بر طاقم ارمنی وبر طاقم دخی روم كلیساسنه تابع بولنمغله، اجدادلرینك روم و ارمنیلرله و علی الخصوص روملرله هیچ بر مناسبتی اولمدیغنی اونوده رق، روملق وار-

٢- میسیا، كه قره سی و بیغا سنجاقلرندن ؛ ٣- لیدیا، كه صاروخان و آیدین جهتلرندن ؛ ٤-قاریا، كه منتشا خطه سنك قسم شمال غربیسندن؛ ٥- لیكیا، كه منتشانك قسم جنوب شرقیسیله تكه خطه سنك جنوب غربی قسمندن؛ ٦- پیسیدیا، كه حمید وبوردور سنجاقلرندن؛ ٧- پامفیلیا، كه تكه سنجاغنك قسم شرقیسندن یعنی آنطالیه وعلاىٔیه طرفلرندن؛ ٨- ایساوریا، كه خادم وقرمان ایله ایج ایلندن ؛ ٩- كیلیكیا، كه آطنه جهتندن؛ ١۰- قاپادوكیا، كه نیكده، قیصریه ومرعش سنجاقلریله سیواس ولایتندن؛ ١١- لیقاىٔونیا، كه قونیه وقرمان جهتلریله طوزلی اووه دن؛ ١٢- فریجیا، كه كوتاهیه وقره حصار صاحب سنجاقلرندن؛ ١٣- غالاتیا، كه آنقره ویوزغادله آماسیه سنجاقلرندن؛ ١٤- پافلاغونیا، كه قسطمونی ولایتندن؛ ١٥- پونت، كه طربزون ولایتندن عبارت ایدی. بو اون بش قطعه دن بشقه آناطولینك سواحل غربیه سیله سواحل مذكوره نك قارشیسنده بولنان آطه لر دخی اوچ قطعه یه منقسم ایدی : شمال قسمی یعنی بیغا، قره سی وصاروخان سواحلیله مدللو آطه سی (اىٔولیده)، اورته ده كی قسمی یعنی ازمیر و آیدین سواحلیله ساقز و سیسام جزیره لری (یونیا)، منتشا سواحلیله استانكوی وردوس وجزایر ساىٔرۀ صغیره دخی (دوریده) تسمیه اولنوردی. بو اوچ قطعه ایله مرمره و قره دكیز سواحلنده بعض قصبه لر اسكیدن بری یونان مستملكاتی اولوب، یونانیلر اووه لره هجرت وتوطن ایتمشلردی. ساىٔر قطعه لرك اهالىٔ قدیمه سنه كلنجه، بونلرك هر بری كندی باشنه بر قوم اولوب، آناطولینك شمال و غرب طرفلرنده كیلر (اقوام آریه) دن ایدیلر وروم ایلنده ساكن بولنمش اولان ترا كیلیلر وایلیریانلرله مناسبت و قرابت جنسیه لری وار ایدی. بونلرك اك بیوك و اك مشهورلری فریجیالیلر اولوب، حتی بعض دفعه مرمره ماىٔله سنده اولان قره سی و بروسه وقوجه ایلنه (كو-

دشمنلرینه بیله تسلیم ایتدیرمش اولان عساكر عثمانیه نك دخی قسم اعظمی بو قطعه نك مطیع و جسور اهالیسندندر. طرق ومعابری. _ رومالیلر، هرضبط ایتدكلری یرده یاپدقلری كبی، آناطولیده دخی بر چوق بیوك جاده لر انشا ایتمشلردی، كه بونلرك اك بیوك و اك ایشلكلری اوچ ایدی. بری مرمره دن آنقره، طرسوس و آنطاكیه طریقیله سوریه یه كیدیوردی، كه بونك بر شعبه سی ده قیصریه طریقیله اورفه یه طوغری اوزانیردی؛ ایكنجیسی بیزانسدن (یعنی اسكی قسطنطینیه دن) ازمیده، و اورادن قسطمونی وطربزون سواحلنجه فرات وادسینه، وبعده نهر مذكور مجراسنجه عراقه اینردی؛ اوچنجیسی دخی ادرمید وازمیر ایله بو درومه اوغرایه رق سواحل غربیه بوینجه ممتد اولوردی. بو جاده لرك بعض قالدیرملری وكوپریلری الآن موجوددر. دولت عثمانیه درونده یاپیلان جاده لرك اك بیوك و اك متینی فاتح ثانىٔ بغداد سلطان مراد رابع طرفندن قاضی كویندن بغداده قدر یاپیلان جاده در، كه قالدیرملری وكوپریلری الیوم موجوددر. زمانمزده ازمیردن باشلایه رق، اوچ شعبه یه آیرلمق اوزره، بر دمیر یول یاپلمشدر، كه بر شعبه سی صاروخان سنجاغنده اوزانوب، مغنیسا وصالحلیدن چكه رك، آلاشهره قدر ممتد اولمشدر. بونك مدانیه یه منتهی اولمق اوزره، بر شعبه سنه دخی مباشرت اولنمق اوزره در. بر شعبه سی دخی آیدینه واورادن قونیه یه طوغری سرای كوینه قدر اوزانه رق، بونك ده برر شعبه سی بر طرفدن تیره یه وبر طرفدن دخی اوده مشه قدر وارمشدر. استانبولدن بغداده قدر تمدیدله آناطولینك خط اصلىٔ كبیری اولمق اوزره بر دمیر یول انشاسی دخی متصور ایسه ده، یالكز ازمیده قدر یاپیلوب، اوته طرفی تصورده قالمشدر. بو صوك سنه لرده ولایتلرجه پك چوق همت وغیرت اوله رق، آباطولیده بر چوق شوسه لر یاپلمشدر، كه بونلرك اك مهملرندن بری مدانیه و كملیكدن باشلایه رق، بروسه، كوتاهیه، آقشهر، قونیه، قره مان، سلفكه، طرسوس و آطنه طریقریله اسكندرون كورفزینه واصل اولیور. بونك بر شعبه سی دخی قونیه دن آیریله رق، اسپارطه وبوردور طریقیله آنطالیه یه اینیور. بری ده

منیك دعواسنه قالقیشمغه قاندیریله رق، اسكیدن بری لسان مادرزادلری اولان تركجه یی بر طاقم روم و بر طاقمی ارمنی حرفلریله یازمقده بولنمش؛ و بو صوك سنه لرده بر طاقم ((جمعیات علمیه)) نك تشویق واجباریله لسان رسمىٔ دولت اولان زبان مادرزادلرینی ترك ایدوب، رومجه و ارمنیجه اوكرنمكه باشلامشلردر. غراىٔبدن اوله رق مثلا بروسه ویاقونیه ده بركله رومجه بیلمز بر پدرك بر كلمه تركجه آكلاماز اوغلنه تصادف اولنور ! هر حالده بونلرك ذاتاً مقداری جزىٔی اولمغله برابر، بزجه ینه ترك عد اولنه بیله جكلرندن، یوقاریده استثنا ایتدیكمز آطه لر و بعض اسكله لر روملرندن بشقه، ترك اولمیه رق یالكز آناطولینك منتهای شرق شمالیسنده یعنی طربزون ولایتنك لازستان سنجاغنده اقوام قافقاسیه دن معدود اولان جزىٔی بر مقدارلازاهالی بولنیور. آنجق كرك بونلر‌وكرك اخیراً هجرت ایدوب آناطولینك ایچنده طاغنیق بولنان چركسلر دخی كوندن كونه تركلشمكده اولوب، لسان مادوزادلرینی اونوتمقده درلر. پك جزىٔی مقدارده اولوب بعض بیوك قصبه لرده ساكن بولنان یهودیلره كلنجه، بونلر اسپانیادن مطرود اومغله، جمله سی تركجه بیلدكلری حالده، اسپانیولجه یی دخی الآن اونوتمامشلردر. الحاصل آناطولی صرف ترك مملكتی اولوب، هالیسی عمومیت اوزره تركدر، و قسم اعظمی اسلام اولدیغی كبی خرستیانلرینك قسم اعظمی دخی ینه ترك جنسنه منسوبدرلر. آنجق عثمانلی تركلر یالكز آناطولی شبه جزیره سنه منحصر اولمیوب، فرات ودجله وادیلرنجه تا حدود ایرانیه یه قدر اولان ممالك واسعۀ عثمانیه ده منتشر بولنمقده، و آناطولیدن معدود اولمیان اورفه، دیاربكر، بایزید و حتی آسیای عثمانینك منتهای جنوب شرقیسنده بولنان بغداد شهر شهیرنده بیله، لسان محلی وعمومی اولمق اوزره، تركجه سویلنمكده در. آناطولینك اهالیسی عمومیت اوزره ذكی، چالیشقان و مطیع اولوب، اكثریسی زراعتله، و یالكز عشیرت حالنده یاشایان تركمان ویوروكلر‌ رعی اغنامله اشتغال ایتمكده در. دولت علیۀ عثمانیه وارداتنك قسم اعظمی آناطولیدن چیقوب، آیدین كبی بعض ولایتلرینك بر ملیون لیرادن زیاده واردات سنویه لری اولدیغی كبی، دولت مشارالیهانك هر دفعه ده یوزینی آغرتمش ودكرینی

ازمیددن باشلایوب، آنقره، قیر شهر ونیكده یه اوغرایه رق، طرسوسده برنجیسیله اختلاط ایدیور. بونك بر شعبه سی دخی قیصریه یه واورادن سیواسه كیده رك، ولایات شمالیه نك همتیله قره دكیزك كافۀ اسكله لرندن كلن شوسه لرله برلشیر، و بر طرفدن بایزیده وبر طرفدن دخی بغداده منتهی اولان متعدد شوسه لرله كسب ارتباط ایدیور. بو شوسه لرك قسم اعظمی اكمال اولنوب ایشلمكده، و بعض طرفلرینك اكمالنه دخی سعی اولنمقده در. سوریه نك متعدد اسكله لرندن شام‌ وحلبه كیدن شوسه لرك دخی عراق و آناطولی شوسه لریله برلشدیرلمسنه چالیشیلمقده در. بیوك شهرلری، معموریتی، صنایع و معمولاتی. _ آناطولینك بیوك و معمور شهر و قصبه لری چوق اولوب، ولایت و سنجاق مركزلرینك همان جمله سیله قضا مركزلرندن بعضیسی دخی كرك تجارت و كثرت نفوسجه و كرك تاریخجه بیوك اهمیتی حاىٔزدر. اسكدار ایله قاضی كویی پایتختدن معدود اولوب داخل حساب اولمدقلری حالده، آناطولینك اك بیوك و اك معمور قصبه سی ازمیر اولوب، بتون غربی آناطولینك اسكله سی اولمغله، بیوك و پك ایشلك بر تجارتی واردر. دمیر یوللرینك اكمالندن صكره بو اهمیت تجاریه سنك طربزون، صامسون و سینوب، و سواحل جنوبیه ده دخی آنطالیه و مرسین آناطولینك اك بیوك اسكله لرندن اولوب، خیلی اهمیت تجاریه یی حاىٔز ایسه لرده، كرك بونلرك و كرك دها كوچك اسكله لرك لیمانلرنری اولمامسی و دمیر یوللرینك فقدانی بو اهمیتك تزایدینه مانع اولمقده در. داخلی شهرلرك اك بیوك و مهملری بروسه، بالیكسری، كوتاهیه، مغنیسا، قونیه، آطنه، قیصریه، یوزغاد، آنقره، قسطمونی، آماسیه، سیواس، قره حصار، خرپوت، مرعش، ارزنجا و ارضرومدر. بو شهرلردن اكثریسنك بیوك چارشو و بازارلری اولوب، ولایاتك بر چوق محللرنده مقنن بازار و پنایرلر دخی قورولمغله، محصولات ارضیه و معمولات محلیه دن اولدقجه بر تجارت اجرا اولنور. آناطولی محصولات زرعیه سندن وتفتیك، ایپك وبالمومی كبی حاصلاتدن ممالك اجنبیه یه خیلی اخراجات اولیورسه ده، محصولات صناعیه دن خارجه كیدن معمولات باشلیجه خالیدن عبارتدر. مع هذا آناطولی اهالیسنك النده خیلی

صنعتلر بولنوب، شهر و قصبه لرده احتیاجات ضروریه نك ایجاب ایتدیردكلری صنایع عادیه دن بشقه، آیدین ولایتیله عشاق طرفلرنده غایت مقبول خالیلر یاپیلیر، كه كلیتله اوروپایه اخراج اولنور. بروسه ده ایپكدن نفیس قماشلر و كلیتله خاولیلر یاپیلوب، استانبوله و ممالك عثمانیه نك ساىٔر طرفلرینه كیدر. قونیه و طربزون و آناطولینك ساىٔر اكثر طرفلرنده دخی كوزل كلیملر و الآجه و بز كبی منسوجات یاپیلیر. آنقره طرفلرنده تفتیكدن غایت كوزل شالیلر یاپیلوب، ممالك عثمانیه نك هر طرفنه كوتوریلور. كوتاهیه ده اسكی معدندن پك آز فرقی اولان نفیس بر نوع چینیلر و كاشیلر اعمال اولنور. الحاصل آناطولینك هر طرفنده بر صنعت مخصوصه بولنوب، معمولات محلیه نك تعاطی و مبادله سی امتعه و اشیای اجنبیه یه احتیاج براقمیه جق صورت و مقدارده ایسه ده، چه فاىٔده كه غبت اولنمدیغی كبی، بر كونه تشویقات و تسهیلات دخی و قوع بولمدیغندن، ترقی یرینه كوندن كونه تدنی ایتمكده در. اكر یوللر و لیمانلر تكثیر و معمولات محلیه یه رغبتله برابر صنایع موجوده نك اصلاح وترقیسیچون ایجاب ایدن اسبابه بالتوسل، اصحاب صنایع تشویق اولنه جق، و مملكتك ثروت طبیعیه سی اوروپانك چوروك وساخته امتعه سنه صرف اولنمیه رق، بهر سنه اخراجاتك ایكی مثلی نسبتنده ادخالات وقوع بولمیه جق اولسه، آز مدت ظرفنده آناطولی قطعه سی دنیانك اك معمور و اك زنكین یری اولور؛ و مملكت اهالىٔ حاضره سنك بش مثلنی بسلمكه كافی اولدیغندن، معموریت ورفاهك نتاحجٔ طبیعیه سندن اولان تكثر نفوس وقوعیله، هر طرفی ایشلنوب اعمار وحیواناتی تكثیر اولنه رق، رفاە و معموریتك درجۀ اعلاسنه واصل اولور. احوال تاریخیه سی. _ آناطولی قطعه سنك پك اسكی بر وقتده قسماً مصر فراعنه سندن بیوك سیزو ستریسك ید استیلاسنه چكمش اولدیغی بعض اسكی تاریخلرك روایتیله و آناطولینك بعض طرفلرنده بولنان مصر قدیم آثاریله مثبت ایسه ده، اصل ازمنۀ تاریخیه نك ابتدالرنده یعنی (تروآ) محاربه سی زمانلرنده آناطولی كاملاً (آثوریه) دولتنك النده ایدی. بعده یونان مهاجرلری سواحل و جزایرده بر طاقم كوچك جمهوریتلر تشكیل ایتمش اولدقلری كبی، ایج طرقلرده دخی بر طاقم مستقل حكومتلر تشكل ایتمشیدی، كه

بونلرك

هارون الرشیدك عسكری آناطولی یی اورته سندن یاره رق اسكداره قدر ایلریلمش ایسه ده، ینه آناطولینك هیچ بر یرینی تحت تصرفنده طوته مامشیدی. مؤخراً سلچوقیلر آناطولینك قسم اعظمنی فتح ایده رك، بو قطعه نك تا وسطنده اولان قونیه شهر شهیرنده بر قاچ عصر دوام ایدن بر بیوك دولت تشكیل ایتمشلردیسه ده، آناطولینك بر چوق یرلری ینه روم ایمپراطورلغنك تحت تابعیتنده و بعض حكومات صغیرۀ نصرانیه نك النده قالمشیدی. آناطولی یی كاملاً فتح ایله بو قطعۀ واسعه یی تمامیله ممالك اسلامیه یه بالالحاق صرف ترك مملكتی حالنه قویمق شرفی من طرف الله سلالۀ مطهرۀ عثمانیه یه نصیب ایتمش. زمان قدیمده آناطولینك سواحلنده بر چوق یونان مهاجرلری توطن ایتمش اولدیغی كبی، اسكندرك فتحندن صكره دخی بر طاقم ماكدونیالیلر ویونانیلر و بعده بر چوق ده رومالیلر آناطولینك هر طرفنده اهالىٔ اصلیه یه قاریشمشیدی. مؤخراً، خرستیانلغك ظهور وانتشاری اوزرینه، یونانلی ورومالی اولمیان اهالی دخی یونان ولاتین لسانلرینی لسان ادبی اتخاذ ایده رك، اقوام مختلفه دن مركب بر جماعت نصرانیه پیدا اولمشیدی. سلچوقیلرك فتوحاتی اوزرینه كلیتلی تركلر كلوب، اهالىٔ قدیمه دن اهتدا ایدنلرله بالاختلاط آیریجه بر قوم مسلم ظهور ایتمش؛ و عثمانلیلرك دور فتوحاتنده تركستان وماورا ء النهردن یكیدن بر چوق ترك وتركمن عشیرتلری كلوب، توطن ایتدكلری كبی، اهالیٔ اصلیه دخی فوج%