Anadolu Hisarı ~ آناطولی حصاری
Kamus-ul'Alam - Anadolu Hisarı ~ آناطولی حصاری maddesi. Sayfa: 399 - Sira: 3
Anadolu Hisarı - آناطولی حصاری
قره دكیز بوغازینك اك طار محلنده آناطولی ساحلنده اسكی بر حصاردر، كه قسطنطینیه نك محاصره و ضبطنی تسهیل مقصدیله ٧٩٨ تاریخ هجریسنده یلدیرم سلطان بایزید حضرتلری طرفندن بنا اولنمشدر. اصل اسمی (كوزلجه حصار) در. بو وجهله الیوم استانبولك محلاتندن معدود اولان آناطولی حصاری استانبولدن ٥٩ سنه اول فتح اولنمش دیمكدر. بعده سلطان محمد ثانی حضرتلری بو حصارك قارشیسنده یعنی روم ایلی ساحلنده رومیلی
حصارینی بنا ایده رك، قره دكیز بوغازینی مراكب اعدایه بسبتون سد و بند بیورمشلردر. آناطولی حصاری كوك صومنصبنك صاغ طرفنده و كوچك صو چایرینك قارشیسنده غایت كوزل بر موقعده اولوب، حصار الیوم خراب و متروك ایسه ده، اطرافنده كرك كوك صو ساحلنجه و كرك ساحل بحر بوینجه بر چوق یالیلر، و اوستنده كی زمرد آسا تپه لرده بر طاقم مفرح كوشكلر بولنمغله، بوغاز ایچنك صیفیه اتخاذ اولنان قراسنك اك كوزللرندندر؛ و هواسی سرت اولمیوب معتدلدر. اسكداره ملحق قاكلیجه داىٔرۀ بلدیه سنه تابعدر.
Kamusul Alam, Şemseddin Sami; Kamusul Alamde Anadolu Hisarı maddesi. osmanlıcada Anadolu Hisarı ne demek, Anadolu Hisarı anlamı manası, Anadolu Hisarı osmanlıca nasıl yazılır. Osmanlıca sözlükte Anadolu Hisarı hakkında bilgi. Arapça Anadolu Hisarı ne demek. Arapça osmanlıca sözlük. Farsçada Anadolu Hisarı anlamı
Kamusul Alamde - آناطولی حصاری Anadolu Hisarı maddesi. Şemseddin Sami, Kamusul Alam Ansiklopedisi