Anaradjapouura - آناراجاپوره

یاخود آنوراداپوره سرندیب آطه سنك مركزی بولنمش اسكی بر شهردر، كه میلاددن درت بش عصر اول تأسیس اولنه رق، قبل المیلاد ٢٦٧ تاریخنده (بودا) نك بعض اشیای متروكه سی اورایه نقل اولنمغله، بو دایه تابع اولان مشركینك محل مقدسی حكمنه چكه رك، آز زمان ظرفنده معبد ومناسترلری پك چوق تكثر ایتمش؛ و شهر زیاده سیله بیویوب، اطرافنه تقریباً ١۰۰ كیلومتره محیط داىٔره سی اولان بر سور بنا اولنمشیدی. میلادك ٧٦٩ تاریخنده مركزیتدن چیقوب، سرندیبك پایتختی (پولونارووه) شهری اتخاذ اولنمش

تاریخلرنده (دیراخیوم) یعنی آرناؤدلقده كی دراج شهرنده عادی برعاىٔله دن طوغوب، ٤٩۰ تاریخلرنده تخته جلوس ایتمشیدی. سرای ضابطانندن اولدیغی حالده، (زنوب) ك وفاتی اوزرینه، طول قالان زوجه سی (آریانه) كندیسنه وارمغله، تخته چیقوب، ابتدای امرده حقانیت وعدالتله شهرت بولمش ایسه ده، بعده طرفدارلغی حسبیله محبت عمومیه یی غاىٔب ایتمش؛ و كندیسی پایتختنده ظهور ایدن مناقشات مذهبیه ایله مشغول ایكن، بر طرفدن ایرانیلر وبر طرفدن دخی بلغارلر خیلی یرلرینی ضبط ایتمش اولدلقلرندن، بونلرله عقد مصالحه ایتمك ایچون مبالغ كلیه تأدیه سنه مجبور اولمشیدی. قسطنطینیه یی ٣ ارتفاعنده بر سورله احاطه، و انسانلرك ییرتیجی حیوانلرله كولشمسنی منع ایتمشدر. میلادك ٥١٨ تاریخنده ٨٨ یاشنده فجىٔةً، وبر روایته كوره صاعقه یه مصاب اوله رق، وفات ایتمشدر. _ ایكنجی آناستاس میلادك ٧١٣ تاریخندن ٧١٥ تاریخنه دك حكم سورمشدر. ایمپراطور (فلیپین باردان) ك كاتبی اولدیغی حالده، اقتداری وبعض اوصاف ممدوحه سی حسبیله، تخته چیقاریلوب، عسكرینی تنظیم ایتمكله، خلفای امویه دن سلیمان بن عبدالملك طرفندن قسطنطینیه نك فتحنه كوندرلمش اولان برادری مسلمه بن عبدالملكی رجعته مجبور ایتمش ایسه ده، ٧١٥ تاریخنده اوچنجی (تىٔودوسیوس) طرفندن تختندن اسقاط، و طریق رهبانه كیرمكه اجبار اولنمش؛ ومؤخراً (لىٔون ایسویان) ك ایمپراطولغی زماننده تختنی استرداده تشبث ایتمكله، خیانةً ایمپراطور مومی الیهه تسلیم اولنه رق، ٧١٩ ده بیونی اورلمشدر.

ایسه ده، آناراجاپوره ینه بر مقدس شهر حالنده قالوب، اهالی وزوار ایله مملو ایدی. نهایت ١٣ نجی عصر میلادی اواىٔلنده (تامول) قومنه منسوب بر فاتح سرندیبك قسم شمالیسنی ضبط ایتمكله، معابدینی تخریب ایتدیكندن، اهالی طاغیلوب، یالكز خرابه لری باقی قالمشدر. بو شهر هر نه قدر خیلی بیوك ایدیسه ده، ینه ظن اولندیغی كبی سورینك وسعتنه كوره اولمیوب، داخل سورده تارله لر، اورمانلر بكوللر دخی بولنیور. بو شهر اسكیدن معلوم اولوب، بطلمیوسك جغرافیاسنده (آنوروغرامون رجیا) اسمیله مذكوردر.