Anamur ~ آنامور
Kamus-ul'Alam - Anamur ~ آنامور maddesi. Sayfa: 402 - Sira: 3
Anamur - آنامور
آطنه ولایتنك ایج ایل سنجاغنه تابع بر قضادر، كه لوانك جنوب غربیسنده واقع اولوب، آنامور و (سلنتی) ناحیه لرندن عبارتدر. مركزی (چوران) اسمنده برقریه اولوب، بو قریه دن بر ساعتلق مسافه ده وساحل بحرده (معموریه) نامیله بر قلعه ودروننده خراب بر جامع شریفله بر حمام و حسین غازی اسمنده بر ذاتك مزاری بولنیور. قریۀ مذكوره نك جوارنده بر قاچ قلعه خرابه لریله بر اسكی قصبه ویرانه لری واردر، كه بو قصبه زمان قدیمده (آنمور یوم) اسمیله معروف اولوب، آنامور اسمی بوندن تولد ایتمشدر. بو قضانك اراضیسی شمال غربیدن جنوب شرقی یه طوغری ممتد اولان بر طاغك اتكلرندن عبارت اولمغله، بو طاغدن بر چوق نهرلر آقوب، دكیزه دوكیلور. اراضیسنك آلچق یرلری مسكون، و طاغلری اورمانلقدر. بو اورمانلرده چام، قطران، آردج، میشه ولادین آغاجلری بولنوب، اهالیسنك بر قسمی زراعتله، و بر قسمی دخی اورمانلردن كراسته كسوب ایندیرمكله اشتغال ایدرلر. سلنتی ناحیه سنده نافع بر قاپلیجه واردر. قضا ٥ ٤٨٤ خانه و ٢۰٧٦٢ اهالی یی جامع اولوب، بونلرك یالكز ٢٢۰ سی خرستیان و قصوری كاملاً اسلامدر. درون قضاده بر جامع، بر مسجد، بر تكه و بر صبیان مكتبی واردر.
Kamusul Alam, Şemseddin Sami; Kamusul Alamde Anamur maddesi. osmanlıcada Anamur ne demek, Anamur anlamı manası, Anamur osmanlıca nasıl yazılır. Osmanlıca sözlükte Anamur hakkında bilgi. Arapça Anamur ne demek. Arapça osmanlıca sözlük. Farsçada Anamur anlamı
Kamusul Alamde - آنامور Anamur maddesi. Şemseddin Sami, Kamusul Alam Ansiklopedisi