Amphiaraüs ~ آمفيارائوس
Kamus-ul'Alam - Amphiaraüs ~ آمفيارائوس maddesi. Sayfa: 376 - Sira: 11
Amphiaraüs - آمفيارائوس
یونان اساطیر و خرافاتله ممزوج اولان تاریخ قدیمنه كوره، آلهه ایله مناسبتی اولان كاهنلردن اولوب، (آرغوس) حكمدارلغی ادعاسنه قالقیشمغله، شهر مذكورك حكمداری بولنان (آدراست) ایله مشتركاً حكم سورمك اوزره، مرقومك همشیره سی (اریفیله) یی تزوج ایتمش؛ ومؤخراً آدراست (تیبه) لیلره اعلان حرب ایتدیكی وقت، آمفیاراىٔوس، بو محاربه یه كیتدیكی حالده، اوریله جغنی آلهه دن خبر آلمغله، اختفا ایتمش ایسه ده، زوجه سی آدراستك دامادی (پولینیكی) نك ویردیكی بر كردانلغه طعماً محل اختفاسنی كوسترمش. آمفیاراىٔوس حربه كیتمكه مجبور اولمغله، اوغلی (آلقمىٔون) ە والده سنی اولدیره رك انتقامنی آلمسنی وصیت ایتمش، وموقع حربدن قاچمغه تشبث ایتدیكنده، یرك ایچنه باتوب نابدید اولمش. بعده یونانیلر او محلده بر معبد بنا ایده رك، كندیسنی تقدیس ایتمشلر.
Kamusul Alam, Şemseddin Sami; Kamusul Alamde Amphiaraüs maddesi. osmanlıcada Amphiaraüs ne demek, Amphiaraüs anlamı manası, Amphiaraüs osmanlıca nasıl yazılır. Osmanlıca sözlükte Amphiaraüs hakkında bilgi. Arapça Amphiaraüs ne demek. Arapça osmanlıca sözlük. Farsçada Amphiaraüs anlamı
Kamusul Alamde - آمفيارائوس Amphiaraüs maddesi. Şemseddin Sami, Kamusul Alam Ansiklopedisi