Amphion ~ آمفيون
Kamus-ul'Alam - Amphion ~ آمفيون maddesi. Sayfa: 377 - Sira: 10
Amphion - آمفيون
یونان قدیمك (تیبه) شهری حكمداری (لیقوس) ك زوجه سی (آنتیوپه) نك مشتری ایله ویاخود (سیكیون) حكمداری (اپوپىٔوس) ایله واقع زناسندن متولد اوغلی اولوب، برادری (زتوس) ایله برابر (كیترون) طاغنه آتلمغله، چوبانلر طرفندن بیودلمش؛ وبیوینجه ایكیسی برابر، والده لرینك چكمش اولدیغی ازاوجفانك التفامنی آلمق اوزره، لیقوسی قتل ایله، مشتركاً حكم سورمشلر؛ وزمانلرنده شهری صنایع ومعموریتنده چوق ترقی ایتمشیدی. اساطیر یونانیه یه كوره كویا آمفیون پك ماهر موسیقی شناس اولوب، صنایع
نفیسه وادبیات الهی آپولون كندیسنه بر آلتون عود ویرمش اولمغله، بو عودو چالدیغی وقت، طاشلر كندیلكلرندن كلوب بربری اوزرینه چیقدقلرندن، تیبه شهرینی بو صورتله بنا ایتمش. (نیوبیا) ایله عقد ازدواج ایده رك، ١٤ اوغلی اولمش ایسه ده، والده لرینك غرورینه بر مجازات اولمق اوزره، جمله سی (آپولون) ایله (دیانه) طرفندن اتلاف اولندیغندن، آمفیون دخی مأیوسیتندن اتلاف نفس ایتمش.
Kamusul Alam, Şemseddin Sami; Kamusul Alamde Amphion maddesi. osmanlıcada Amphion ne demek, Amphion anlamı manası, Amphion osmanlıca nasıl yazılır. Osmanlıca sözlükte Amphion hakkında bilgi. Arapça Amphion ne demek. Arapça osmanlıca sözlük. Farsçada Amphion anlamı
Kamusul Alamde - آمفيون Amphion maddesi. Şemseddin Sami, Kamusul Alam Ansiklopedisi