Amrik ~ آمريق
Kamus-ul'Alam - Amrik ~ آمريق maddesi. Sayfa: 367 - Sira: 6
Amrik - آمريق
وسپوس یاخود آمریغوس وسپوسی فلورانسه لی بر كمیجی اولوب، میلادك ١٣٣٦ تاریخنده طوغمش؛ وبو دخی قریستوف قولومب كبی میلادك ١٤٩۰ تاریخنده لاجل التجاره اسپانیایه انتقال ایله، اوراده بر خیلی وقت كشفیاته كیدن سفاىٔنك تجهیزینه مأمور اولوب، قریستوف قولومبك موفقیاتنی كورنجه، بو شرفدن بهره دار اولمق هوسنه دوشه رك، ١٤٩٧ ویا ١٤٩٩ تاریخنده قریستوف قولومبك آرقداشلرندن (آلونزودوید) نك قومانده سی آلتنده سوق اولنمقده اولان بر كوچك فیلونك بر كمیسنه بینوب كندیسی پك ماهركمیجی اولنمغله و علم هیىٔتدن دخی معلوماتی بولنمغله، آمریقای جنوبینك سواحل شمالیه سنی كشف ایدن بو
دوننماده خیلی خدمتی كورلمشیدی. بعده پورتكیز دولتنك خدمتنه كیروب، ١٥۰١ تاریخنده قرال امانوىٔلك امریله واقع اولان برسیاحتنده مقدمجه (آلوارز قابرال) ك كشف ایتمش اولدیغی برازیلیانك بتون سواحلنی طولاشمش ایدی. قریستوف قولومبت وفاتندن صكره اسپانیایه جلب اولنه رق، ١٥۰٧ ده یكیدن كشفیات اجراسیچون آمریقایه كوندرلمش؛ وبر روایته كوره ١٥١٢ ده سویله (یعنی اشبیلیه) ده، ودیكر بر روایته كوره ده ١٥١٦ ده (ترسیره) آطه سنده وافات ایتمشدر. ایلك سیاحتلرنده كی مشهودات وكشفیاتنی ایتالیانجه تحریر ایدوب، او اثناده نشر اولنان بوسیاحتنامه سنی آوروپانك ساىٔر لسانلرینه دخی ترجمه اولنمغله، كندیسنی اوقدر شهرت كسب ایتمشیدی، كه قریستوف قولومب طرفندن كشف اولنان وبحق قولومبیا تسمیه اولنمسی لازم كلن یكی دنیا بونك اسمنه نسبتله آمریقا تسمیه اولنمشدر. كندیسنك بعض مكاتباتی دخی جمع اولنه رق، ترجمۀ حالیله برابر نشر اولنمشدر. بعض مورخین اصل آمریقانك كاشفی صاحب ترجمه اولدیغنی ادعا ایتمشلر، وهر نه قدر كه بونك دخی قطعهۀ مذكوره نك كشفنده خدمتی كورلمش ایسه ده، هر حالده كاشف حقیقی قریستوف قولومب اولدیغنی قابل انكار دكلدر.
Kamusul Alam, Şemseddin Sami; Kamusul Alamde Amrik maddesi. osmanlıcada Amrik ne demek, Amrik anlamı manası, Amrik osmanlıca nasıl yazılır. Osmanlıca sözlükte Amrik hakkında bilgi. Arapça Amrik ne demek. Arapça osmanlıca sözlük. Farsçada Amrik anlamı
Kamusul Alamde - آمريق Amrik maddesi. Şemseddin Sami, Kamusul Alam Ansiklopedisi