Amarapoura ~ آماراپوره
Kamus-ul'Alam - Amarapoura ~ آماراپوره maddesi. Sayfa: 354 - Sira: 4
Amarapoura - آماراپوره
هند چینینك (برما) ونام دیكرله (بیرمانیا) قطعه سنده بر شهردر، كه مملكت مذكوره ده الآن حكومت سورمكده اولان دولتك بانیسی (آلومپرا) نك دردنجی اوغلی (منتاراكی) طرفندن میلادك ١٧٨٢ تاریخنده تأسیس اولنه رق، پایتخت اتخاذ اولنمش؛ بعده پایتخت بر آره لق ینه (آوه) شهرینه اعاده اولنه رق، مؤخراً بر ایكنجی دفعه دها پایتخت اولمش؛ بنهایت ١٨٥٧ ده پایتخت (ماندلای) شهرینه نقل ایله، شهر مذكور ترك اولنمشدر. پایتخت ایكن، ٢٥۰۰۰ قدر خانه و ١٧٥۰۰۰ اهالی یی جامع بولنمش اولدیغی بعض اسكی سیاحلرك روایتندن آكلاشیلیور ایسه ده، مركزیتدن چیقدقدن صكره، اهالیسی یكی پایتخته هجرت ایدوب، پك آز اولری مسكون قالمشدر. بو شهر دخی (آوه) شهری كبی (ایراوادی) نهرینك ساحل یسارنده یعنی شرق طرفنده واقع اولوب، (آوه) دن ایكن اوچ ساعت یوقاریدر.
Kamusul Alam, Şemseddin Sami; Kamusul Alamde Amarapoura maddesi. osmanlıcada Amarapoura ne demek, Amarapoura anlamı manası, Amarapoura osmanlıca nasıl yazılır. Osmanlıca sözlükte Amarapoura hakkında bilgi. Arapça Amarapoura ne demek. Arapça osmanlıca sözlük. Farsçada Amarapoura anlamı
Kamusul Alamde - آماراپوره Amarapoura maddesi. Şemseddin Sami, Kamusul Alam Ansiklopedisi