Allier ~ آليه
Kamus-ul'Alam - Allier ~ آليه maddesi. Sayfa: 352 - Sira: 7
Allier - آليه
فرانسه نك وسطلرنده بر بیوك نهردر، كه (لوزره) ایالتی طاغلرندن نبعانله، جنوبدن شماله طوغری آقه رق، لوزره، یوقاری لوآر، پوی دو دوم، آلبه، نیادره، وشر ایالتلرینك ایچندن چكدكدن صكره، (لوآر) ایرماغنه دوكیلور. مجراسی ٣٧٥ كیلومتره اولوب، قسم اعظمی سیر سفاىٔنه صالحدر. صاغدن باشلیجه (دوره) وصولدن (آلانیون)، (فوزه) و (سیوله) چایلرینی و بر چوق دره لر اخذ ایده رك، یوقاری طرفلرده مجراسی درین ایسه ده، لوآر ایرماغنه دوكلمزدن اول (لیماینه) اووه سنه دوشوب، ٢۰۰ و ٥۰۰ متره یه قدر توسع ایدر؛ و بو اووه یی اسقا ایده رك، قوۀ انباتیه سنی فوق العاده تزیید ایدر. قوراقلق موسمنده لوآر ایرماغنه ثانیه ده ٢٥، وفیضاننده ٦۰۰۰ مكعب متره صو دوكر. ایچلرندن ویا یانلرندن چكدیكی شهر وقصبه لرك باشلیجه لری : بر یوده، ویشی و (مولن) در.
Kamusul Alam, Şemseddin Sami; Kamusul Alamde Allier maddesi. osmanlıcada Allier ne demek, Allier anlamı manası, Allier osmanlıca nasıl yazılır. Osmanlıca sözlükte Allier hakkında bilgi. Arapça Allier ne demek. Arapça osmanlıca sözlük. Farsçada Allier anlamı
Kamusul Alamde - آليه Allier maddesi. Şemseddin Sami, Kamusul Alam Ansiklopedisi
Allier ~ آليه güncel sözlüklerde anlamı:
âliyye ::: (a. s.) : âlete mensup. Ulûm-i âliyye : teknik bilgiler.
ulûm-i âliye ::: gramer-sintaks gibi, başka bilgilerin öğrenilmesine yarıyan bilgiler.
âliyye ::: (a. s.) âlete mensup. Ulûm-i âliyye : teknik bilgiler.