Amazonas - آمازوناس

بر ازیلیانك ایج طرفلرنده واسع بر ایالتدر، كه (آمازون) ایرماغنك كنارلرنده واقع اولمق مناسبتیله بو اسمله تسمیه اولنمشدر. مساحۀ سطحیه سی تخمیناً ۰۰۰ ١٩٥ مربع كیلومتر اولوب، فرانسه نك اوچ بچق مثلی بیوكلكنده اولدیغی حالده، اكثر طرفلری الآن غیرمكشوفدر. شمال وغرب ایله غرب جنوبی طرفلرندن بر ازیلیانك منتهای حدودینه قدر ممتد اولوب، انكلتره نك النده بولنان غویانه ایله ونزوىٔلا، قولومبیا، آقوآدو، پرو وبولیویا مملكتلریله محدوددر؛ شرقاً آمازونك تابعلرندن (مادیره) نهریله برازیلیانك (ماتو غروسو) و (غراىٔوپارا) ایالتلرندن آیرلمشدر؛ شمال شرقی طرفندن دخی ینه (غراىٔوپاره) ولایتیله محدوددر. بو قطعۀ واسعه ١٨٥۰ تاریخ میلادیسنه دك (غراىٔویاره) ایالتنك بر قضاسی اولوب، تاریخ مذكورده مستقل بر ایالت اتخاذ اولنمشدر. او قدر وسعتیله برابر یالكز ۰۰۰ ٥٥ اهالیسی او-

كیلومتره جنوب غربیسنده واقع لوا مركزی بر شهردر، كه یشیل ایرماغك تابعلرندن طوزانلی نهرینك ساحل یمیننده و (ترس آقان صو) چاینك بو نهرله اولان محل تلاقیسنك اوست طرفنده، ً٥ َ٣٩ ْ٤٣ عرض شمالی ایله ً١٥ َ٢٤ ْ٣٣ طول شرقیده و ٤۰۰۰ متره لك ارتفاعده واقع اولوب، ٢٥۰۰۰ اهالیسی واردر. اهالیسندن یالكز ٧۰۰ قدری ارمنی و ١۰۰ قدری روم اولوب، قصوری كاملاً اسلام تركدر. شهرك اوستنده یوكسلن دیك وصرف بر طاغك اوستنده زمان قدیمدن قالمه بر قلعه واردر، كه شهره ناظر اولان ویوارنده زمان قدیمده حكمدارلرك دفننه مخصوص بولنمش بعض مزارلر بولنیور. شهرك ایچنده فاتحی بولنان سلطان بایزید اول حضرتلرینك بنا كرده سی اولان بیوك ومصنع بر جامع شریف ایله بر مدرسه ونهرك اوزرنده ایكی كوزل كوپری واردر. پك اسكی بر شهر اولوب، یونان قدیم مشاهیر جغرافیونندن (استرابون) ك وطنیدر. اطرافنده خیلی آثار عتیقه بولندیغی كبی، شهرك ٨ كیلومتره جنوب شرقیسنده صرب ومرتفع بر قیانك اوزرنده غریب بر طاقم آثار عتیقه بولنوب، بو قیانك اورته سنده واقع بر دلیكدن طاغك ایچنده بولنان بر واسع مغاره یه كیریلیردیسه ده، اورایه سوق ایدن مردیونك ١٣٥ باصمغی موجود اولوب، اوست طرفی ییقلمش اولدیغندن، شمدی چیقیله مامقده در. شهرك جوارنده اراضی غایت منبت اولوب، كلیتلی سبزه یتیشدیكی كبی، اشجار مثمره سی دخی پك چوق اولوب، كلیتلی واعلا میوه لر حاصل اولور، وخارجه اخراج اولنور. آماسیه شهری یاوز سلطان سلیم حضرتلرینك مسقط رأسی اولدیغی كبی، چلبی سلطان محمدله سلطان بایزید ثانی حضرتلرینك دخی شهزاده لكلرنده دارالتحصیللری بولنمش اولمق حسبیله، تاریخ عثمانیده اهمیت مخصوص یی حاىٔزدر. سلالۀ جلیلۀ عثمانیه شهزادكانندن بر قاچ ذاتله سلالۀ سلجوقیه دن قلج آرسلان اول، وزرای سلاجقه دن معین الدین پروانه، آق شمس الدینك پدری شیخ حمزه، كمال پاشا زاده دنیمكله مشهور مفتی الثقلین احمد شمس الدینك پدری كمال پاشا ودها نیجه علما ومشایخ كرام آماسیه شهری داخلنده وجوارنده مدفوندرلر. ((مخزن الفقه)) كتابنك مؤلفی قاضی القضاة مصلح

لوب، اكثر طرفلری بالطه كورمه مش یبانی اورمانلرله مستوردر، و بعض طرفلرنده وحشی بر طاقم قوملر كشت و كذار ایدرلر. مركزی (ماناىٔوس) قصبه سیدر، كه (نغرو) نهری كنارنده وبو نهرك (آمازون) ایرماغنه دوكلدیكی محل قربنده واقعدر.