Almeria ~ آلمريه
Kamus-ul'Alam - Almeria ~ آلمريه maddesi. Sayfa: 342 - Sira: 3
Almeria - آلمريه
(( المریه)) اسم عربیسندن غلطدر. اسپانیانك جنوبنده، آندالوسیا (یعنی نفس اندلس) قطعه سنك جنوب شرقیسنده آق دكیز ساحلنده وبرواسع قویك ایچنده ایالت مركزی بر شهر اولوب، غرناطه نك ١٤٢ كیلومتره شرق جنوبیسنده، ً٣۰ َ٥٢ ْ٣٦ عرض شمالی ایله ً٤٢ َ٥١ ْ٤ طول غربیده واقعدر. ٣٧٨ ٣٨ اهالیسی واردر. بو شهر اندلس حكومت اسلامیه سی زماننده خیلی بیوك و معمور اولوب، پك چوق تجارتی و علی الخصوص مشهور ایپك معمولاتی وار ایدی. میلادك ١١٤٧ تاریخنده اسپانیوللرك الینه چكمكله، اهمیتی زاىٔل اولوب، تدنی ایتمشدر. شهرك اوستنده كی تپه ده عربلردن قالمه بر قلعه واردر، كه الآن (القصبه) اسمیله معروفدر. دیكر بعض استحكاماتی دخی واردر. لیمانی پك ایی ایسه ده، عربلرك بپمش اولدقلری ریختم خراب اولوب، یكیدن انشا اولنمامشدر. تجارتی خیلی ایشلك اولوب، جزایرك (اوران) یعنی (وهران) اسكله سیله المریه اسكله سی آره سنده هفته ده بر كره منتظم صورتده و اپور ایشلیور. سوقاقلری طار و اكثریسی قالدیرمسزدر. قرطبه حكومت اسلامیه سنك سقوطندن صكره، تشكل ایدن بر كوچك دولت اسلامیه نك مركزی اولمش، و ٥٣٢ تاریخ هجریسنده مرابطیندن موحدینك ضبطنه چكمشیدی.
Kamusul Alam, Şemseddin Sami; Kamusul Alamde Almeria maddesi. osmanlıcada Almeria ne demek, Almeria anlamı manası, Almeria osmanlıca nasıl yazılır. Osmanlıca sözlükte Almeria hakkında bilgi. Arapça Almeria ne demek. Arapça osmanlıca sözlük. Farsçada Almeria anlamı
Kamusul Alamde - آلمريه Almeria maddesi. Şemseddin Sami, Kamusul Alam Ansiklopedisi