Allemagne - آلمانيا

یاخود جرمانیا وآلمانجه دایچلاند. آوروپای وسطینك قسم وسطی وشمالیسنده بر بیوك قطعه در، كه وقتیله صرف جنسیت ولسان اساسنه مستند اولوب، تقسیمات سیاسیه دن معدود دكلیكن، اخیراً تشكل ایدن آلمانیا ایمپراطورلغی آلمانلرله مسكون اولان یرلرك اكثریسنی جمع واحاطه ایتمكله، تقسیمات سیاسیه صره سنه كیرمش ایسه ده، جنسیتجه آلمانیادن معدود اولوب، سیاستجه بو ایمپراطولغك خارجنده بولنان یرلرینه آز دكلدر. بو یرلرك قسم اعظمی آوستریاده بولنیور. بوراده تقسیمات سیاسیه یه رعایت ایدوب، آلمانیا دولتنی تعریفله اكتفا ایده جكز. ساىٔر آلمان یرلرینك ایسه تابع بولندقلری دولتلر صره سنده ذكری طبیعیدر. حدود ومساحه سی. _ آلمانیا شمالاً بالطیق وشمال دكیزلریله ودانیمارقه ایله، شرقاً روسیه ایله، جنوباً آوستریا واسویچره، غرباً دخی فرانسه، بلچیقه وفلمنكه محدود ومحاط اولوب، آوروپای وسطینك سواحل

حیوانات بسلنیر، و كوزل بر جنس آت یتیشدیریلیر. بومنطقه چول كبی اولوب منظره سی حزن انكیزدر. ایكنجی منطقه آلمانیا وسطنده كی طاغلرله اونلرك اتكلری اولوب، ٢۰۰ كیلومتره لك وسعتده غایت كوزل تپه لر. وادیلر، دره لر وبایرلردن عبارت اوله رق، غایت آقر صولرله احیا اولنمش اولدیغی حالده، آلمانیانك وبلكه بتون اوروپانك اك متمدن اهالیسیله مسكون ومعمور شهر وقصبه لر مملودر. _ اوچنجی منطقه ایكنجی منطقه ایله آلپ سلسلۀ جبالنك آره سنده واقع اولوب، باشلیجه طونه نك یوقاریكی حوضه سندن عبارتدر. بونك غرب طرفی طاغلق اولوب، قره اورمانله مستوردر، وشرق طرفی دوز وواسع بر وادی صورتنده در. بو منطقه نك جنوبنده آلپ طاغلرینك مرتفع ذروه لری بولنیورسه ده، بو سلسله آلمانیانك خارجنده اوله رق، اسویچره و آوستریا داخلنده بولنیور. عمومیت اوزره آلمانیا ((یوقاری)) و ((آشاغی)) ناملریله ایكی یه آیریلوب، یوقاری آلمانیا طاغلق ومرتفع اولان جنوب جهتندن، و آشاغی آلمانیا دخی دوز و آلچق اولان شمال قسمندن عبارتدر. بو تقسیم صرف موقعجه اولمیوب، جنسیت، لسان، مدنیت، اخلاق وساىٔر هر جهتجه یوقاری آلمانیا ایله آشاغی آلمانیا آره سنده بر بیوك فرق واردر. بو ایكی قسمه شمالی وجنوبی آلمانیا دخی دیرلر. تقسیمات سیاسیه سی، مساحه واهالیلری. _ آلمانیا ایمپراطورلغی هر بری بر نام وعنوانله و كندینه مخصوص بر صورتله اداره اولنور ٢٦ اداره یه منقسمدر، كه مساحۀ سطحیه لریله و اهالیلرینك مقداریله برابر بروجه زیر ذكر اولنور : ‌ مساحۀ سطحیه سی اهالیسی پروسیه قراللغی ٣٤٨٣٤٧ ٤٧۰ ٣٨٣١٨ باوبره (( ٨٥٩ ٧٥ ١٩٩ ٥٤٢۰ ساقسه (( ٩٩٢ ١٤ ۰۰٨ ١٨٢ ٣ وورتمبرغ (( ٥۰٣ ١٩ ١٨٥ ٩٩٥ ١ باده بیوك دوقه لغی ۰٨١ ١٥ ٢٥٥ ٦۰١ ١ هس (( ٦٨١ ٧ ٦١١ ٩٥٦ مكلنبورغ استرلیج (( ٩٢٩ ٢ ٣٧١ ٩٨ ساقسه وایمار (( ٥٩٤ ٣ ٩٤٦ ٣١٣ اولدنبورغ (( ٤٢٢ ٦ ٥٢٥ ٣٤١ ٢٢

شمالیه سندن آلپ طاغلرینه و (ویستوله) نك بری طرفندن (رین) ك اوته طرفنه قدر ممتد اولور. مساحۀ سطحیه سی ٥٩٦ ٥٤۰ مربع كیلومتره در. هیىٔت عمومیه سی، جبال وانهاری. _ آلمانیا عمومیت اوزره آلپ طاغلرینك شماله طوغری اولان اتكلرندن وبو اتكلرك نهایتندن سواحل شمالیه یه قدر ممتد اولان واسع اووه لردن عبارت اولوب، همان بتون صولری جنوبدن شماله آقار. ویالكز بر قسم جزیىٔسی شرقه طوغری آقان طونه حوضه سی داخلنده بولنور. آلمانیا آوروپانك اك صویی چوق یرلرندن اولوب، جنوب شرقی كوشه سنده غربدن شرقه آقان طونه ایرماغیله اوكا دوكیلن بر چوق نهردن بشقه، شماله طوغری آقان بش بیوك ایرماغی واردر، كه، غربدن شرقه صایلدیغی حالده، رین، وسر، البه، اودر وویستوله ایرماقلریدر. روسیه دن كلن (نیامن) نهرینك دخی منصبی و مجرای اسفلی آلمانیانك داخلنده در. بو ایرماقلرك هر برینه صاغ وصولدن بر چوق نهرلر دوكیلوب، آلمانیا اراضیسنی اروا واحیا ایدرلر. آلپ سلسله سندن ماعدا وبو سلسله نك شمالنده وبوكا همان متوازی اوله رق غربدن شرقه اوزانیر بر الچق سلسله دها واردر، كه ٣۰۰ ونهایت ٤۰۰ متره دن زیاده مرتفع اولمدیغی و اكثر یرلری اورمانلرله مستور اولدیغی حالده، آلمانیانك ایچنده رین حوضه سنی طونه حوضه سندن آیریر و آوستریا حدودینه واصل اولنجه، جنوبه طوغری دخی بر قول اوزاته رق، چهستانی كرك غرباً وكرك شمالاً آلمانیادن تفریق ایدر. بو سلسله نك هر محلی آیری بر اسمله تسمیه اولنه رق، اك معروف اسملری (ارزه كبیركه) و (ریسه كبیركه) وجنوبه طوغری اوزانان قولنك دخی (باهمه والد) در. آلمانیانك جنوب غربیسنده دخی آلپ سلسه سنه همان عموداً واقع بر طاغ بولنیور، كه (اسواچ والد) یعنی ((قره اورمان)) نامیله (رین) مجراسنه متوازیاً جنوبدن شماله طوغری ممتد اولور. آلمانیا اراضیسی احوال طبیعیه سیله اقلیم و هواجه اوچ منطقه یه تقسیم اولنه بیلیر : برنجیسی وسطی طاغلرندن سواحل شمالیه یه قدر ممتد اولان اووه لر در، كه آلچق بر طاقم یرلر اولوب، اكثر طرفلری قومله، بطاقلقله ویا چالی ایله‌ مستور اوله رق، زرعه صالح دكل ایسه ده، كوزل مرعالری اولوب، كلیتلی

برونسویق (( ٦٩۰ ٣ ٤٥٧ ٣٧٢ ساقسه مانینكن (( ٤٦٨ ٢ ٨٨٤ ٢١٤ ساقسه التنبورغ (( ٣٢٣ ١ ٤٦۰ ١٦٤ ساقسه قویورغ وغوته (( ٩٥٦ ١ ٨٢٩ ١٩٨ آنهالت (( ٣٤٧ ٢ ١٦٦ ٢٨٤ ش اشوارچبورغ سوىٔد- سهاوزن پرنسلكی ٨٦٢ ٦۰٦ ٧٣ اشوارچبورغ - رودلستاد (( ٩٤۰ ٨٣٦ ٨٣ والدك (( ١٢١ ١ ٥٧٥ ٥٦ رایس اكبر (( ٢١٦ ٥٥٩۰٤ (( اصفر (( ٨٢٥ ٥٩٨ ١١۰‌ شومبورغ لیپه (( ٣٣٩ ٢۰٤ ٣٧ لیپه (( ٢١٥ ١ ٢١٢ ١٢٣ لوبك مستقل شهری ٢٩٧ ٦٥٨ ٦٧ برمه (( (( ٢٥٥ ٦٢٨ ١٦٥ هامبورغ (( (( ٤۰٩ ٦٢۰ ٥١٨ آلساس ولورن ٥۰٩ ١٤ ٣٥٥ ٥٦٤ ١ جمعاً ٥٩٦ ٥٤۰ ٧۰٤ ٨٥٥ ٤٦ بو قطعه لردن هر بری امور داخلیه سنده مستقل اولمغله، جمله سی آلمانیا ایمپراطورلغی آلتنده بر هیىٔت اتفاقیه وبر قوۀ مجتمعه تشكیل ایدیورلر. هر برینك اسمی صره سنده احوال مخصوصه سی آیریجه ذكر اولنه جقدر. آلمانیانك اكثر اهالیسی پروستان اولوب، یالكز باویره وساىٔر جنوب طرفلرنده قتولیكلر اكثریت اوزره بولنیورلر. احوال تاریخیه سی. _ رومالیلر انقراضلرندن بش عصر اول آلمانیانك جنوب جهتنی یعنی اسویچره قطعه سیله رین وطونه منبعلری آره سنده كی یارچه سنی ضبط ایتمشلردیسه ده، هر نصلسه دها ایلری یه كیتمكه رغبت ایتمیوب، او وقت اقوام وحشیه حالنده یاشایان جرمانلردن تحفظ ایچون، بر طاقم قلعه لر انشاسیله اكتفا ایتمشلردی. رومالیلرك انقراضندن صكره آلمانیانك جنوب غربی طرفنده كی جرمان قوملری، خارجدن كلوب چكن اقوام مختلفه نك تعرضندن مصون اولمق اوزره، بینلرنده بالاجتماع، ایكی هیىٔت تشكیل ایتمشلردی، كه اك غرب طرفنده كی هیىٔت ((سربست)) و ((مستقل )) معناسیله (فرانق)، وشرق طرفنده كی هیىٔت دحی ((بتون آدملر )) یعنی ((هیىٔت مجتمعه )) معناسیله (آله مانی) اسملرینی آلمشلردی. فرانقلر مرور زمانله (غول) یاخود (غالیا) یعنی اسكی فرانسه یی استیلا ایتمكله، كندی اسملرندن مشتق اولان (فرانسز) اسمی اسكی

غولو آلرله بونلرك امتزاجندن تولد ایدن دیكر بر قومه چكمش؛ و (آله مانی) هیىٔتی محلنده قالمغله، اسملری بتون جرمان قومنه تعمیم واطلاق اولنمشدر. خرستیانلغك آوروپایه دخولندن خیلی وقت صكره رومادن انكلتره و ایرلانده یه بر چوق میسیونرلر كوندریلوب، اورالرده خرستیانلق نشر اولندقدن صكره، بر طاقم ایرلانده لی و انكلتره لی راهبلر آلمانیایه چكوب، آلمانلری دخی بو یكی دینه دعوت ایتمكه باشلامشلردی. اووقتلرده آلمانیانك همان هر ناحیه سی كندی دره بكلری طرفندن اداره اولنوب، بونلر بولندقلری حالت وحشیتده آغاجلرك كولكه سی آلتنده دیوان قوره رق، حكم ایدرلردی. نهایت فرانقلرك فرانسه ده تشكیل ایتمش اولدقلری دولت اوراده رومالیلرك آثار مدنیتندن بر آز بهره مند اولوب، حكمدارلرندن مشهور (شارلمان) تزیید قوت و مكنت ایده رك، ساقسونلری قهر وتدمیرله، بتون آلمانیایی ید ضبط واداره سنده چكیرمش، و اهالیسنی جبراً خرستیان ایتمشیدی. شارلمانك وفاتنده آلمانیا و دها طوغریسی او وقت وو اسمله معروف اولان آلمانیانك جنوب غربی قسمی اوغلی (لویی) نك حصه سنه دوشوب، او وقتدن بر مستقل آلمانیا دولتی تشكل ایتمشیدی. بونك اولاد واحفادی حكمداری ویا ایمپراطور عنوانیله اوننجی عصر میلادی یه قدر حكم سوروب، عصر مذكوره سلاله لری منقرض اولمغله، آلمانیا پرنسلری اجتماع ایله، ساقسونیا پرنسلرندن برینی بالاانتخاب آلمانیا ایمپراطورلغنه نصب ایتمشلر؛ و او وقتدن آلمانیا ایمپراطورلرینك انتخابله تعیینی عادت اولمشیدی. او صره لرده اهل صلیب محاربه لری ظهور ایتمكله، حسب التعصب آلمانلر دخی بو محاربات وحشیانه یه حصه مند اولوب، كروه كروه ممالك اسلامیه یه اولان سفرلرندن عودتلرنده، وطنلرینه مدنیت اسلامیه نك آثار صناعیه سندن بعض نمونه كتیردكلرندن، ایستمیه رك، اخلاقلری كسب ملایمت وحضریت ایتمكله، آوروپانك ساىٔر هر طرفنده اولدیغی كبی، آلمانیاده دخی مدنیت اسلامیه دن مقتیس برمدنیت آثار فعلیه سی كورلمكه، وصنایع وتجارت دخی ترقی ایتمكله باشلامشیدی. مؤخراً آلمانیانك جنوب غربیسنده بر طاقم سیار شاعرلر ظهور ایدوب، آلمان لساننده شعر سویلمشلر، و آلمان

لسانی یازلمغه باشلایه رق، آلمان ادبیاتنك ایلك تمل طاشی قونمشدر. آنجق آلمانیا حكومات صعیره سی بیننده نفاق و محاربه لر اكسیك اولمیوب، هر نه قدر كه ایمپراطورك انتخابله تعیینی وبوخصوصده بینلرنده منازعه اولمامسی دفعاتله معاهده آلتنه النمش ایسه ده، ینه بو محاربات داخلیه نك او كی آلنمامشیدی. نهایت میلادك ١٢٧٣ تاریخنده اسویچره نك (هابسبورغ) اسمنده بر خانداننه منسوب (رودولف) اسمنده بر آدم ایمپراطولغه انتخاب اولنمغله، آسایشی اعاده، كندینی طانیمق ایستمینلری رام، وآوستریا، استریا، قارنیوله وساىٔر او طرفلری چهستاندن ضبط ایده رك، كسب قوت ایتمكله، ایمپراطورلغی كندی خانداننه حصر ایتمل، وقیز طرفندن اولان سلاله سی بو كونه قدر بقا بولوب، آوستریا خاندان حكمداریسندن عبارت بولنمشدر. بووجهله آلمانیا ایمپراطورلغی آوستریا حكمداری لرینه عاىٔد ایكن، اون سكزنجی عصر میلادی ابتدالرنده پروسیه آیریجه بر قراللق حالنه كیروب، آوستریایه ابراز رقابت ایتمكه باشلامش؛ و ١٨٦٦ ده پروسیه ایله آوستریا آره سنده وقوع بولان محاربه ده پروسیه نك غالبیتی اوزرینه، آلمانیا حكومات مستقله سندن بر قاچی پروسیه یه الحاق، و آوستریا حكمدارندن آلمانیا ایمپراطورلغی سلب اولنه رق، آوستریا ایمپراطورلغیله آلمانیا حكوماتی آره سنده هیج بر علاقه ومناسبت قالمامش؛ ونهایت ١٨٧۰ ده پروسیه نك فرانسه یه غلبه سی اوزرینه، آلساس ایله لورن پروسیه یه الحاق اولندقدن بشقه، پروسیه قرالی آلمانیا ایمپراطوری عنواننی دخی آله رق، عموم آلمانیا حكوماتی پروسیه قرالنی ایمپراطور طانیمش : وبو وجهله بر یكی آلمانیا دولتی تشكل ایتمشدر. مدنیت، معارف، تجارت وصنایعی. _ آلمانیا و علی الخصوص یوقاریده تعریف اولنان اوچ منطقه سندن وسطی منطقه سنده كی جهتلری آوروپانك اك متمدن پرلرندن اولوب، هر نه قدر بعض خصوصلرده فرانسه و انكلتره دن كری ایسه ده، بر چوق خصوصلر ده دخی اونلردن فرسخ ایلریدر. معارف هر یردن زیاده منتشر بولنوب، فرانسه و انكلتره ده اوقویوب یازمق بینین افراد اهالی خیلی مقدارده اولدقلری حالده، آلمانیاده هیج یوق كبیدر. معارفك

حكمت و فلسفه، تاریخ، ادبیات و علی االخصوص السنه نك اشتقاقاتیله بینلرنده كی مناسباتدن بحث ایدن علم اللسان قسملری وهیىٔت و نجوم، طب وساىٔر علوم وفنون آوروپانك هر طرفندن زیاده آلمانیاده ترقی ایتمش؛ و قوپرنیق، كپلر، انكه، قانت، هكل لبپسنیچ، شلینغ، لسینغ، لپسیوس، شیلر، غوته، بوپ، آلكساندر هومبولد كبی نیجه دهات یتیشمشدر. صنایع هر نه قدر انكلتره و فرانسه دن پك كری قالمیورسه ده، صنایع بسلیه جك شی تجارت اولوب، حالبوكه آلمانیانك نه انكلتره كبی محصولات صناعیه سنی دوكه جك مستملكات بعیده سی، و نه ده فرانسه كبی محصولات تجاریه سنك ظرافت ونفاستنده شهرتی اولمدیغندن، و الحاصل تجارتی خیلی كری بولندیغندن، وهیىٔت حاضرۀ سیاسیه یه كیردكفن صكره بسلمكه مجبور اولدیغی قوۀ كلیۀ عسكریه ایله عسكرلك وظاىٔف طاقت فرساسی قوای فعالیه سیله ثروت عمومیه سنك بر قسم عظمینی صبط ایتدیكندن، ثروت عمومیه جه فرانسه و انكلتره دن پك كری بولنمقده در. بونك ایچون آلمانیا دولتی بو كونكی كونده وار قوتنی آلمانیایه هر صورتله تجارت یوللری آچمق اسبابنك استحصالنه صرف ایتمكده در. بر طرفدن دخی آلمانلر، نفوسلری آرتدقجه، آوروپاده بسلنه میوب، كرۀ ارضك ساىٔر قطعات وسیعه سنه كروه هجرت ایتمكده اولدقلری‌ حالده، كیتدكلری یرلرده بر آلمان مملكتی بوله مامق جهتیله، جنسیتلرینی تبدیل ایله، لسانلرینی اونوتمقده اولدقلرندن، وبو وجهله آلمان جنسیتی بهر سنه یوز بیكه قریب نفوس غاىٔب ایتدیكندن، آلمانیا دولتی بو صوك سنه لرده آفریقا و آوسترالیاده مستملكات ایدنمكده چالیشمقده در. دنیله بیلیركه قرون وسطانك آوروپانك ساىٔر طرفلرنده چوقدن ختام بولمش اولان دره بكلكلری تقسیماتی آلمانیاده بو كونه قدر دوام ایتمشدر. و هر نه قدر كه بو كون دخی آلمنیاده بو تقسیمات موجود ایسه ده، بو دفعه پروسیه قراللغنك همتیله تشكل ایدن آلمانیا ایمپراطورلغی اویله لفظی مراد بر هیىٔت اولمیوب، آوروپانك اك قوتلی بر دولتی اولدیغندن، لمانیانك بوندن بویله دها چوق ترقی ایده جكی، و مكمل بر دوننمایه مالك اولوب، كرۀ ارضك هر طرفندن مستملكات دخی ایدینه رك، تجارتنی ایلری یه كوتورمكله، ثروت عمومیه سنك ده تزاید ایلیه جكی شبهه سزدر.

قارلومان (( ٨٧٦ )) (( ٨٨۰ اوچنجی لویی (( ٨٧٦ (( ٨٨٢ شیشمان شارك (( ٨٨٢ (( ٨٨٧ پج آرنولد (( ٨٨٧ (( ٨٩٩ دردنجی لویی (( ٨٩٩ (( ٩١١ فرانقونیا خاندابی برنجی قونراد (( ٩١٢ (( ٩١٨ ساقسه خاندانی برنجی هنری (( ٩١٩ (( ١٣٦ برنجی اوتون (( ٩٣٦ (( ٩٧٣ ایكنجی اوتون (( ٩٧٣ (( ٩٨٣ اوچنجی اوتون (( ٩٨٣ (( ١۰۰٢ سنت هنری (( ١۰۰٢ (( ١۰٢٤

و اردات ومصارفی، قوۀ بریه وبحریه سی، سفاىٔن تجاریه سی، دمیریوللری. _ آلمانیا دولتنك و ارداتی ٤٣٦ ٢۰٧ ٧٤٥ مارق یعنی تقریباً ٣٧ ملیون انكلیز لیراسندن عبارت اولوب، مصارفی دخی او نسبتده در. آنجق حكومات صغیره نك كندی الكالری داخلنده اخذ وصرف ایتدكلری مبانع بوحسابه داخل اولمدیغی كبی، دمیر للریله پوسته وتلغراف كبی دواىٔرك دخی واردات صافیه سی حساب اولنمشدر. آلمانیانك حضری قوۀ عسكریه سی ٨٨٤ طابور پیاده، ٤٦٥ بلوك سواری، ٣٦٥ بطاریه، و ١٥۰۰ طوپدن عبارت اولوب، من حیث المجموع ٢٦٢ ١٩ امرا وضابطان، ٤۰٩ ٤٦٨ نفر، و ۰٧٧ ٨٤ بیكیری جامعدر. وقت سفرده ایكی ملیون عسكر چیقارمق اوزره ترتیباتی مهیادر. قوۀ بحریه سی ١۰١ سفاىٔن مختلفه دن مركبدر، كه بونلرك مجموعی‌ ١۰٢ ١٨٢ طونیلاته استیعابنده و ٨۰٥ ١٦٧ بیكیر قوتنده اولوب، ٥١٩ طوپی و ٥٨١‌ ١٦ افرادی جامعدر. سفاىٔن تجاریه سی ٤١٣٥ قطعه اولوب، بونلرك ٦٦٤ ی و اپور و قصوری یلكن كمیسیدر. سفاىٔن مذكوره نك مجموعی ٤٤٩ ٢٨٢ ١ طونیلاته استیعابنده اولوب، ایچلرنده ٩٣١ ٣٨ طاىٔفه بولنور. آلمانیانك عموم دمیر یوللری ٧١٦ ٣٨ كیلومتره طولنده اولوب، بومجموعدن ٧٨٢ ٣٣ كیلومتره لكی دولتنك مالیدر؛ ٢٩۰ كیلومتره لكی شركت مالی اولوب، دولتك ید اداره سنده در؛ و ٤٦٤٤ كیلومتره لكی دخی شركت مالی اولوب، شركتلر طرفندن اداره اولنمقده در. _ عموم تلغرافلری دخی ۰٢٩٤ ٢۰٥١ كیلومتره طولنده در. آلمانیا دولتنك حكمدار ویا ایمپراطورلریله مدت حكومتلری و منسوب بولندقلری خاندان وسلاله لرك بر وجه زیر ذكر اولنور : قارلوونجیان سلاله سی میلادی شارلمان من ٨۰۰ الی ٨١٤ لویی دبونر (( ٨١٤ (( ٨٤۰ برنجی لوتر (( ٨٤۰ (( ٨٥٥ ایكنجی لویی (( ٨٥٥ (( ٨٧٦ طاس باشلی شارل (( ٨٧٦ (( ٨٧٧

ینه آوستریا خاندانی ایكنجی آلبرت (( ١٤٣٨ (( ١٤٣٩ اوچنجی فردریق (( ١٤٤۰ (( ١٤٩٣ برنجی مكسیملیان (( ١٤٩٣ (( ١٥١٩ شارل كینت (بشنجی) (( ١٥١٩ (( ١٥٥٦ برنجی فردیناند (( ١٥٥٦ (( ١٥٦٤ ایكنجی مكسیملیان (( ١٥٦٤ (( ١٥٧٦ ایكنجی رودولف (( ١٥٧٦ (( ١٦١٢ ماتیاس (( ١٦١٢ (( ١٦١٩ ایكنجی فردیناند (( ١٦١٩ (( ١٦٣٧ اوچنجی فردیناند (( ١٦٣٧ (( ١٦٥٧ برنجی لىٔوپولد (( ١٦٥٨ (( ١٧۰٥ برنجی یوسف (( ١٧۰٥ (( ١٧١١۰ آلتنجی شارل (( ١٧١١ (( ١٧٤۰ ینه باویره خاندانی یدنجی شارل (( ١٧٤٢ (( ١٧٤٥ آوستریالورن خاندانی ماریه ترزه نك زوجی برنجی فرانسوا (( ١٧٤٥ (( ١٧٦٥ ایكنجی یوسف (( ١٧٦٥ (( ١٧٩۰ ایكنجی لىٔویولد (( ١٧٩۰ (( ١٧٩٢ ایكنجی فرانسوآ (( ١٧٩٢ (( ١٨۰٦ پروسیه خاندانی فردریق كوییوم (بعدالفتره) (( ١٨٧١ (( ١٨٨٨ فردریق شارل (شمدیكی ایمپراطور)