Duc d'albany ~ آلبانی دوقه‌سی
Kamus-ul'Alam - Duc d'albany ~ آلبانی دوقه‌سی maddesi. Sayfa: 288 - Sira: 6
Duc d'albany - آلبانی دوقه‌سی
اسقوچیا قراللرینك ایكنجی اوغللرینه ویریلن بو عنوانله اك زیاده شهرت بولانلر شونلردر : اسقوچیا قرالی ایكنجی روبرتك ایكنجی اوغلی ((كنج)) (روبرت استوآرت) كه برادری اوچنجی روبرتك وفاتندن صكره میلادك ١٤۰٦ تاریخنده ناىٔب حكومت اولوب، ١٤٢۰ ده وفات ایتمشدر. بونك نسلندن كلن آلبانی دوقه لری سلاله سی ١٥٣٩ تاریخنده (هنری استوآرت) ك وفاتیله منقرض اولمشدر. _ دیكر بر آلبانی دوقه لری سلاله سنك جد اعلاسی سقوچیا قراللرندن ایكنجی (جاق) ك اوغلی (آلكساندر استوآرت) در، كه برادری اوچنجی (جاق) طرفندن نفی اولنه رق، ١٤٨٥ ده فرانسه ده اولمشدر. _ بونك اوغلی (جون استوآرت) فرانسه قرللرندن ایكنجی لویی یه انتساب ایده رك، برابرنده جوه یه دخی كیتمش؛ وبعده ١٥١٦
ده اسقوچیایه دعوت اولنه رق، باش وكالته تعیین اولنمش ایسه ده، بو مسندی براقوب، فرانسه یه عودتله، برنجی فرانسو آنك معیتنده ایتالیا محاربه سنه كیتمش؛ وعودتنده فرانسه ده یرلشوب، ١٥٣٦ ده وفات ایتمشدر.
Kamusul Alam, Şemseddin Sami; Kamusul Alamde Duc d'albany maddesi. osmanlıcada Duc d'albany ne demek, Duc d'albany anlamı manası, Duc d'albany osmanlıca nasıl yazılır. Osmanlıca sözlükte Duc d'albany hakkında bilgi. Arapça Duc d'albany ne demek. Arapça osmanlıca sözlük. Farsçada Duc d'albany anlamı
Kamusul Alamde - آلبانی دوقه‌سی Duc d'albany maddesi. Şemseddin Sami, Kamusul Alam Ansiklopedisi