Albak - آلباق

حكاری سنجاغنك شمال جهتنده بر قضادر، كه شرقاً حدود ایرانیه ایله وشمال غربی طرفندن و ان سنجاغیله محدود اولوب، مركزی حكاری سنجاغنك دخی مركزی اولان (باش قلعه) در، كه قلعه ایله قریه دن عبارتدر. (آرتوش) و (شكاك) عشیرتلری بو قضایه ملحق اولوب، ناحیه صورتنده برر آغا ایله اداره اولندقلری كبی، (قطور) ناحیه سی دخی بو قضا یه ملحق ایكن، برلین معاهده سی عقیبتنده ایرانه ترك اولنمشدر. ناحیۀ مذكوره ایله برابر قضا ٢٦۰ قریه دن مركب اولوب، ٧٨۰۰ خانه سی و، ٣٢۰۰۰ ی اسلام‌ و ١٤۰۰۰ ی خرستیان اولمق اوزره، ٤٦۰۰۰ اهالیسی وار ایدی. قطور ناحیه سنك حاوی اولدیغی ٣٨ قریه ایرانه ترك اولنمغله، شمدی قالان ٢٢٢ قریه سنده تخمیناً ٣٨۰۰۰ اهالیسی واردر. قضانك شمال شرقیدن جنوب غربی یه طوغری ممتد اولان آلباق طاغیله بونك قارشیسنده ایران حدودنده ارتفاع ایدن (سروان) طاغندن وبو ایكی طاغك آره سنده واقع (زاب) نهرینك یوقاری وادیسندن عبارتدر. بو قضا وقتیله اوجاقلق صفتیله محلی كرد بكلری طرفندن اداره اولنمقده ایكن، بونلرك اساىٔتلری اوزرینه، ١٢٦۰ تاریخنده طوغریدن طوغری یه دولتك اداره سنه آلنه رق، ارضروم ولایتنه ملحق وان سنجاغنه الحاق اولنمش؛ بعده تشكل ایدن حكاری ولایتی داخلنده بر سنجاق اتخاذ اولنوب، اخیراً حكاری ولایتی داخلنده بر سنجاق اتخاذ اولنوب، اخیراً حكارینك سنجاغه ارجاعیله، ینه قضا اعتبار اولنه رق وان ولایتنه اعاده اولنمشدر. اهالیٔ اسكامیه سی كرد وخرستیانلری ارمنیدر. درون قضاده ١٢ جامع ومسجد، ١۰ كلیسا، ١ رشدیه مكتبی و ٢ ارمنی مكتبی واردر.