Albany ~ آلبانی
Kamus-ul'Alam - Albany ~ آلبانی maddesi. Sayfa: 288 - Sira: 3
Albany - آلبانی
ممالك مجتمعه نك (نویورق) جمهوریتنك مركزی اولان بر شهردر، كه (هودسون) نهرینك ساحل غربیسنده ونویورقك ٢٥٣ كیلومتره شمالنده، ً٥۰ َ٣٩ ْ٤٢ عرض شمالی ایله ً٢ َ٥ ْ٧٦ طول غربیده واقع اولوب، ٩۰٧٥٨ اهالیسی واردر. بو شهر میلادك ١٦٢٣ تاریخنده فلمنكلیلر طرفندن (فورت اورازا) نامیله تأسیس اولنوب، ١٦٦٤ ده انكلتره یه چكمشیدی. ابنیۀ رسمیه سی بر صره ده وبر میدانك قارشیسنده اولوب، غایت مصنع صورتده یاپلمشدر. معارفه مخصوص ابنیه ومؤسساتی آمریقانك هر شهرندن زیاده اولوب، بر دارالفنونی، بر رصدخانه سی، بر طبیه مكتبی، متعدد مكاتب اعدادیه سی، كتبخانه لری، موزه خانه لری، تاریخ طبیعی وعلم الارض نمونه خانه لری واردر. شهر بر چوق دمیر یوللریله قناللرك محل التصاق وتقاطعنده واقع اولمغله، تجارتی پك ایلرك اولوب، بیوك واپورلر دخی (هودسون) نهریله شهره قدر چیقارلر. باشلیجه صنایعی ما كینه جیلیكه متعلق اولوب، انواع ماكینه لر ولقومو تیفلر فابریقه لری ودو كومخانه لری واردر. مرانغوزلغه متعلق معمولاتله پیانولری دخی مشهوردر. اطرافنده كی كویلرك دخی هر بری آیریجه بر قصبه حكنده در. _ ممالك مجتمعه ده بو اسمله بر قاچ كوچك قصبه وقضالر دخی واردر.
Kamusul Alam, Şemseddin Sami; Kamusul Alamde Albany maddesi. osmanlıcada Albany ne demek, Albany anlamı manası, Albany osmanlıca nasıl yazılır. Osmanlıca sözlükte Albany hakkında bilgi. Arapça Albany ne demek. Arapça osmanlıca sözlük. Farsçada Albany anlamı
Kamusul Alamde - آلبانی Albany maddesi. Şemseddin Sami, Kamusul Alam Ansiklopedisi