Ağa İbrahim Paşa - آغا ابراهيم پاشا

(حلمی ابراهیم پاشا دخی دیرلر) سلطان سلیم خان ثالث حضرتلرینك اواخر سلطنتلرنده مسند صدارتی احراز ایتمش وزرای عظامدن اولوب، یكیچری طاىٔفه سندن اوجاق بیت المالجیسی محمد آغا اسمنده بر شخصك اوغلیدر، واسكدارده والدۀ عتیق جامعی قربنده قاسم آغا محله سنده ١١٦۰ سنه سنده طوغمشدر. پدرینك مسلكنه سلوكله، زمرۀ بكناشیانه دخول ایدوب، قندیه وطوبزون كبی بعض محللرده آغالق ایتدكدن صكره، درسعادته عودتله، یكیچری اوجاغنده قطع مراتب ایده رك، یكیچری آغالغنه واصل اولمش؛ و درایت واقتداری مسلم اولمغله، اسماعیل پاشانك عزل اوزرینه، ١٢٢١ تاریخنده مسند صدارتی احراز ایتمشدر. او صره ده روسیه محاربه سی ظهور ایتمكله، بالذات قوماندابلغنی درعهده ایده رك، طونه

ساحلنه عسكر سوقیله،اوراده بولندیغی اثناده، سلطان سلیم حضرتلرینك فراغتنی منتج اولان وقعۀ معلومه ظهور ایتمكله، اورته لق هرج ومرج اولدیغی صره ده، طونه ساحلنده دخی بر طاقم خذله داىٔرۀ اطاعتدن چیقوب، پاشای مشارالیهك حیاتنه قصد ایتدكلرندن، علمدار مصطفی پاشانك چفتلكنه چكلمكه مجبور اولمشیدی. بو خبر سلطان مصطفی حضرتلرینه واصل اولنجه، دفع فتنه ایچون، سردارلغه چلبی مصطفی پاشا نصبله، صاحب ترجمه دخی بوسنه والیلكنه نصب بیوریله رق، بش آلتی سنه بو والیلكده بولنمشدر.