Adapazarı ~ آطه پازاری
Kamus-ul'Alam - Adapazarı ~ آطه پازاری maddesi. Sayfa: 221 - Sira: 6
Adapazarı - آطه پازاری
شهر امانتنه ملحق ازمید سنجاغنده قضا مركزی بر قصبه در، كه ازمیدك ٤٨ كیلومتره شرقنده وصقاریه نهرینك ساحل یسارنده ونهر مذكورك قره دكیز ده اولان منصبندن ٦٥ كیلومتره قدر یوقاریده واقع اولوب، ٤۰۰۰ قدر اهالیسی واردر. _ آطه پازاری قضاسی ازمید سنجاغنك شرق شمالی قسمندن عبارت اولوب، شمالاً قره دكیزله شرقاً قسطمونی ولایتنك بولی سنجاغیله، غرباً قاندره ونفس ازمید قضالریله، جنوباً دخی كیوه قضاسیله محدود ومحاطدر.
بو قضا خندق، آب صافی، صاری چایر وصبانجه ناحیه لرینی جامعدر. صبانجه ناحیه سنك شمالنده آطه پازارینك ١۰ كیلومتره قدر غرب جنوبیسنده ینه صبانجه نامیله بیوك بر كول بولندیغی كبی، قضانك شرق طرفنده دخی خندق ناحیه سیله بولی سنجاغی آره سنده (افتنی) اسمیله بر كول واردر، كه صویی لذیذ وبالیغی چوق اولوب، اطرافی آغاجلق وسازلقدر. صقاریه نهری جنوبدن شماله طوغری بو قضانك ایچندن چكوب، صاغدن بر قاچ دره دها اخذ ایتدیكی كبی، بو قضا ایله بولی سنجاغنك حدودینی آیران (میلان) نهری دخی جنوبدن شماله طوغری آقه رق، قره دكیزه دوكیلور.
Kamusul Alam, Şemseddin Sami; Kamusul Alamde Adapazarı maddesi. osmanlıcada Adapazarı ne demek, Adapazarı anlamı manası, Adapazarı osmanlıca nasıl yazılır. Osmanlıca sözlükte Adapazarı hakkında bilgi. Arapça Adapazarı ne demek. Arapça osmanlıca sözlük. Farsçada Adapazarı anlamı
Kamusul Alamde - آطه پازاری Adapazarı maddesi. Şemseddin Sami, Kamusul Alam Ansiklopedisi