Adalar ~ آطه‌لر
Kamus-ul'Alam - Adalar ~ آطه‌لر maddesi. Sayfa: 221 - Sira: 10
Adalar - آطه‌لر
قضاسی. شهر امانتنه ملحق بر قضا اولوب، مرمره ده درسعادته وآناطولی ساحلنه قریب یعنی ازمید كورفزی مدخلنك غرب شمالیسنده واقع طقوز آطه دن مركبدر. بو آطه لرك ایكیسی بیوك، اوچی اورتانجه ودردی دخی كوچك اولوب، اصل تركجه اسملری (قزیل آطه لر) در. بونلرك اك بیوكلری اولان (بیوك آطه) ونام دیكرله (بك آطه سی) ایله (هكبه لی آطه ) واورتانجه لرندن (قینه لی آطه) ایله (بورغاس) وصدف آطه لری مسكون اولوب، علی الخصوص بیوك آطه پك معموردر، وكوندن كونه ترقی ایتمكده در؛ هكبه لی آطه ده دولتك بحریه مكتبی ایله روملرك بری تجارته ودیكری پاپاس یتیشدیرمك اوزره، علوم دینیه یه
مخصوص ایكی مكتبلری واردر. خیرسز، یاص، طاوشانلی وپنبه آطه لری ایسه ایصسز اولوب، یالكز برنده مصر خدیوینه مخصوص بر كوشك و باغچه واردر. بو آطه لرك مسكون اولانلریله درسعادت آره سنده صباح اقشام بر قاچ دفعه واپور ایشلر. بو آطه لرك هواسی معتدل وغایت صاغلام ولطیف اولوب، علی الخصوص ضعیف البنیه اولانلره پك ایی كلیر.
Kamusul Alam, Şemseddin Sami; Kamusul Alamde Adalar maddesi. osmanlıcada Adalar ne demek, Adalar anlamı manası, Adalar osmanlıca nasıl yazılır. Osmanlıca sözlükte Adalar hakkında bilgi. Arapça Adalar ne demek. Arapça osmanlıca sözlük. Farsçada Adalar anlamı
Kamusul Alamde - آطه‌لر Adalar maddesi. Şemseddin Sami, Kamusul Alam Ansiklopedisi
Adalar ~ آطه‌لر güncel sözlüklerde anlamı:
Adalar :::