azof - آزاق

یاخود آزوف روسیه نك جنوب طرفنده (یقترینوسلاو) ایالتنده بر شهردر، كه (دون) یاخود (تن) نهرینك ساحل یسارنده وبو نهرك منصبندن ١۰ كیلومتره یوقاریده مرتفع بر محلده وآزاق دكیزینك منتهای شرق شمالیسنده واقع اولوب، كندیسندن ٢٥ كیلومتره یوقاری اولان (روستوف) شهرینه تابع، وروستوف قضاسیله برابر دون قزاقلری مملكتیله محاط اولدیغی حالده، قارشیسنده اولان (یقترینوسلاو) ایالتنه ملحقدر. بو شهر وقتیله بیوك بر اهمیتی حاىٔز بولنمش، وبو مناسبتله دكیز دخی بونك اسمیله تسمیه اولنمش ایسه ده، شمدی اهمیتنی غاىٔب ایتمشدر. مع هذا ١١۰۰۰ اهالیسی واردر. بو شهر یونان قدیم مورخلری طرفندن (تناییس) تسمیه اولنان شهر قدیمك عینی ظن اولنمش ایسه ده، اخیراً (دون) نهرینك ساحل یمیننده و(آزاق) شهرینك ١٥ كیلومتره قدر شمالنده شهر قدیم مذكورك خرابه-

روس ممالكیله محاط اولوب، غرب جنوبی وغرب طرفندن قدیم شبه جزیره سیله، شمالاً توریده، یقترینوسلاو ودون قزاقلری ایالتلریله، شرق جنوبی طرفی دخی (قوبان) مملكتیله محدوددر. آزاق دكیزینك سواحلی عمومیت اوزره آلچق وبطاقلق اولوب، علی الخصوص شرق شمالی ساحلی (دون) ایرماغنك اغزی اطرافنده طیغان قویی دنیلن بر واسع بطاقلقدن عبارت اولدیغی كی، ساحل غربیسنده یعنی قریمك شرق طرفنده دخی كنیش بر بطاقلق واردر، كه (آرابات) دنیلن اینجه بر دیل ایله دكیزدن آیرلمش بر كول حالنده اولوب، یالكز بودیلك منتهای شمالنده دكیزله اختلاط ایدر، وشرق روزكاری اسدیكی وقت دكیز صوییله طولوب، بعده تعفنه باشلادیغندن، روسلر بو بطاقلغه بحقٍ (سیواش) یعنی ((متعفن)) نامنی ویرمشلردر. آزاق دكیزینك اك درین محلنده آنجق ١٥ ونهایت ١٦ متره عمقی اولوب، اكثر طرفلری بش آلتی متره دن زیاده درین دكلدر، وبعض طرفلرنده اك كوچك كمیلر بیله ایشلیه مز. صویی آجی وصاریدر. فرطونه لری پك شدتلی اولور. قیشین درت بش آی منجمد حالنده بولندیغندن، كمیلر كیره مزلر. عجاىٔب طبیعتدن اوله رق، بو دكیزك صویی موسمه كوره تخلف ایدوب، یاغمورلر موسمنده عمقی آرتار، وحذاسی بحر سیاه خداسندن ١ متره ایله ٤٥ سانتیمتره دها یوكسك بولنور. بو دكیزه (دون) ایرماغندن بشقه شمالدن مولوچنه، برده، قالمیوس، میوس،وشرقدن موقروی، قاغالنیق، ییا، چلباس، قوچتی وساىٔر كوچك نهرلرودره لر دوكیلور. قوبان نهری ایسه آشاغی طرفده ایكی شعبه یه آیریلوب، بیوكی طوغریدن طوغری یه قره دكیزه منصب اولور ایسه ده، كوچك شعبه سی (پروتقه) اسمیله آزاق دكیزینه دوكیلور؛ وبو نهرك بویله چتاللانمسی (طمان) شبه جزیره سنه بر جزیره صورتنی ویریور. بو دكیزده مرسین بالیغی پك كلیتلی اولوب، قیشین بوزك اوستندن دلیكلر كشادیله طوتارلر، وطوزلیوب، روسیه نك هر طرفنه كوندریرلر. میلادك ١٧٩٩ تاریخنده آزاق دكیزنده بیك بر صدادن صكره آنسزین بر آطه ظهور ایدوب، ابتدا چامور، بعده دومان وآتش دخی پوسكور تمكه باشلامش ایسه ده، بر سنه صكره ینه نابدید اولمشدر. طمان شبه جزیره سنده ذاتاً بر قاچ چامور بركانی واردر.

لری بولنمش اولدیغندن، بو فكر تصحیحی اولنمشدر. شرق شمالیدن هجوم ایدن اقوام وحشیه دن (هون) لر میلادك اون برنجی عصرنده شهر قدیم مذكوری تخریب ایتدكدن صكره، (قومان) ویا (پولونج) دنیلن قومك (آزوف) ویا (آزاق) اسمنده اولان رىٔیسلری حززلر طرفندن تأسیس ایدلمش اولان بو شهر جدیدی مقر اتخاذ ایده رك، كندی اسمیله تسمیه ایتمشدر. جنویزلر میلادك اون اوچنجی عصرنده (دون) ایرماغنك منصبی اطرافنی ضبط ایده رك، بو جواره اسكی (تناییس) دن محرف اوله رق، (تانه) اسمنی ویرمشلردر، كه عثمانلی مورخ وجغرافیوننك (دون) نهرینه (تن) اسمنی ویرملری ده بوندن نشأت ایتمشدر. اون دردنجی عصر میلادیده قپچاق خانی توقتمش خان طرفندن جنویزلرك الندن چیقارلمش؛ و ٧٩٥ تاریخ هجریسنده تیمورلنك طرفندن ضبط وتخریب، و٨٧٦ تاریخنده ابوالفتح سلطان محمد خان ثانی حضرتلری طرفندن فتح اولنمش؛ وبعده ایكی دفعه قزاقلر آلمشلر ایسه ده، درعقب استرداد اولنه رق، ١٨۰٣ تاریخنده استحكاماتله تقویه اولنمشیدی. بیوك پترو بر آره لق ضبط ایتمشیدیسه ده، ١١٢٣ تاریخ هجریسنده عقد اولنان كوچك قینارجه معاهده سی اوزرینه روسیه یه ترك اولنمشدر. روسلر بونی ابتدا ایالت مركزی اتخاذ ایدوب، بعده یقترینوسلاو ایالتنه ملحق بر قضا مركزی حكمنده براقمشلر، ونهایت قضامركزیتنی ده غاىٔب ایتدیروب، (روستوف) شهرینی مركز قضا اتخاذ ایتمشلردر.