Arius - آريوس

خرستیانلقده بر مذهب مخصوص صاحبی اولانلرك اك مشهورلرندن اولوب، میلادك ٢٧۰ تاریخنده، بر روایته كوره بنغازیده، ودیكر بر روایته نظراً اسكندریه ده طوغمش، وخیلی مسن اولدیغی حالده، رهبان طاىٔفه سنه التحاقله، ٣١٢ تاریخنده اسكندریه ده بر یكی مذهب تدریسنه باشلایه رق، مذهبی پك چابق انتشار وتعمم ایتمشیدی. بو ذات تثلیثی شدیداً رد و جرح ایله، حضرت عیسانك عدمدن وجوده كتیرلمش بر مخلوق اولدیغنی التزام ایتدیكیچون، مذهبی هم طوغری هم مقبول ایدیسه ده، تثلیث فكر سقیمی ووجدانیت ادعاسیله شرك محض خرستیانلر بیننده تعمم ایتمش اولدیغندن، هر نه قدر كه خلق بونك مذهبنی قبولده پك تشنه كورنمش ایسه ده، رؤسای روحانیه طرفندن شدیداً مخالفت كوستریلوب، علی الخصوص اسكندریه پسقپوسلری (آلكساندر) و (آطناس) بونك علیهنده تحریك تعصبله، بر قاچ

خیلی تصحیح وتو سیع ایده رك، ١٥٣٢ ده ٤٦ فصلدن عبارت بر ایكنجی طبعنی نشر ایتمشدر. بو منظومه فصاحت وبلاغت وسلاستیله مشهور اولوب، مبنی علیهی اهل صلیب ایله اهل اسلام بیننده وقوع بولان محارباته متعلق بعض وقعه لرك تصویرندن عبارتدر. بوندن بشقه بعض غزلیاتله بر طاقم هزلیات ومضحكه لری واردر. مؤخراً (رینالدو آردیتو) یعنی ((جراتلی رینالدو)) عنوانیله دیكر بر منظومه سی دخی بولنه رق، ١٨٤٦ تاریخنده فلورانسه ده نشر اولنمشدر. (آریوستو) نك آثاری دفعاتله طبع، وعلی الخصوص ((متهور رولاند))‌ اوروپانك هرلساننه ترجمه اولنمشدر.