Arion ~ آريون
Kamus-ul'Alam - Arion ~ آريون maddesi. Sayfa: 174 - Sira: 2
Arion - آريون
یونان قدیم شعرا وموسیقی شناسانندن اولوب، میلاددن ٦٢۰ سنه اول (لسبوس) یعنی مدللی جزیره سنك (متیمنه) شهرنده طوغمش؛ و (قورنته) حكمداری (پریاندر) ە انتسابله، بر چوق وقت بونك سراینده امرار عمر ایتمش، وبرابرنده ایتالیایه سیاحت ایده رك، بر بیوك ثروت طوپلامشیدی. روایته كوره، بو سفردن عودتنده، رفقاسنك كندیسنی، صویمق اوزره، اولدیرمكه قرار ویردكلرینی آكلاینجه، اولمزدن اول بر كره دها عود چالمغله مساعده ایستمش؛ واو اثناده كندینی دكیزه آتمغله، كویا چالغیسنك كمینك یاننه جلب ایتمش اولدیغی بر یونس بالیغی كندیسنی آرقه سنه آلوب، (لاقونیا) نك (تناره) بروننه چیقارمش. دلفین بر جنك شاعری تخلیص ایتمش اولان بو یونس بالیغندن عبارت اولدیغی زعم اولنوردی. (آریون) ك آثارندن اولدیغی مطنون اولان دكیز الهی (نپتون) نامنه برقصیده موجود ومطبوعدر.
Kamusul Alam, Şemseddin Sami; Kamusul Alamde Arion maddesi. osmanlıcada Arion ne demek, Arion anlamı manası, Arion osmanlıca nasıl yazılır. Osmanlıca sözlükte Arion hakkında bilgi. Arapça Arion ne demek. Arapça osmanlıca sözlük. Farsçada Arion anlamı
Kamusul Alamde - آريون Arion maddesi. Şemseddin Sami, Kamusul Alam Ansiklopedisi