arica ~ آريقه
Kamus-ul'Alam - arica ~ آريقه maddesi. Sayfa: 171 - Sira: 12
arica - آريقه
آمریقای جنوبینك (پرو) جمهوریتنده (ماكغوآ) ایالتنك مركزی اولان بر شهردر، كه بحر محیط كبیر ساحلنده، (آركیپا) نك ٢٨۰ كیلومتره جنوب شرقیسنده و (تاقنه) نك ٦٥ كیلومتره جنوب غربیسنده ، ً٥٥ َ٢٨ ْ١٨ عرض جنوبی ایله ً٩ َ٤٤ ْ٧٢ طول غربیده واقع اولوب، ٣۰۰۰۰ اهالیسی، بیوك وتجارتكاه بر لیمانی و (تاقنه) شهرینه قدر بر دمیر یولی واردر. شمال طرفنده بر طاقم واسع بطاقلقلری بولندیغندن، ودكیز اوتلرینك تعفنندن هواسی آغردر. بو شهر میلادك ١٦۰٥ تاریخنده بر حركت ارضدن كاملاً خراب اولدیغی كبی، ١٨٦٨ ده دخی شدتلی بر فرطونه طرفندن اولرینك اكثریسی تملدن سوپورلمش، وبیوك كمیلر ساحلدن یاریم ساعت ایچری یه قدر آتلمشیدی. جوارینك اراضیسی پك منبت اولوب، صو آلتنده دخی بولندیغندن كلیتلی مصر بغدایی، یونجه وساىٔر حبوبات حاصل اولور. باشلیجه محصولاتی آلتون، كموش وباقیر معدنلریله (آرلپاقه) و (ویغونیه) دنیلن آمریقا حیوانلرینك یپاغندن عبارتدر. شمال غربیسنده اوزانان ساحلده (هوآقه) تعبیر اولنان بر طاقم ابنیۀ
قدیمه بولنیور، كه مومیالرله وساىٔر آثار عنیقه ایله مملودر.
Kamusul Alam, Şemseddin Sami; Kamusul Alamde arica maddesi. osmanlıcada arica ne demek, arica anlamı manası, arica osmanlıca nasıl yazılır. Osmanlıca sözlükte arica hakkında bilgi. Arapça arica ne demek. Arapça osmanlıca sözlük. Farsçada arica anlamı
Kamusul Alamde - آريقه arica maddesi. Şemseddin Sami, Kamusul Alam Ansiklopedisi