Artabil ~ آردبيل
Kamus-ul'Alam - Artabil ~ آردبيل maddesi. Sayfa: 104 - Sira: 5
Artabil - آردبيل
ایرانك آذربایجان ولایتنده، (سیلان) ویا (سوالان) طاغنك شرقی اتكسنده، (آراس) ایرماغنه منصب اولان قره صویه تابع بر دره نك اوستنده قضا مركزی بر شهر اولوب، تبریزك ٢١۰ كیلومتره شرقنده و ً٢۰ َ١۰ ْ٣٨ عرض شمالیده، آردبیل اووه سی دنیلن واسع بر اووه نك منتهای جنوبنده واقع، و ١٢۰۰۰ اهالی یی جامعدر. مذكور اووه نك بویی واكی تقریباً ٦٥ كیومتره اولوب، حذای بحردن ارتفاعی دخی ١٨۰۰ متره در. ملوك صفویه سلاله سنك جدا كبری اولان شیخ صفی الدین اسحاق حضرتلری بو شهرده مدفون اولوب، مكمل بر تربه سی واردر. آردبیل ١١٤۰ تاریخ هجریسنده آذربایجانك اكثر طرفلریله برابر، بغداد والیسی احمد پاشانك قومانده سی آلتنده سوق اولنان عثمانلی اردوسی طرفندن ضبط اولنه رق، برمدت دولت عثمانیه نك
النده بولنمشدر. مشاهیر علما وشعرادن بر چوق ذواتك مسقط رأسیدر. بو شهر ایران قدیم تاریخنده مشهور اولوب، تاریخ مذكورك روایتنه كوره، ابتدای امرده (روىٔین دژ) نامیله غایت متین بر قلعه دن عبارت بولنمش، وكیخسروایله عمی فریبرزامر سلطنتده بینلرنده منازعت ایتدكلری وقت، بو قلعه یی فتح ایده بیلن تخته چكمك اوزره قرار ویروب، ابتدا فریبرز ایله طوس كیتمش ایسه ده، فتح ایده مدكلرندن، بعده كیخسرو كودرزله كیدوب، قلعه یی فتح، وآردبیل شهرینی دخی اووقت تأسیس ایتمشدر. ملوك صفویه زناننده بو شهر پك معمور ایدیسه ده، بعده خرابه یوز طوتمشدر.
Kamusul Alam, Şemseddin Sami; Kamusul Alamde Artabil maddesi. osmanlıcada Artabil ne demek, Artabil anlamı manası, Artabil osmanlıca nasıl yazılır. Osmanlıca sözlükte Artabil hakkında bilgi. Arapça Artabil ne demek. Arapça osmanlıca sözlük. Farsçada Artabil anlamı
Kamusul Alamde - آردبيل Artabil maddesi. Şemseddin Sami, Kamusul Alam Ansiklopedisi