Archiloque ~ آرخيلوخوس
Kamus-ul'Alam - Archiloque ~ آرخيلوخوس maddesi. Sayfa: 103 - Sira: 3
Archiloque - آرخيلوخوس
یاخود آرشیلوق یو-
نان قدیم اسندن اولوب، قبل المیلاد ٧۰۰ تاریخنده طوغمش، و ٦٣٥ ده وفات ایتمشدر. غایت آتش زبان بر شاعر اولوب، غزل وقصیده وساىٔره نظمنده دخی شهرتی وار ایسه ده، اك زیاده مشغول اولدیغی اشعار هجویات وهزلیات قسمی ایدی. هجویه لرندن طولایی، یونانك بر چوق یرلرندن نفی اولنمش، واسپارطه ده هجویه لرینك مطالعه وقراىٔتی بیله منع ایدلمش ایدی. (لوقامب) اسمنده بر آدم كندیسنه قیزینی وعد ایتمش ایكن، ومؤخراً واز چكدیكندن، كرك كندیسی وكرك قیزی حقنده او قدر آجی وطوقناقلی هجویه لر یازمشیدی، كه زوالیلر محجوبیتلرندن كندی كندیلرینی آصوب انتخار ایتمشلر. آرخیلوخوس اشعار یونانیه عروضنه خیلی خدمت ایتمش، وكندی اسمنه نسبتله یاد اولنور بروزن ایجاد ایتمشدر.
Kamusul Alam, Şemseddin Sami; Kamusul Alamde Archiloque maddesi. osmanlıcada Archiloque ne demek, Archiloque anlamı manası, Archiloque osmanlıca nasıl yazılır. Osmanlıca sözlükte Archiloque hakkında bilgi. Arapça Archiloque ne demek. Arapça osmanlıca sözlük. Farsçada Archiloque anlamı
Kamusul Alamde - آرخيلوخوس Archiloque maddesi. Şemseddin Sami, Kamusul Alam Ansiklopedisi