Archidamus ~ آرخيداموس
Kamus-ul'Alam - Archidamus ~ آرخيداموس maddesi. Sayfa: 103 - Sira: 2
Archidamus - آرخيداموس
یاخود آرشیداموس یونان قدیمك اسپارطه حكمدارلرندن اوچ كشینك اسمیدر: برنجیسی (پروقلیس) سلاله سندن اولوب، قبل المیلاد ٤٦٩ تاریخندن ٤٢٧ تاریخنه قدر حكم سوره رك، مملكتنك بعض طرفلرنده ظهور ایتمش اولان اختلالی باصدیرمش، و (پلوپونسوس) محاربه سنده آتیقه خطه سنی یغما ایدوب، آتنه یی دخی محاصره و (پلاتیا) یی ضبط ایتمشدر. _ ایكنجیسی آجیلاسك اوغلی اولوب، قبل المیلاد ٣٦١ دن ٣٣٨ تاریخنه قدر حكم سورمش، و (تیبه) لیلره قارشی (فوكیده) لیلره امداد ایتدكدن صكره، قومشولریله محاربه ده بولنان (تارتنه) لیلره امداد ایچون، ایتالیایه كیدوب، محاربه ده مقتولاً وفات ایتمشدر. _ اوچنجیسی قبل الیلاد ٢٩٦ دن ٢٦١ تاریخنه دك حكومت سورمش، وقبل المیلاد ٢٩٣ تاریخنده ماكدونیا حكمداری آنتیغونك اوغلی دمتریوس طرفندن مغلوب اولمشدر.
Kamusul Alam, Şemseddin Sami; Kamusul Alamde Archidamus maddesi. osmanlıcada Archidamus ne demek, Archidamus anlamı manası, Archidamus osmanlıca nasıl yazılır. Osmanlıca sözlükte Archidamus hakkında bilgi. Arapça Archidamus ne demek. Arapça osmanlıca sözlük. Farsçada Archidamus anlamı
Kamusul Alamde - آرخيداموس Archidamus maddesi. Şemseddin Sami, Kamusul Alam Ansiklopedisi