Ardennes ~ آردنه
Kamus-ul'Alam - Ardennes ~ آردنه maddesi. Sayfa: 109 - Sira: 8
Ardennes - آردنه
آنف الذكر ماده ده بیان اولنان (آردنه) مملكتنك فرانسه نك النده بولنان قسمندن عبارت اولوب، فرانسه نك ایالات شمالیه سندندر. شمالاً بو مملكتك بلچیقه نك النده بولنان (هانیوت)، (نامور) و (لوكسنبورغ) ایالتلریله، غرباً (اسنه)، جنوباً (مارنه)، وشرق جنوبی جهتندن دخی (موزه) ایالتلریله محدود و محاطدر. مركزی اولان (موزیره) شهری ً٤٣ َ٤٥ ْ٤٩ عرض شمالی ایله ً٤٦ َ٢٢ ْ٢ طول شرقیده واقع اولوب، پارسك ٢۰۰ كیلومتره شمال شرقیسنده كاىٔندر. بوایالتك اراضیسی (موزه) ایله (اسنه) نهرلرینك وادیلرندن عبارت اولمغله، بر قسمی (رین)، وبر قسمی ده (سینه) نهری حوضه سنه تابعدر. اكی وبویی ٨۰ ونهایت ٨٥ كیلومتره اولوب، سطحی ٥٢٣٣ مربع كیلومتره دن عبارتدر. بو ایالتك اراضیسی وعلی الخصوص (آردنه) مملكتنك بر قسمی اولان شرق جهتی، مادۀ سالفه ده
اولان غرب جهتی ایسه نسبةً دها دوزدر. اك یوكسك یرلری ٥۰۰ متره یی تجاوز ایتمز. (موزه) نهری جنوب شرقیدن شماله طوغرو قه رق، ایالتی بریاندن بریانه شق ایله، ١٧٧ كیلومتره لك طولاشیقلی جریانده موزون، سدان، دونشری وساىٔر شهرلرك اوكندن چكر؛ وصاغدن (شیار)، (سموی) و (هوی) چایلرینك و صولدن بعض دره لرك صولرینی دخی طوپلایه رق، بلچیقه طوپراغنه كیرر. بو نهر كوچك كمیلر ایچون سیر سقاىٔنه صالحدر، وبوكا دوكیلن چایلرك صولری بر چوق ماكینه لر چویرر. (اسنه) نهر ایسه جنوب شرقیدن شمال غربی یه طوغربی یه طوغری آقه رق، صاغدن (اره) و (وو)، وصولدن دخی (رتورنه) چایلرینك صولرینی آلیر. (موزه) ایله (اسنه) نهرلری آره سنده (آردنه) ایالتنده ١٨٣٢ ده آچلمش اولان قنال (موزه) حوضه سیله (سینه) حوضه سی آره سنده بر طریق اختلاطدر. (اردنه) ایالتنك هواسی عمومیت اوزره صوىٔوقدر. شرق شمالی جهتی پك ده قابل زراعت اولمیوب، شایان اهمیت محصولات ویرمیورسه ده، غرب جهتی خیلی حبوبات یتیشدیریور، وعلی الخصوص غرب جنوبی قسمی كوزل اورمانلر ومرعلرله مستور اولوب، قویونلری پك چوق وكرك یوكلرینك اییلكیله كرك اتلرینك لذتیله مشهوردر. صیغیرلری دخی چوق، و، بیوك دكللرسه ده، پك قوتلیدر. آنجق بو ایالتك باشلیجه ثروتی صنایعدن اولوب، علی الخصوص دمیر وباقیر معدنلرینك اخراج واعمالیله چوخه، قازمیر، قاستور، فانله، یوكلی قماشلر كبی منسوجات صنعتی پك ایلری یه وارمشدر، و (سدان) وساىٔر شهرلرنده بو صنعتلره مخصوص متعدد فابریقه لر واردر. یالكز منسوجات فابریقه لرنده ١٧۰۰۰ علمه چالیشمقده اولوب، بونلرك ثمرهٔ سعیی ٢٥ ملیون فرانق تخمین اولنور؛ دمیر خانه لرده چالیشان عمله دخی١١ بیك كشی اولوب، ٢١ ملیون فرانق قیمتنده اولان ٣٢۰۰۰ طونیلاته لق دمیر اعمال ایدرلر. ساىٔر صنایعی دخی بونلره قیاس اولنه بیلیر، شمندوفر وساىٔر یوللری وهر طرفله وساىٔط اختلاطی دخى مكملدر. ایالت مذكوره بش قضایه منقسمدر، كه بونلرك حاوی اولدوقلری ناحیه لرله دواىٔر بلدیه واهالیسی وجه آتی اوزره در:
١١ آرد قضا ناحیه دواىٔر بلدیه اهالی مزیره ٧ ١۰٦ ٨٣٦۰۰ وتل ٦ ١١١ ٦١٣٣۰ روقروآ ٥ ٧١ ٥۰۰٧٦ سدان ٥ ٨٢ ٦٩٣۰٥ ووزیر ٨ ١٢١ ٥٥٩۰٦ جمعاً ٣١ ٥۰١ ٣٢۰٢١٧ اهالیسنك همان كافه سی قتولیك اولوب، پروتستانلری بیك كشی قدردر. معارف عمومیه نسبةً كری اولوب، بر قاچ سنه اول اجرا اولنان استاتستیقه كوره، اهالینك نصفی اوقومق یازمق بیلمیوردی. (والون) لسانیله اصل فرانسزجه دن مركب قبا بر لسانله متكلمدرلر.
Kamusul Alam, Şemseddin Sami; Kamusul Alamde Ardennes maddesi. osmanlıcada Ardennes ne demek, Ardennes anlamı manası, Ardennes osmanlıca nasıl yazılır. Osmanlıca sözlükte Ardennes hakkında bilgi. Arapça Ardennes ne demek. Arapça osmanlıca sözlük. Farsçada Ardennes anlamı
Kamusul Alamde - آردنه Ardennes maddesi. Şemseddin Sami, Kamusul Alam Ansiklopedisi