Arzeu ~ آرزو
Kamus-ul'Alam - Arzeu ~ آرزو maddesi. Sayfa: 111 - Sira: 10
Arzeu - آرزو
جزایرك (اوران) ایالتنده وینه بو اسمله یاد اولنان بر واسع كورفزك ساحل غربیسنده وجبل عروسك بر اتكی آلتنده بر قصبه در، كه ً٣٧ َ٥١ ْ٣٥ عرض شمالی و ً١٧ َ٣٧ ْ٢ طول غربیده واقع اولوب، (اوران) شهرینك ٣٧ كیلومتره شرق شمالیسنده (مستغنم) شهرینك دخی همان او قدر غربنده بولنیور. لیمانی شمال وشرق روزكارندن محافظه لی اولمغله، جزایر سواحلنك برنجی لیمانی عد اولنور. بونكله برابر ایچری یه طوغری یوللری وبرده طاتلی صویی اولمدیغندن، قصبه الآن مستحق اولدیغی اهمیته ناىٔل اوله مامشدر. جوارلریله برابر اهالیسی ٤٥۰۰ كشی یه بالغ اولور، كه بونلرك ده نصفی اوروپالیدر. آنجق بو قصبه دن جزایرك ایج طرفلرنده بولنان (صعیده) شهرینه واورادن ده دها ایلری یه بر دمیر
یولی انشا اولنمقده، وقصبه نك اطرافنده كی كوللر قورودلمقده اولدیغندن، ایلریده بیوك بر اهمیت آله جغی شبهه سزدر؛ چونكه لیمانی شمدیكی حالنده ٢۰۰ دن زیاده كمی استیعاب ایدوب، توسیعی حالنده چوق دها زیاده آله بیله جكدر. قربنده طوزلی كول بولنمغله، اورادن خیلی طوز اخراج اولندیغی كبی، حلفه اوتی دخی چیقار. پك قدیم بر مدینه اولوب، اسكی اسمی (آرسناریه) در؛ آنجق اسكی شهر شمدیكنك جنوب طرفنده بولنوب، خرابه لری الیوم موجوددر. یرلیلر (آرزو) اسمنی چوق قوللانمیوب، (المرسی) یعنی ((لیمان)) نامیله یاد ایدرلر. دردنجی عصر هجری اسلام جغرافیونندن بكری شهر قدیمك ویرانه لرینی مكمل صورتده تعریف ایتمشدر.
Kamusul Alam, Şemseddin Sami; Kamusul Alamde Arzeu maddesi. osmanlıcada Arzeu ne demek, Arzeu anlamı manası, Arzeu osmanlıca nasıl yazılır. Osmanlıca sözlükte Arzeu hakkında bilgi. Arapça Arzeu ne demek. Arapça osmanlıca sözlük. Farsçada Arzeu anlamı
Kamusul Alamde - آرزو Arzeu maddesi. Şemseddin Sami, Kamusul Alam Ansiklopedisi
Arzeu ~ آرزو güncel sözlüklerde anlamı:
ârzû ::: (f. i.) : istek, heves.
arzu ::: istek
ârzû ::: istek , heves
ârzû ::: istek
ârzû ::: heves
ârzû ::: (f. i.) istek, heves.