Adjmir ~ آجمیر
Kamus-ul'Alam - Adjmir ~ آجمیر maddesi. Sayfa: 39 - Sira: 4
Adjmir - آجمیر
وانكلیز جه یاخود هندستانك شمال غربیسنده واقع (راجپو تانه) مملكتنك اك بیوك واك قدیم شهری اولوب، انكلیز لر طرفندن ایالت مركزی اتخاذ اولنمشدر. (آراوالی) جبالنك شرقی طرفنده كی اتكلرندن بر نده وتپه لرله محاط مرتفع بر اووه ده بولنوب، (آ كره) نك ٢٢٨ كیلومتره غربنده، دهلینك ٢٥٨ كیلومتره جنوب غربیسنده وبمبایك ٢٧٧ كیلومتره شمال شرقیسنده. َ٢٥ ْ٢٦ عرض شمالیده و َ٢٣ ْ٧٢ طول شرقیده واقعدر. شهر كوزل ومتین بر سورله محاط اولوب، شمال وغرب طرفلرنده بش قپوسی واردر. ایچنده غایت كوزل و مشهور بر جامع شریف بولنوب، جوارنده مطنۀ كرامدن خواجه سیدك تربه سی واردر، كه هندستان
اهل اسلامنك مشار ایله حقنده حسن ظن بلیغلری بولنمغله، دیار بعیده دن توارد ایدن زواری پك چوقدر. سلطان محمود سبكتكین بو شهری ضبط ایدنجه یه قدر چوق اوغراشمشدر. هجرت نبو یه نك ٩٦٧ تاریخنده اكبر شاه طرفندن ضبط ایله، دهل سلطنتنه الحاق اولنمشدر؛ و میلادك ١٨١٧ تاریخنده انكلیزلرك ید ضبطنه چكمشدر. شهرك ٣٤٧٦٣ اهالیسی واردر. مركزی بولندیغی ایالت غایت منبت، لطیف النظرو ، ارتفاعی حسبیله، كوزل هوالی بر بر اولوب، سطحی ٦٩٧۰ مربع كیلومتره، واهالیسی ٤٢٩٢٦٨ نفوسدر، كه بونلردن ٣۰۰۰۰ ااهل اسلامدر.
Kamusul Alam, Şemseddin Sami; Kamusul Alamde Adjmir maddesi. osmanlıcada Adjmir ne demek, Adjmir anlamı manası, Adjmir osmanlıca nasıl yazılır. Osmanlıca sözlükte Adjmir hakkında bilgi. Arapça Adjmir ne demek. Arapça osmanlıca sözlük. Farsçada Adjmir anlamı
Kamusul Alamde - آجمیر Adjmir maddesi. Şemseddin Sami, Kamusul Alam Ansiklopedisi