Agis ~ آجیس
Kamus-ul'Alam - Agis ~ آجیس maddesi. Sayfa: 40 - Sira: 8
Agis - آجیس
یونان قدیمك اسپارطه مملكتنده حكومت سورمش درت حكمدارك اسمیدر، كه بری ((آجید)) لرك یعنی آجیس سلاله سنك بانیس اولوب، دیكر اوچی ایسه (پرو قلیس) سلاله سندندر. _ آجیس سلاله سنك بانیسی اولان آجیسك میلاددن ١۰٦۰ سنه اول حكومت سورمش اولدیغی معلوم ایسه ده، احوالی نامضبوطدر. _ پروقلیس سلاله سندن اولان اوچ آجیسك بر ججیسی (آرشیدامنوس) ك اوغلی اولوب، قبل المیلاد ٤٢٧ دن ٤۰۰ تاریخنه قدر حكومت سوره رك، آرغوسلیلر و آتنه لیلر اوزرینه غلبه چالمغله، اسپارطه یه خیلی تمتع موجب اولمشیدی. _ ایكنجیسی ایكنجی آرشیدامنوسك اوغلی اولوب، قبل المیلاد ٣٣٨ دن ٣٣۰ سنه سنه قدر حكم سورمش، ویونانی ماكدونیا لیلرك اطاعتندن قورتارمغه چالیشه رق، بوبابد، فوق العاده جسارت آثاری كوستر مش ایسه ده، اسكندرك قاعمٔمقامی (آنتیپاتر) طرفندن مغلوب اولوب، محار به ده مقتول اولمشدر. _ اوچنجیسی بو نامله مسمی اولان حكمدارلرك اك مشهوری اولوب، قبل المیلاد ٢٤٤ تاریخنده تخته جلوس ایله، مشهور اسپارطه واضع قانونی (لیقورغوس) ك قوانیننی یكیدن موقع اجرایه قویمغه، ودیونی لغو ایدوب، اراضی یی بریكی ترتیب اوزره تقسیم ایتمكه تشبث ایتمش ایسه ده، حكومتده شریكی اولان حكمدار (لىٔو نیداس) ك ممانعتی وامنیت ایتدیكی آدملرك خیانتی سببیله موفق اوله میوب، نهایت فرار والتجا ایتمش اولدیغی بر معبددن آلنه رق، حبسه القا، واوراده قبل المیلاد ٢٣٩ تاریخنده احناق اولنمشدر. مشهور (پلوتارق) بونك ده ترجمۀ حالنی یازمشدر.
Kamusul Alam, Şemseddin Sami; Kamusul Alamde Agis maddesi. osmanlıcada Agis ne demek, Agis anlamı manası, Agis osmanlıca nasıl yazılır. Osmanlıca sözlükte Agis hakkında bilgi. Arapça Agis ne demek. Arapça osmanlıca sözlük. Farsçada Agis anlamı
Kamusul Alamde - آجیس Agis maddesi. Şemseddin Sami, Kamusul Alam Ansiklopedisi