Ardeche - آردش

فرانسه نك جنوب شرقی جهتی ایالاتندن اولوب، عرض شمالینك ٤٥ درجه سی خطی آلتنده بولنیور، وآق دكیزدن بر درجه لك مسافه ایله آیرلمشدر. بو ایالت اسكی (لانكدوق) ولایتنك (ویواره) سنجاغندن عبارت اولوب، شمالاً (لوآر)، شمال غربی جهتندن ((اوست لوآر)) غرباً (لوزره) ، جنوباً (غارد) ، غرباً (ایزره) و (درومه) ایالتلریله محدود ومحاطدر. شرق طرفندن حدودی (رون) ایرماغنك مجراسیله وغرباً دخی (سوانه) طاغنك صیرتیله آیرلمش اولوب، جنوب جهتنده آقان و قسم اسفلی (غارد) ایالتنك حدودینی آیران (آردش) نهرینك اسمیله تسمیه اولنمشدر. (رون) ایرماغنك مجراسی بوینجه اولان طول اعظمی ١٤٥ وبو نهرك مجراسیله (سوانه) طغنك صیرتی آره سنده اولان عرض دخی قوش اوچشی اعتباریله ٧٥ كیلومتره، و سطحی دخی ٦٦٥ ٥٥٢ یكی دونم یعنی ٥٥٢٧ مربع كیلومتره در. بو ایالتك اراضیسی حذای بحردن آنجق ٨۰ متره ارتفاعی اولان (رون) ایرماغی مجراسندن اك آشاغی ١٢۰۰ متره ارتفاعی اولان سوانه طاغنك ذروه سنه قدركیتدكجه یوكسلمكده اولان وبر طاقم اتكلر ودره لرله منشق بولنان بر بایردن عبارت اولوب، نباتاتی ارتفاعنه كوره تخلف ایدیكی كبی، اراضیسنك احوال جىٔولوجیه سی دخی اوكا كوره مختلف اولوب، اك آلچق یرلری اراضیٔ كلسیه دن، یوكسكجه لری كمور معدنلرینی حاوی شیسندن، وطاغلری دخی غرانیتدن واراضیٔ بركانیه دن عبارتدر. (سوانه) طاغنك ذروه لری وقتیله برر بركان اولوب، هر نه قدر كه بونلر آتش پوسكورتدكلری زمانلر تخطر اولنمیور، وبلكه او زمانلر خلقت بشردن اول بولنیور ایسه ده‌ بر كانلرك آغزلری ولاولرك آقندیلری الآن موجود اولدیغی كبی، بونلره محلجه ویریلن اسملرك دخی ((فرون)) ((جهنمك آغزی)) ((یانمش طاغ))‌ كبی معنالر افاده ایتمسی شایان دقتدر. بو ذروه لرك اك یوكسكی همان وسطنده بولنان و ١٧٥٤ متره‌ ارتفاعی اولان (مزنك) طاغیدر. كه ارتفاعجه فرانسه جبالنك اوچنجیسی اولوب (مونت دوره) ایله

(قانتال) دن صكره كلیر. سوانه طاغی (رون) ایرماغنك حوضه سیله (لوآر) ایرماغنك حوضه سنك اوست طرفی آره سنده بر تقسیم میاه خطی تشكیل ایدیور. (مزنك) ذروه سندن (قوآرون) اسمنده دیكر بر طاغ آیریلوب، شرق جنوبی یه طوغری ممتد اوله رق، ایالتی ایكی یه تقسیم ایدیور. بو ایالتك (سوانه) جبالندن اینه رك (رون) ایرماغنه دوكیلور بر قاچ نهری واردر، كه بونلرك باشلیجه لری اك شمالنده اولان (قانسه) ایله اونك جنوبنده بولنان (دو) و (اریو) وایالتك مركزی اولان (پریواس) شهرینك ایچندن چكن (اوازه) و (قوآرون) طاغندن اینن بر ایكی دره ایله ایالتك جنوبنده كی (آردش) نهرلرندن عبارتدر. كرك بو نهرلرك جمله سی وكرك (رون) ایرماغنك اوقسمی سریع الجریان ومجرالری پك ماىٔل اولمغله، سیرسفاىٔنه صالح اولمدقلری كبی، اوزرلرنده آصمه كوپریلردن بشقه كوپری انشاسی دخی متعسردر. بو ایالتنده طبیعی كوپریلر وتونللر، عجیب مغاره لر، دهشتلی قیالر و بوغازلر، یوكسك شلاله لر، ((دیوقالدیرمی))‌ دنیلن محل كبی طبیعی اوله رق جسیم طاشلرله

اخراج و محلنده اعمال اولنیور. پك ایی ابنیه طاشلری و بر قاچ نوع مرمرلری دخی واردر. معدن صولری دخی چوق اولوب، از جمله (والس) و (سل) صولری پك مشهوردر، ودنیانك هر طرفندن بو صولره كلیتلی آدملر كیدر. آردش ایالتنك صنایعی پك ایلریدر. اك برنجیسی ایپك، ایكنجی درجه ده دمیر واوچنجی درجه ده دباغت اولوب، علی الخصوص الدیون اعمالنه یارایان اینجه و كوزل غانتلر كلیتله اعمال اولنه رق، دنیانك هر طرفنه اخراج اولنور. یوك وایپك ایپلیكخانه لری جچوخه وساىٔر منسوجات وكاغد فابریقه لری دخی چوقدر. بو ایالت اوچ قضایه منقسم اولوب، ٣١ تاحیه، ٣٣٩ داىٔرۀ بلدیه ویا محله وقریه و ٣٨۰٢٧٧ اهالی یی جامعدر، كه بونلرده وجه آتی اوزره در: قضا‌‌‌‌‌‌ ناحیه‌‌‌‌‌‌‌‌ داىٔرۀ بلدیه نفوس پریواس ١۰ ١۰٨ ١٢٥۰٨٢ لارژانتیره ١۰ ١۰٦ ١۰٥٦٢٤ تورنون ١١ ١٢٥ ١٤٩٥٧١ جمعاً ٣١ ٣٣٩ ٣٨۰٢٧٧ آردش ایالتنك بیوك قصبه لری اولمیوب، اك بیو كی اولان (آنونای) شهریدر، كه ١٧۰۰ اهالی یی جامع اولوب، صنایع وتجارتك مركزی اولدیغی حالده، ناحیه مركزلكندن بشقه بر صفت رسمیه سی یوقدر. مركز ایالت اولان (پریواس) شهرینك ایسه آنجق ٨۰۰۰ ، ودیكر ایكی قضا مركزلرندن (تورنون)‌ ك ٥٥۰۰ ، و(لارژانتیره)‌نك دخی ٣۰۰۰ اهالیسی واردر. لكن ایالتك كوچك قصبه لری چوق، واهالیسی فرانسه نك ساىٔر طرفلرینه نسبتله زیاده در. (تورنون) ده بر مكتب اعداذیسی واردر. بو ایالت ازمنۀ‌ قدیمه ده یعنی رومالیلرك اورالری استیلاسنده (هلویوس) تسمیه اولنان بر قومله مسكون اولوب، مركزلری (آلبه) اسمنده بر قصبه ایدی، كه مؤخراً اقوام وحشیه دن اولان (واندال) لر طرفندن تخریب اولنمغله، اونك یرینه (ویویر) شهری بنا اولنمش؛ واو وقتدن بو ایالته (ویواره) اسمی ویرلمشیدی. بو اسمله ایرانده بر قاچ حكمدار كلمشدر. بونلرك اوچی ساسانیان سلاله سندن اولمغله، تاریخلری مضبوط‌ ایسه ده، كیانیان سلاله سنه منسوب اوله رق، تواریخ ایرانیه واسلامیه ده یالكز بر آردشیر كوسترلدیكی حالده،

تواریخ قدیمۀ یونانیه ده واونلردن مأخوذ اولان اووروپا تاریخلرنده (( آردشیر)) ك محرفی اولدیغی آشكار اولان (آرتاقسركس) اسمنده اوچ حكمدار كوستریلیور، وبرینه ((اوزون اللی)) ایكنجیسنه (منمون) یعنی ((بهمن)) اوچنجیسنه ده (اوخوس) یعنی ((پیج)) لقی ویریلیور؛ حالبوكه تواریخ ایرانیه یه باقیلیر سه (بهمن) و (دراز دست) لقبلریله ملقب اولان آردشیر بردر، وكیانیان صره سنده بوندن بشقه آردشیر ذكر اولنمیور. توایخ یونانیه ده برنجی آردشیر (اكسرسس) ك اوغلی كوستریلیور، كه بو (اكسر سس) ویا (كسرس) اسمنك (شیرویه) اسم فارسیسندن محرف اولدیغی محقق ایسه ده، كیانیان سلاله سندن (شیرویه) اسمنده بر حكمدارك بولندیغی معلوم دكلدر. هر حالده ایرانك اسكندرك استیلاسندن اول كی تاریخی پك مبهم ومشوش اولوب، ایرانیلرك النده بولنان تواریخ بعد الاسلام مسموعات وتواتر اوزرینه یازلمش، وفرس قدیم تواریخندن هیج برینه دسترس اولنه‌مامش اولدیغی كبی، یونانیلر دخی ایراندن پك اوزاق اولوب، لسانلرینه دخی واقف وحتی اسملرینی درست تلفظه بیله مقتدر اوله مدقلرندن، و الحاصل مورخین اسلام زماناً، ومورخین یونان دخی مكاناً ایران قدیمدن پك اوزاق بولندقلرندن، ایكی طرفك روایتلرنده دخی پك چوق سهویات وتحریفات واردر. بناءً علیه بوتاریخك بویله ایكی مباین منبعدن كلن ایكی روایتنی تطبیق وتوفیق مشكل وبلكه محالدر. بونك ایچون بو آردشیرلر حقنده ابتدا یونان مورخلرندن مأخوذ اولان روایتی نقل، وبعده فردوسینك نقل اوزره (آردشیر بهمن دراز دست) ك احوالنی ذكر ایده لم: برنجی آردشیر ویا (آرتاقسر كس) ایران ملوكندن شیرویه (ویااكسرسس) ك اوغلی اولوب، قبل المیلاد ٤٧١ تاریخندن ٤٢٤ تاریخنه دك حكومت سورمش؛ وپدرینك قاتلی اولان (اردوان) اسمنده بر وزیرینی قتل ایتدكدن صكره، بلخ طرفلرینك اهالیسیله بر محاربه ایتمش؛ ویوناندن فرارله كندیسنه التجا ایتمش اولان (تمیستوقل) ی حسن قبول، وآتنه لیلرك تشویقیله عصیان ایتمش‌ اولان مصرلیلری اطاعته اعاده ایتمشدر. برالی دیكرندن اوزون اولمغله، ((اوزون اللی)) لقبیله تلقیب اولنمشدر. توراتده (آسوىٔرو) اسمیله ذكر

اولنان ایران حكمداری بو ویاخود بونك باباسی اولدیغی مظنوندر. اشته برنجی آردشیر حقنده اوروپا كتانلرندن آلنه بیلن معلومات بواولوب، واقعا اورته ده تمیستوقلك التجاسی واقعه سی دخی بولندیغندن، وتوراتده ذكر اولنان اسمك (شیرویه) ایله مشابهتی ظاهر اولدیغندن، بویله (آردشیر بن شیرویه) اسمنده بر حكمدار دخی بولنمش اولمسی ممكن ایسه ده، ((دراز دست)) لقبیله ملقب بومیدر، یوقسه زیرده كوستریله جك ایكنجی آردشیرمیدر، بورالری كسدیر یله میور. ایكنجی آردشیر (ویاآر تاقسر كس) ، كویا قوۀ حافظه سی غالب اولمغله، لسان یونانیده بومعنایی افاده ایدن (منمون) لقبیله تلقیب اولنه رق، ایكنجی (داریوس) ك اوغلی وبرنجی آردشیرك تورونی ایدی. بو دخی قبل المیلاد ٤۰٤ تاریخندن ٣٦٢ تاریخنه دك حكومت سوره رك، برادری اولان ((كنج)) (كیروس) ایله ایدیكی محاربه ایله مشهوردر. بو ((كنج)) (كیروس) براردینه قارشی عصیان ایده رك، یوناندن مورخ مشهور (اكسنوفون) ك قومانده سی آلتنده آلمش اولدیغی اون بیك عونه ایله ایرانك اوزرینه یوریمش ایسه ده، مغلوب اولوب، قتل اولنمش، ویونانیلرك بقیة السیوفی اورادن یوللرینی شاشیروب، بیك درلو محن ومشاقله قره دكیز سواحلنه واصل اوله بیلمشلردر. ایكنجی آردشیر حقنده دخی یونان واوروپاجه معلوم اولان تاریخ بوندن عبارتدر. بو آردشیرك لقبی یونانجه برلغت اولمیوب، (بهمن) دن غلط اولدیغی ظاهر اولدیغی كبی، پدری اولان (داریوس) ك دخی (دارا) اولمیوب، (اسفندیار) اولدیغی شبهه سزدر؛ چونكه اسفندیارك اسكی یونان مورخلری عندنده (داریوس) اسمیله معروف اولدیغی دلاىٔل ساىٔره ایله دخی مثبتدر. (اسفندیار) اسمنك (اسفن) و (دیار) كبی ایكی كلمه دن مركب اولوب، برنجیسی تعظیم بیان ایدر بر عنوان اولمغله، آصل سمنك جزییٔ تغییرله (داریو) ویا (داریوس) ە تحویل اولنمش اولمسی دخی محتملدر. هر حالده بو ایكنجی (آرتاقسركس) ك اسفندیارك اوغلی آردشیر بهمن اولدیغنده شبهه قالمیورسه ده. ((درازدست)) لقبی فرودوسنیك دیدیكی كی بونك می یوقسه فردوسنیك هیج ذكر ایتمدیكی برنجی آردشیرك می لقبی اولدیغی، وغلط

خانغی طرفده بولندیغی آكلاشیله میور. لكن مادام كه فردوسی، كیانیان سلاله سنك دورینی طولدیرمق ایچون، ملوكنك اكثریسنه عمر بشرك پك مافوقنده بر زمان سلطنت ویرمكه مجبور اولیور. آره دن بر چوق حكمدارلرك اسم وتاریخلرینی ضبط ایده مه مش، ومثلا برینك مشهور اولان بر لقبنی ده دیكرینه علاوه ایتمش اولمسی محتملدر. هله بیوك (كیروس) ك كیخسرومی، (كیكاوس) می یوقسه آردشیرمی اولدیغی بحق كسدیریله مه مكده ایكن، بو كنج (كیروس) ك كیم اولدیغنی توریخ ایرانیه ده بولمق بسنتون محالدر. یونانیلر البته بونك اسمنی تحریف ایتمشلردر، ایرانیلر ایسه اصلا ذكر ایتمه مشلردر. (اوخوس) لقبیله یاد اولنان اوچنجی آردشیر ایسه آردشیر بهمنك اوغلی اولوب، بیوك برادرلرینی واقرباسندن ٨۰ كشی یی قتل ایتمكله، سلطنته ناىٔل‌ اوله رق، قبل المیلاد ٣٦٢ تاریخندن ٣٣٨ تاریخنه قدر حكومت سورمش؛ وعصیان ایتمش اولان (آردباز) ی مغلوب، سوریه غارت، وصیدون (یعنی صیدا) شهر قدیمنی تحریب ایتمشیدی. غایت ظالم اولمغله، خلقك منفوری اولوب، (باغوآس) ویا (بكوش) اسمنده بر خادمی طرفندن قتل اولنمشدر.