Etabekan ırak ~ اتابكان عراق
Kamus-ul'Alam - Etabekan ırak ~ اتابكان عراق maddesi. Sayfa: 775 - Sira: 3
Etabekan ırak - اتابكان عراق
(و اتابكان موصل) بونلرك دولتی اتا بكان دولتلرینك اك بیوكی و اك اول تشكل ایدنی اولوب، عراق و سوریه جهتلرنده حكمفرما اولمش، وحكمدارلری اهل صلیبه قارشی مقاومت و محاربه ده همت و غیرت كوسترمشلردر. بو دولت سلطان محمود بن محمد بن ملكشاه سلچوقینك امراسندن عماد الدین زنكی بن آسنقر طرفندن ٥٢١ تاریخنده ابتدا امارت صو رتیله تأسیس اولنه رق، ٦٣١ تاریخنه دك ٩۰ سنه سورمش، وزیرده بیان اولنان ٦ حكمدار كلمشدر. عماد الدین زنكی عن ٥٢١ الی ٥٤١ تورالدین محمود )) ٥٤١ )) ٥٦٩ ملك صالح )) ٥٦٧ )) ٥٧٧ عزالدین مسعود اول )) ٥٧٧ )) ٥٨٩ نورالدین آرسلان شاه )) ٥٨٩ )) ٦۰٧ عزالدین مسعود ثانی )) ٦۰٧ )) ٦٣١ عماد الدین زنكینك دیكر اوغلی سیف الدین غازی ایله قطب الدین مودود و قطب الدینك اوغللری ایكنجی سیف الدین غازی و عزالدین مسعود دخی بالاده مذكور نووالدین و ملك صالحك منشوریله موصل و دیار بكر و كردستان طرفلرنده حكم سورمش اولدقلرندن، بو دولت عماد الدین زنكیدنصكره
ایكی یه آیرلمش؛ و موصل شعبه سنك دردنجی حكمداری عزالدین مسعود عم زاده سی ملك صالحك فوتندنصكره حلبی و سوریه نك بعض جهتلرینی دخی ضبط ایتمكله، بونك شخصنده دولتك ایكی شعبه سی ینه برلشمشیدی. بو وجهله موصل و دیار بكرده حكومت سورن اتابكان دخی بر وجه زیردر : سیف الدین غازی عن ٥٤١ الی ٥٤٤ قطب الدین مودود )) ٥٤٤ )) ٥٦٥ سیف الدین غازی )) ٥٦٥ )) ٥٧٦ عزالدین مسعود )) ٥٧٦ )) ٥٧٧ ٥٧٧ تاریخنده دولتك ایكی شعبه سی بر لشمش، و عزالدین مسعود ١٢ سنه دها سلطنت سورمشدر. بو سلاله نك حكمدار اخیری اولان عزالدین مسعود ثانینك وفاتندن صكره، تربیه كرده سی اولان بدر الدین لؤلؤ حكومتی ضبطله، ٢٨ سه سلطنت سورمش؛ و وفاتنده اوغلی ملك صالح جانشینی اولمش ایسه ده، بر سنه صكره مملكت هلاكو طرفندن ضبط اولنه رق، اتابكان عراق دولتی بسبتون منقرض اولمشدر.
Kamusul Alam, Şemseddin Sami; Kamusul Alamde Etabekan ırak maddesi. osmanlıcada Etabekan ırak ne demek, Etabekan ırak anlamı manası, Etabekan ırak osmanlıca nasıl yazılır. Osmanlıca sözlükte Etabekan ırak hakkında bilgi. Arapça Etabekan ırak ne demek. Arapça osmanlıca sözlük. Farsçada Etabekan ırak anlamı
Kamusul Alamde - اتابكان عراق Etabekan ırak maddesi. Şemseddin Sami, Kamusul Alam Ansiklopedisi