Etna ~ اتنا
Kamus-ul'Alam - Etna ~ اتنا maddesi. Sayfa: 778 - Sira: 9
Etna - اتنا
ونام دیكرله جبل سیچلیا جزیره سنك مشهور بر بركانی اولوب، جزیرۀ مذكوره نك شمال شرقیسنده، (قتانیه) شهرینك اوستنده و ساحل بحرده، َ٤٦ ْ٣٧ عرض شمالی ایله َ٤١ ْ١٢ طول شرقیده واقعدر. طاغك اساسنك محیط داىٔره سی ١٨۰ كیلومتره و ارتفاعی ٣٢٥۰ متره در. حالا آچیق اولوب ذاىٔمی صورتده دومان چیقاران و كاه كاه آتشلر و آلولر پوسكورتن آغرلرندن اك بیوكنك محیط داىٔره سی ٥ كیلومتره یه قریب اولوب، بونلردن بشقه سونمش و معطل بر چوق آغزلری دها واردر. بو طاغ اسكی زماندن بری یانمقده اولوب، یونان قدیم اساطونجه جهنم الهی (وولقان) ایله (كیقلوب) تعبر ایتدكلری جنلر زعملرنجه ابو الآلهه اولان مشترینك ساعقه لرینی بو بر كانك آغزنده اعمال ایدرلر ایمش. (انكلاد) ایله (تیفون) اسملرنده ایكی دیوك بو طاتمك آلتنه دیری
كوملمش اولملری دخی اساطیر مذكوره مصاللرندن اولوب، اتنالك او وقتدن آتش افشان اولدیغنه دلیلدر. (ناقسوس)، (اینسا) و (هوبله) اسملریله اوچ شهر قدیم بو بركانك سیل آتشینی آلتنده قالوب، نابدید اولمشلردر. میلادك ١١٨٣ تاریخنده آنسزین پاتلامه سندن اون بش، ١٦٦٩ ده یكرمی، ١٦٩٣ ده آلتمش بیك كشی تلف اولمشدر. اك صكره كی دهشتلی پاتلامه لری ١٨۰٩ و ١٨٣۰ و ١٧٤٣ تاریخلرنده واقع اولوب، قتانیه شهری دفعاتله لاولرك آلتنده قالمق تهلكه سنده بولنمشدر. زمان قدیم حكماسندن (امپدوقل)، اجرای تحقیقات فنیه مقصدیله، بو بر كانك آغزی ایچنه كیدوب، تلف اولمشدر. اخیراً بعض ارباب فن كندیلرینی ایپله باغلاته رق ایتمشلر ایسه ده، طیانه میوب، پك درین كیتمكه موفق اوله مامشلردر. بو طاغك اتكلری پك منبت و اشجارله مستور اولوب حتی آلتنده یوز سواری بارینه بیلن و محیط داىٔره سی ٣٧ متره اولان شهور بر كستانه آغاجی بونده در. جزیره خیلی زمان عربلرك النده بولنمش اولدیغندن، او وقتدن قالمه اوله رق، جوارینك اهالیسی بو طاغه (جبل) دیرلر.
Kamusul Alam, Şemseddin Sami; Kamusul Alamde Etna maddesi. osmanlıcada Etna ne demek, Etna anlamı manası, Etna osmanlıca nasıl yazılır. Osmanlıca sözlükte Etna hakkında bilgi. Arapça Etna ne demek. Arapça osmanlıca sözlük. Farsçada Etna anlamı
Kamusul Alamde - اتنا Etna maddesi. Şemseddin Sami, Kamusul Alam Ansiklopedisi
Etna ~ اتنا güncel sözlüklerde anlamı:
Etna :::
- (i.) ispirto ateşinde bir şey ısıtmaya mahsus kab. Mt Etna Etna yanardağı.