Epaminondas ~ اپاميونداس
Kamus-ul'Alam - Epaminondas ~ اپاميونداس maddesi. Sayfa: 772 - Sira: 3
Epaminondas - اپاميونداس
یونان قدیمك اك مشهور جنكاورلرندن اولوب، كرك شجاعت و جسارتده و كرك استقامت و حسن اخلاقده اسمی مثل حكمنه كچمشدر. (تیبه) شهر قدیمی اهالیسندن اولوب، ابتدا ادبیات و فلسفه تحصیلنه قویلمش ایسه ده، بعده و طننی ضبط ایتمش اولان اسپارطه لیلرك دفع ایتمكده (پلوپیداس) ە یاردیم ایتمش، و بونك اوزرینه تیبه لیلرله اسپارطه لیلر آره سنده آچیلان محاربه ده قوماندان تعیین اولنوب، قبل المیلاد ٣٧١ تاریخنده (لوقتره) مظفریت مشهوره سنی قزانه رق، اسپارطه لیلری مغلوب، و حكمدارلری (قلیومبروت) ی قتل ایتدكدن صكره، (لاقوینا) یی استیلا، (مسینه) نك استقلالنی اعاده و (آرقادیا) ده (مغالوپولیس) شهرینی بنا ایتمكله،
اسپارطه لیلرك تجاوزاتی اوكنی آلمشیدی. قوماندانلغی مدت معینه سنی درت آی دها تمدید ایتمش اولدیغندن، وطننه عودتنده، اعدامله محكوم اولمش ایسه ده، بو حكم اجرا اولنمامغله، بر مدت صكره ینه عسكرك قومانده سنی درعهده ایده رك، تسالیاده طاقم غالبیتلره ناىٔل اولمش؛ و بر مكمل دوننما یاپوب، آتنه دوننماسنی مغلوب، و میلاددن ٣٦٣ سنه اول اسپارطه لیلری بر ایكنجی دفعه اوله رق (ماتینیا) فه منهرم ایتمش؛ و بو صوك محاربه ده آلدیغی بر جریحه دن وفات ایتمشدر.
Kamusul Alam, Şemseddin Sami; Kamusul Alamde Epaminondas maddesi. osmanlıcada Epaminondas ne demek, Epaminondas anlamı manası, Epaminondas osmanlıca nasıl yazılır. Osmanlıca sözlükte Epaminondas hakkında bilgi. Arapça Epaminondas ne demek. Arapça osmanlıca sözlük. Farsçada Epaminondas anlamı
Kamusul Alamde - اپاميونداس Epaminondas maddesi. Şemseddin Sami, Kamusul Alam Ansiklopedisi