Ebyürdi ~ ابيوردی
Kamus-ul'Alam - Ebyürdi ~ ابيوردی maddesi. Sayfa: 771 - Sira: 13
Ebyürdi - ابيوردی
(ابو المظفر محمد بن ابی العباس احمد اموی) مشاهیر شعرا و ادبادن اولوب، نسبی معاویه نك برادری عنبسه بن ابی سفیانه منتهی اولور. نظم و نثری غایت كوزل اولدیغی كبی، حدیث، لغت، نحو، انساب و اخبار عرب وساىٔر فنونده دخی ماهر، فصیح اللسان و صحیح العقیده بر
شاعر ایدی. ابیوردك مضافاتندن (كوفن) قریه سنده طوغوب، ٥۰٧ تاریخنده مسموماً اصفهانده وفات ایتمشدر. بر چوق تألیفات مفیده سی اولوب، اك مشهورلری شونلردر : ((تاریخ ابیورد))، ((كتاب المختلف و المؤتلف))، ((طبقات كل فن))، ((ما اختلف و اىٔتلف دی انساب العرب))، لغته متعلق دخی امثالی نامسبوق آثار جیده سی واردر. شو بر ایكی بیت جملۀ اشعار راىٔقه سندندر : ملكنا اقالیم البلاد فاذعنت لنا رغبة او رهبة عظماؤها فلما انتهت ایامنا علقت بنا شداىٔد ایام قلیل رخاؤها وكان الینا فی السرورابتسامها فصار علینا فی الهموم بكاؤها باب لاهمزه _ فصل الباء الفارسیه
Kamusul Alam, Şemseddin Sami; Kamusul Alamde Ebyürdi maddesi. osmanlıcada Ebyürdi ne demek, Ebyürdi anlamı manası, Ebyürdi osmanlıca nasıl yazılır. Osmanlıca sözlükte Ebyürdi hakkında bilgi. Arapça Ebyürdi ne demek. Arapça osmanlıca sözlük. Farsçada Ebyürdi anlamı
Kamusul Alamde - ابيوردی Ebyürdi maddesi. Şemseddin Sami, Kamusul Alam Ansiklopedisi