Epire ~ اپير
Kamus-ul'Alam - Epire ~ اپير maddesi. Sayfa: 773 - Sira: 5
Epire - اپير
آرناودلغك قسم جنوبیسنده عبارت اولان طوسقه لغك اسم قدیمیدر. شو قدر وار كه طوسقه لق شمالاً اشقومبی نهرینه و شرقاً مناستره قدر ممتد اولدیغی حالده، اسكی اپیر قطعه سی شمال شرقی جهتندن (ویوسه) نهریله محدود اولوب، بو نهرك شرق طرفنده قالان یرلر ماكدونیا، و شمالده كیلر ایلیریادن معدود ایدی. اپیر اسمنك اورانك اسكی اهالیسی عندنده مستعمل اولمسی ملحوظ اولمدیغی كبی، شمدیكی حالده دخی اهالىٔ محلیه قطعۀ مذكوره یی طوسقه لق و آرناؤدلق نامیله یاد ایدوب، اپیر اسمی ایسه اسكی یونان كتابلرینك صحیقه لرینه منحصر قالمش؛ و یالكز یونانك مقاصد توسعكارانه سنه خدمت مقصدیله بیهوده یكیدن احیاسنه چالیشمشدر. (اپیر) و دهاطوغریسی (ایپیروس) لسان یونانیده ((قره)) یعنی ((بر)) دیمك اولدیغندن، قورفه وساىٔر جزاىٔر اهالیسنك كندی و طنلرینه نسبةً بو قطعه یی بو اسمله تسمیه ایتمش اولدقلری مظنون ایسه ده، آرناؤد لساننده (اپیر) یاخود (اپیر) كلمه سی (سیپر) كلمه سنك مرادفی اوله رق ((یوقاری)) دیمك اولدیغندن، قطعۀ مذكوره نك آلچق سواحلنده اسكان ایدنلر طرفندن اللانلمش، و اورالرده لاجل التجاره كیدن یونانیلرك بو كلمه یی ایشیدوب، قطعۀ مذكوره نك علمی ظن ایتمش اولملری دخی احتمالدن بعید دكلدر. اسكی اپیر قطعه سی بر وجه آتی درت خطه یه
و كیغه لغه ((یكی اپیر)) اطلاق اولنوردی. بعده روم ایمپراطورلغنك ضعفه دوچار اولمسی اوزرینه، بو قطعه ده (اپیر دسپوتلغی یعنی امارتی) نامیله بر حكومت تشكیل ایتمش؛ و دها صكره هر طرفی نیم مستقل بر پرنسك ید اداره سنه كچشیدی. بو حالده ایكن غزات عثمانیه طرفندن فتح اولنه رق، روم ایلینك ساىٔر طرفلریله برابر دولت علیۀ عثمانیه نك داىٔرۀ اداره سنه داخل اولمشدر. [احوال حاضره سی ایچون ((آرناوادلق)) و ((طوسقه لق)) ماده لرینه مراجعت بیوریله.]
Kamusul Alam, Şemseddin Sami; Kamusul Alamde Epire maddesi. osmanlıcada Epire ne demek, Epire anlamı manası, Epire osmanlıca nasıl yazılır. Osmanlıca sözlükte Epire hakkında bilgi. Arapça Epire ne demek. Arapça osmanlıca sözlük. Farsçada Epire anlamı
Kamusul Alamde - اپير Epire maddesi. Şemseddin Sami, Kamusul Alam Ansiklopedisi