Ebul Ula Bin Zehr ~ ابو العلا بن زهر
Kamus-ul'Alam - Ebul Ula Bin Zehr ~ ابو العلا بن زهر maddesi. Sayfa: 741 - Sira: 3
Ebul Ula Bin Zehr - ابو العلا بن زهر
(زهر بن ابی مروان عبد الملك) اندلسك مشاهیر اطبا و حكماسندن اولوب، اشبیلیه نك اك بیوك خاندانلردن مشهور (ابن زهر) عاىٔله سنه منسوب ایدی. طبده عصرینك فریدی اولوب، تشخیص امراض و تشفیۀ مرضاده حارق العاده بر مهارت كوسترمش اولدیغی كبی، علوم حكمیه و طبیعیه ده و شعر و ادبیاتده دخی یدطولی صاحبی ایدی. مرابطین زماننده نشأت ایدوب، بونلرك پك چوق احسان و انعاملرینه ناىٔل اولمشیدی. ابن سینانك قانونی بونك زماننده مغربه ادخال اولنه رق، صاحب ترجمه نك الینه كچمشیدی ٥٢٥ تاریخنده وفات ایتمشدر. بونك پدری ابو مروان، اوغلی دیكر ابو مروان و حفیدی ابو بكر بن زهر دخی مشاهیر اطبادندر. صاحب ترجمه نك تألیفاتی بروجه آتیدر : ((كتاب الخواص))، ((كتاب دویة المفردة))، ((الایضاح بشواهد الاقتضاح))، ((حل شكوك الرازی علی كتب جالینوس))، ((مجربات))، ((مقالة فی الرد علی ابی علی ابن سینا))، ((كتاب النكت الطبیة))، ((مقالة فی بسطه لرسالة یعقوب بن اسحاق الكندی)) بونلردن بشقه بر طاقم رساىٔل و محرباتی واردر، كه وفاتندن صكره علی بن یوسف بن تاشفینك امریله جمع و تدوین اولنمشلردر.
Kamusul Alam, Şemseddin Sami; Kamusul Alamde Ebul Ula Bin Zehr maddesi. osmanlıcada Ebul Ula Bin Zehr ne demek, Ebul Ula Bin Zehr anlamı manası, Ebul Ula Bin Zehr osmanlıca nasıl yazılır. Osmanlıca sözlükte Ebul Ula Bin Zehr hakkında bilgi. Arapça Ebul Ula Bin Zehr ne demek. Arapça osmanlıca sözlük. Farsçada Ebul Ula Bin Zehr anlamı
Kamusul Alamde - ابو العلا بن زهر Ebul Ula Bin Zehr maddesi. Şemseddin Sami, Kamusul Alam Ansiklopedisi