Ebul Atahiye ~ ابو العتاهيه
Kamus-ul'Alam - Ebul Atahiye ~ ابو العتاهيه maddesi. Sayfa: 739 - Sira: 3
Ebul Atahiye - ابو العتاهيه
(ابو اسحاق اسماعیل بن قاسم) اعاظم شعرای عربدن اولوب، ١٣۰ تاریخنده كوفه ده تولد، و ٢٢١ ده بغدادده وفات ایتمشدر. پك تكلیفسز شعر سویلدیلی معلوم اولوب، اشعاری او قدر چوقدر، كه جمله سنك جمعنه كیمسه موفق اوله مامشدر؛ آنجق هپسی اعلاجنسندن اولمیوب، اوسط و ادنالری دخی چوقدر. اكثر اشعاری زهد و نصیحت و اخلاقه متعلقدر. داىٔما دنیانك فناسندن و اولومدن بحث ایدوب ده آخرتی ذكر ایتمدیكندن، فلاسفه مذهبنه تابع بولندیغی ظن اولنمشدر. خلفای عباسیه دن مهدی و هارون الرشید و مأمون ایله بر چوق ماجرالری واردر. حقنده پك چوق نوادر و غراىٔب منقولدر. هارون الرشید طرفندن بر مدت حبس اولنه رق، بو حبسك سببی ب محبوسیتی زماننده واقع احوالی و مهدینك جاریه لرندن (عتبه) یه اولان عشق و علاقه سی حقنده بر چوق روایات واردر، وبو خصوصلره داىٔر دخی بر چوق اشعار سویلمشدر. اشعاری او قدر تكلیفسز و طبیعیدر، و او قدر قولای شعر سویلرمش، كه استسه م، داىٔما منظوم اوله رق تكلمه مقتدرم دیمش اولدیغی مرویدر. شو بر ایكی بیت جملۀ اشعارندندر : الا اننا كلنا باىٔد و ای بنی آدم خالد و یدؤهم كان من ربهم و كل الی ربه عاىٔد فیها عجبا كیف یعصی الاایه ام كیف یحجده الجاحد و فی كل شىٔ له آیبة تدل علی انه واحد
Kamusul Alam, Şemseddin Sami; Kamusul Alamde Ebul Atahiye maddesi. osmanlıcada Ebul Atahiye ne demek, Ebul Atahiye anlamı manası, Ebul Atahiye osmanlıca nasıl yazılır. Osmanlıca sözlükte Ebul Atahiye hakkında bilgi. Arapça Ebul Atahiye ne demek. Arapça osmanlıca sözlük. Farsçada Ebul Atahiye anlamı
Kamusul Alamde - ابو العتاهيه Ebul Atahiye maddesi. Şemseddin Sami, Kamusul Alam Ansiklopedisi