Ebu Ubeyde Bin Cerrah ~ ابو عبیده بن جراح
Kamus-ul'Alam - Ebu Ubeyde Bin Cerrah ~ ابو عبیده بن جراح maddesi. Sayfa: 738 - Sira: 8
Ebu Ubeyde Bin Cerrah - ابو عبیده بن جراح
(عامر بن عبدالله بن جراح بن هلال بن وهیب بن ضبه بن حادیث بن فهر) صحابه دن و شجعان مجاهدین اسلامدن اولوب، نسی یدی بطن یوقاریده فهرده نسب رسول الله (صلعم) ایله برلشیر. والده سی (ام غنم امیمه بنت جابر) ایدی. بدر غزاسنده حاضر بولنوب، كفار طرفندن بولنان پدرینی قتل ایتمش اولدیغی كبی، ساىٔر غزواتده دخی معیت رسول اللهده بولنوب، هروقت كوستردیكی غیرت و شجاعت فوق العاده سنی حسبیله، طرف رسالتپناهیدن (امین الامة) لقبیله تلقیب بیورلمشیدی. اك بیوك خدمتی حضرت ابا بكر و حضرت عمرك زمان خلافتلرنده واقع اولان شام فتوحاتنده اولوب، بو مهم محاربه لرده كاه باش قوماندان وكاه حضرت خالد بن ولیدك معیتنده اوله رق، فوق العاده همت كوسترمش، و عدل و حقانیتیله دخی خصملری اولان روملری حیرتده براقمشدی. ١٨ تاریخ هجریسنده معسكر مؤمنینده طاعون علتی ظهورنده، عسكر و اهالی یه غیرت ویره رك، بو مصیبتی دخی جناب حقك بر رحمتی عد ایتمكده، وهر كسه بویله عد ایتمسنی نصیحت ایلمكده ایكن، رمله ایله قدس آره سنده واقع (عمواس) قریه سنده بو علته طوتیله رق، ٥٨ یاشنده ارتحال ایتمشدر. قبر شریفی او جوارده (عمیا) قریه سی قربنده (غوبیسان) نام محلده واقعدر. (احمد بن محمد فاشانی) مشاهیر علمادن اولوب، مرو نواحیسنده (فاشان) قریه سنده طوغمش، و هراتده
نشأت ایتمشدر. وفاتی ٤۰١ تاریخنده واقع اولمشدر. قرآن و حدیث غربیلرینی جامع اولمق اوزره، ((كتاب الغریبین)) عنوانیله مشهور بر اثری واردر.
Kamusul Alam, Şemseddin Sami; Kamusul Alamde Ebu Ubeyde Bin Cerrah maddesi. osmanlıcada Ebu Ubeyde Bin Cerrah ne demek, Ebu Ubeyde Bin Cerrah anlamı manası, Ebu Ubeyde Bin Cerrah osmanlıca nasıl yazılır. Osmanlıca sözlükte Ebu Ubeyde Bin Cerrah hakkında bilgi. Arapça Ebu Ubeyde Bin Cerrah ne demek. Arapça osmanlıca sözlük. Farsçada Ebu Ubeyde Bin Cerrah anlamı
Kamusul Alamde - ابو عبیده بن جراح Ebu Ubeyde Bin Cerrah maddesi. Şemseddin Sami, Kamusul Alam Ansiklopedisi