Ebu Zer Gıfari ~ ابو ذر غفاری
Kamus-ul'Alam - Ebu Zer Gıfari ~ ابو ذر غفاری maddesi. Sayfa: 716 - Sira: 2
Ebu Zer Gıfari - ابو ذر غفاری
(جندب بن جناده) اصحاب رسول الله (صلعم) دن اولوب، هجرتدن مقدم مكه ده، دردنجی ویا بشنجی اوله رق، اسلامه كلمشدر. غایتله صدوق و مستقیم
بر ذات اولوب، روایته كوره، مبعث نبی (صلعم) دن اوچ سنه اول عبادة اللهه حصر اوقات ایتمكه باشلامشیدی. اسلامه كلدكدنصكره، قومنه عودتله، هجرتده و بدر و احد و خندق غزالرنده بولنه مامش؛ بعده مدینه یه كیدوب، قرب حضرت فخر مرسلینده بولنمغه باشلامشیدی. حضرت ابا بكرك وفاتندن صكره شامه هجرت ایده رك، حضرت عثمانك خلافتنه دكین اوراده اقامت ایتمش ایكن، بعده معاویه نك واقع اولان شكایتی اوزرینه، حضرت عثمان طرفندن شامدن قالدیریلوب، (ربده) ده اقامت ایتدیرلمش؛ و ٣٢ تاریخنده اوراده غایت فقیر بر حالده وفات ایدوب، تصادفاً بعض آرقداشلرله اورادن چكمكده اولان عبدالله بن مسعود طرفندن تكفین و دفن، و عاىٔله سی مدینه یه سوق اولنمشدر. صاحب ترجمه نك زهد و صدقنك مدحى حقنده بر قاچ حدیث شریف وارد اولمشدر. حضرت عمر بن خطاب، ابن عباس، عبدالله بن عمر و ساىٔر صحابۀ كرام كندیلرندن بعض احادیث نبویه روایت ایتمشلردر.
Kamusul Alam, Şemseddin Sami; Kamusul Alamde Ebu Zer Gıfari maddesi. osmanlıcada Ebu Zer Gıfari ne demek, Ebu Zer Gıfari anlamı manası, Ebu Zer Gıfari osmanlıca nasıl yazılır. Osmanlıca sözlükte Ebu Zer Gıfari hakkında bilgi. Arapça Ebu Zer Gıfari ne demek. Arapça osmanlıca sözlük. Farsçada Ebu Zer Gıfari anlamı
Kamusul Alamde - ابو ذر غفاری Ebu Zer Gıfari maddesi. Şemseddin Sami, Kamusul Alam Ansiklopedisi