ابو دهبل جمحی

Osmanlica ansiklopedi kamus alemde ابو دهبل جمحی maddesi. Sayfa:715


Ebu Dehbel Cümhı - ابو دهبل جمحی

(وهب بن زمعه) قریش مشاهیر شعراسندن اولوب، حضرت علینك اواخر خلافتنده نشىٔت ایتمش؛ و معاویه ویزیدك زمانلرنده شهرت بولوب، معاویه نك و عبدالله بن زبیرك مدحى حقنده بر چوق قصیده لر سویلمشدر. اشعاری غایت كوزل اولمغله

برابر، كندیسی دخی یاقیشقلی و پك لطیف بر آدم اولدیغندن، بعض مشاهیر نسا ایله اولان معاشقه لری حقنده پك چوق اخبار و نوادر منقولدر. قریش قبیله سنده (عمره) اسمنده شاعره و حسنی بر قادین وار ایدی، كه خانه سی مجمع شعرا و ادبا اولوب، ابو دهبل بونك خانه سنه اك زیاده دوام ایدنلردن ایدی. بینلرنده حاصل اولان معاشقه مكه ده داستان اولمغه باشلاینجه، عمره صاحب ترجمه یی اوینه قبول ایتمه مكه باشلامش؛ و ابو دهبل بو هجر و مفارقت حقنده پك چوق سوزشلی اشعار سویلمش، كه شو ایكی بیت او جمله دندر : وقالوا لنا مالم نقل ثم كثروا علینا و باخوا بالذی كنت اكتم الیس عظمیماً ان نكون بیلدة كلانا بها ثاوٍ ولا نتكلم معاویه نك قیزی (عاتكه) حجه كیتدیكی صره ده، ابو دهبل كندیسنه علاقه بند تعشق اولوب، آرقه سی صره شامه كیتمش؛ و دمشقده بالطبع كوریشمك میسر اوله مدیغندن، بر طاقم سوزشلی اشعار ایله هجرندن نالان اولمغه باشلامش؛ و اشعاری دمشقده شیوع بولمغله، شاعر معاویه طرفندن مكه یه عودته اجبار ایدلمشیدی. آنجق عاتكه دخی مقابلةً ابو دهبله كو كل ویرمش اولدیغندن، شاعرك مكه دن معشوقه سنه كوندردیكی حسرتنامه لرك معاویه ویزیدك الینه چكمكله، یزید شاعرك و جودینی قالدیرمق ایستمش ایسه ده، معاویه بو حركتی كار عاقل كورمیه رك، اوسنه یالخاصه حجه عزیمتله، ابو دهبلی بر طاقم احسانات و تخصیصاتله ارضا ایدوب، اغزینی قپاتمشیدی. نهایت یزیدك زماننده ٦٣ تاریخنده وفات ایتمشدر. شو بر ایكی بیت عاتكه حقنده سویلمش اولدیغی اشعارندندر : حمى الملك الجبار عنی لقاىٔها فمن دونها تحشی المتالف و القتل قلا خیر فی حب یخاف و باله ولا حبیب لا یكون له وصل فوا كبدی انی اشتهرت بحبها ولم یك فیما بیننا ساعة بذل

Kamusul Alamde Ebu Dehbel Cümhı maddesi, ابو دهبل جمحی osmanlica tarih ve cografya ansiklopedisi Ebu Dehbel Cümhı nedir anlami. hakkinda bilgi



6 13 20 27 34 41 48 55 62 69 76 83 90 97 104 111 118 125 132 139 146 153 160 167 174 181 188 195 202 209 216 223 230 237 244 251 258 265 272 279 286