Ebu Bekir Sıddıki - ابو بكر صديق

(عبدالله بن ابی قحافه بن عامر بن عمرو بن كعب بن سعد بن تیم بن مره بن كعب القرشی، رضیالله تعالی عنه) صحابۀ كرامك سالاری و عشرۀ مبشره نك بری اولوب، حضرت فخر كاىٔنات (صلعم) افندمزك یارغاری بولنمش، و ارتحاللرنده برنجی خلیفه سی و خلفای راشدینك اولی اولمشدر. والده سی ام الخیر سلمی بنت صخر بن عمرو بن كعب بن سعد بن تیم بن مره بن كعب ایدی. بو وجهله كرك پدری و كرك والده سی طرفندن نسبی یدنجی بطنده و مره بن كعبده نسب پاك حضرت پیغمبری ایله برلشیر. جاهلیتده

الكذاب، سجاح المتنبىٔه و طلیحة الاسدینك تربیه سیله اوغراشلدیغی كبی، حیره و انبار دخی فتح اولنمش؛ و شامك فتحنه مباشرت اولنه رق، خالد ولید و عبیده بن جراح او جهتك فتحنه مأمور اولمشلردی. دیكر صحابۀ كرامك دخی معاویت و امدادیله بو تشبثاتك جمله سنده موفق اولوب، ایكی سنه لك خلافتلری زماننده اساس دین مبین تأمین و تقویه، و ممالك اسلامیه یی خیلیدن خیلی توسیع ایله، جزیرة العربك خارجنده دخی نشر اسلام كندیلرینه میسر اولمشدر. ٢ سنه ٣ آی و ١۰ كون خلافتدن صكره، هجرر نبویه نك ١٣ نجی سنه سی جمازی الاخراسنك ٢٢ نجی صالی كونی آقشامدن صكره وفات ایدوب، روضۀ مطهره ده دفن اولنمشدر. وفاتلرنده ٦٣ یاشنده ایدی. بر روایته كوره، بر سنه اول بعض یهودیلر طرفندن تسمیم ایدلمش اولمغله، بوسمك تأثیرندن، و دیكر بر روایته كوره، صوىٔوق بر هواده ییقانمغله، و فاتلرنده پدری ابو قحافه بر حیات ایدی. حضرت ابو بكر قبل الاسلام (قتیله بنت عبد العزی) و (ام رومان دعد بنت عامر) ی تزوج ایدوب، برنجیسندن عبدالله و اسماء، و ایكنجیسندن عبدالرحمن و عایشه دنیایه كلمشلردر؛ بعد الاسلام دخی جعفر بن ابی طالبدن طول قالان (اسماء بنت عمیسی) و (حبیبه بنت خارجه) یی تزوج ایده رك، برنجیسندن محمد، و ایكنجیسندن كندیسنك و فاتندن صكره ام كلثوم تولد ایتمشلردر. الحاصل درت زوجه سندن اوچ اركك و اوچ قیز اولادی اولمشدر، كه بونلردن حضرت عایشه ازواج مطهرۀ رسوالله عدادینه داخل اولمشدر. حضرت ابا بكر صدیقك مناقی و تواضع و سخاء تیله ساىٔر اوصاف جلیله لرینه متعلق اولان حكایات و نوادر لا تعد ولاتحصی اولوب، حقلرنده متعدد آیات كریمه نازل و نیجه احادیث نبویه صادر اولمشدر. كندیلرندن منقول اولان احادیث شریفه یالكز ١٤٢ عددنده اولوب، بوده حضرت پیغمبرك ارتحالندن صكره چوق یاشامدقلرندن، و ضبط احادیث شریفه یه اعتنا ایدن تابعین دها یتیشمه مش اولمسندن ایلری كلمشدر. بواحادیث شریفه قیزی حضرت عایشه و حضرت عمر بن خطابدن روایت اولنمشدر. آیات اوراق پریشان اوزرنده و صحابه نك حفظنده بولنمغله، حضرت صدیق

اسمی (عبداللات) وبر روایته كوره (عبدالعزی) اولوب، دین اسلامه دخوللرنده حضرت نبی ذی شان (صعلم) طرفندن (عبدالله) تحویل بیورلمشدر. مخلصی (عتیق) اولوب، حضرت رسول اللهك نبوتنی اك اول تصدیق ایدنلرندن اولمغله، (صدیق) مخلصیله شهرت بولمشلردر. اول امرده بزاز و تاجر اولوب، ثروت و نفوذ صاحبی و انساب قریشه عالم ایدی. بر روایته كوره حضرت خدیجه دن صكره ایكنجی، و دیكر بر روایته كوره حضرت علی ایله خید بن حارثه دن صكره دردنجی اوله رق، ایمانه كلمشدر. و ایمان ایتدكدن صكره، حضرت فخر كاىٔنات افندمزه فوق العاده بر صدق و محبت حاصل ایده رك، قومنی اسلامه دعوت ایتمكه باشلامش؛ و صحابۀ كرامدن عثمان بن عفان، زبیر بن عوام، عبدالرحمن بزعوف، سعد بن ابی وقاص و طلحه بن عبدالله حضرت صدیق اكبرك دعوتیله اسلامه كلمشلردر. كندیسی اسلامه كلدكدن صكره، اموالنی تمامیله تصدیق ایدوب، اصحاب قناعتدن اولمشدر. كفار قریش حضرت نبی ذیشانه قصد ایتدكلرنده، حضرت ابا بكر برابرلرنده قاچوب، بر مغاره یه اختفا ایتمش اولمغله، یارغار صفتنه وحضرت رسالتپناه افندمزك نیجه تبشیرات نبویه لرینه مظهر اولمشلردی. بدر، احد، خندق وساىٔر غزوات سنیه ده حاضر بولنوب، داىٔما وجودینی حضرت پیغمبر سپر ایتمكه شتاب ایدردی. حضرت رسولك ارتحالنده حضرت فاروق، كمال حزن و كدرندن و اسلامه خلل كلیر قورقوسیله، رسولاللهك سمایه رفع اولندیغنی اعلان، و ارتحال ایتدی دینلری تهدید ایتمكده اولدیغی حالده، حضرت ابا بكر جماعتك ایچنه كیره رك : ((وما محمد الارسول قد خلت من قبله الرسول افان مات قو قتل انقبتم علی اعقابكم الح)) آیت كریمه سنی تلاوتدن صكره، ((ای مؤمنلر ! حضرت محمده عبادت ایدیوردیسه كز، حضرت محمد وفات ایتدی؛ حضرت اللهه عبارت ایدیورسه كز، الله حی لایموتدر)) دیمش؛ و بو سوز قلوب مؤمنینه تسلی وامنیت بخش ایتمشیدی. جزىٔی بعض اختلافاتدن صكره اوكون حضرت ابا بكر خلافته انتخاب اولنمشدر. زمان خلافتلرنده بعض قباىٔل عرب ارتداد ایدوب، بعضلری دخی ذكاتك اداسندن امتناع ایتدكلرندن، بونلرك و نبوت ادعاسنه قالقیشان اسود عنسی، مسیلمة

اكبرك زماننده قید و تحریر اولنه رق، قرآن كریم ضبط ایدلمش؛ و مؤخراً حضرت عثمان طرفندن صره یه قونیله رق نسخۀ صحیحه سی تفریق و ترجیح اولنمشدر.