İbni Vafid ~ ابن وافد
Kamus-ul'Alam - İbni Vafid ~ ابن وافد maddesi. Sayfa: 675 - Sira: 8
İbni Vafid - ابن وافد
(وزیر ابوالمطرف عبدالرحمن بن محمد) اندلس اشرافندن و مشاهیر اطبادن اولوب، ٣٨٧ تاریخنده طوغمش، و طلیطله شهرنده اقامت ایدوب، ٤٦۰ تاریخندن صكره وفات ایتمشدر. جالینوس و آرسطونك كتبنی تتبعده زیاده سیله اعتنا ایدوب، علی الخصوص ادویۀ مفرده ده اسلاف و معاصریننی فرسخ فرسخ كچمشیدی. غایت مشكل و آغر خسته لقلری ایی ایتمه ده كی مهارت واقتدارینه داىٔر پك چوق حكایات و نوادر منقولدر. تداویده كندینه مخصوص بر مسلكی اولوب، اغدیه ایله تداویسی ممكن اولان خسته لره ادویه ویرمز، و ممكن مرتبه ده ادویۀ مفرده یی ادویۀ مركبه یه ترجیح ایدوب، تركیبه مجبور اولدیغی وقت دخی، انواع مختلفه تر-
كیبندن احتراز ایدر ایمش، جالینوس ودیسقوریدسك كتابلرنده بولنان و كندی طرفندن علاوه اولنان ادویۀ مفرده یی بر حسن ترتیبیله جامع اولمق اوزره، ((كتاب الادویة المفردة)) عنوانیله مكمل بر اثری، و طبه متعلق ((كتاب الوساد))، ((مجربات))، ((تدقیق النظر فی علل حاسة البصر)) و ((المغیث)) عنوانلی تألیفاتی واردر.
Kamusul Alam, Şemseddin Sami; Kamusul Alamde İbni Vafid maddesi. osmanlıcada İbni Vafid ne demek, İbni Vafid anlamı manası, İbni Vafid osmanlıca nasıl yazılır. Osmanlıca sözlükte İbni Vafid hakkında bilgi. Arapça İbni Vafid ne demek. Arapça osmanlıca sözlük. Farsçada İbni Vafid anlamı
Kamusul Alamde - ابن وافد İbni Vafid maddesi. Şemseddin Sami, Kamusul Alam Ansiklopedisi