İbnil Fariz ~ ابن الفارض
Kamus-ul'Alam - İbnil Fariz ~ ابن الفارض maddesi. Sayfa: 653 - Sira: 3
İbnil Fariz - ابن الفارض
(ابو حفص عمر بن علی) كبار مشایخ صوفیه دن و اولیاء اللهدن بر ذات اولوب، پدری عن اصل حمالی اولدیغی حالده، كندیسی ٥٥٦ تاریخنده قاهره ده طوغمش؛ و بر مدت حرم شریفه مجاور اولدقدن صكره، مصره عودتله، جامع ازهرده مداوم صلاة و عبادت اولوب، اكابرك صحبتنه اصلا التفات ایتمز، و بلكه كندیلرندن قاچار، و كیمسه دن بر شی آلماز ایدی. علوم دینیه و حقیقت و تصوفده بر بحر عرفان اولمغله برابر، ارباب جذبه دن اولوب، بعض غراىٔب احوالی و كرامات و مقاماتی مشهوردر. حقایق صوفیه و كمالات معتویه یه متعلق اشعار و قصاىٔدی چوق و غایت فصیح و بلیغ اولوب، مرتب دیوانی واردر. بر قصیدۀ تانیه سیله برده قصیدۀ یاىٔیه سی مشهوردر. دیواننی و قصاىٔدینی اكثر علما و ادبا شرح ایتمشلردر. بو شرحلرك اك مكملی شیخ حسن بورینك شرحیدر. ((تاىٔیه)) سنه دخی بر چوق شرحلر یازیلوب، حتی مولانا عبدالرحمن جامی دخی فارسی العباره شرحنی یازمشدر. فرغانینك قصیدۀ مذكوره یه اولان شرحی مطبوعدر. ابن الفارض ٦٣٢ تاریخنده قاهره ده ارتحال ایدوب، تربه سی زیارتكاهدر.
Kamusul Alam, Şemseddin Sami; Kamusul Alamde İbnil Fariz maddesi. osmanlıcada İbnil Fariz ne demek, İbnil Fariz anlamı manası, İbnil Fariz osmanlıca nasıl yazılır. Osmanlıca sözlükte İbnil Fariz hakkında bilgi. Arapça İbnil Fariz ne demek. Arapça osmanlıca sözlük. Farsçada İbnil Fariz anlamı
Kamusul Alamde - ابن الفارض İbnil Fariz maddesi. Şemseddin Sami, Kamusul Alam Ansiklopedisi