İbni L Garire - ابن الغريره

(كثیر _ ) بنی نهشل قبیله سندن بر شاعر اولوب، وقت جاهلیتده كسب شهرت ایتدكدن صكره، شرف اسلامله مشرف اولمش؛ و كرك قبل الاسلام كرك بعد الاسلام شعر سویلمشدر. حضرت عمر فاروق (رضه) زماننده اقرع بن حابس و برادری قومانده سیله طالقان و جوزجانه سوق اولنان عسكر‌ میاننده بولنمغله، اوراده شهید اولان مجاهدین‌ اسلام حقنده مفصل بر مرثیه سویلمشدر، كه شو بر ایكی بیت اوندندر : سقی مزن السحاب اذا استهلت مصارع فتیة بالجوزجان الی القصرین من رستاق خوط اباد هم هناك الاقرعان وما بی ان اكون جزعت الا حنین القلب للسبرق الیمانی